අපල දුරුවෙන්න යකදුරා දුන් තැඹිලි බී තාත්තයි දුවයි එළොව ගිය හැටි - Photos & Video - Father And Daughter Death In Puttalam - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Aug

අපල දුරුවෙන්න යකදුරා දුන් තැඹිලි බී තාත්තයි දුවයි එළොව ගිය හැටි - Photos & Video

16 Views

යකදුරෙකු විසින් ලබාදුන් තැඹිලි වතුර පානය කිරීමෙන් පසු අසාධ්‍ය තත්ත්වයට පත්වූ පියෙකු සහ දියණියක මියයාමේ පුවතක් පුත්තලම - අට්ටවිල්ලූව ප්‍රදේශයෙන් වාර්තාවුණා.

අපල උපද්‍රව පහකර ගැනීම සඳහා සහ නිරෝගී සුවය පතා සීදූව - බණ්ඩාරවත්ත - රාජපක්ෂපුර පදිංචි 10 දෙනෙකුගෙන් යුත් කණ්ඩායමක් අදාළ යකදුරා පැවැත්වූ ශාන්ති කර්මයකට පෙරේදා සහභාගි වී තිබෙනවා.

එහිදී ලබාදුන් තැඹිලි වතුර පානය කිරීමෙන් අනතුරුව අසාධ්‍ය තත්ත්වයට පත්වූ 40 හැවිරිදි දියණිය සහ 60 හැවිරිදි පියා රෝහල් ගතකර තිබෙනවා. දියණිය හලාවත මූලික රෝහලේදී ජීවිතක්ෂයට පත්ව ඇති අතර, පියා පෙරේදා දිනයේ ජීවිතක්ෂයට පත්ව තිබෙනවා. සිදුකරන ලද පරීක්ෂණවලදී අනාවරණ වී ඇත්තේ අදාළ පියා සහ දියණිය කළක පටන් ඇදුම රෝගී තත්ත්වයෙන් පෙලූනු අය බවයි.

කෙසේ වෙතත් දියණියගේ මරණ පරීක්ෂණ වාර්තාවෙන් අනාවරණ වී ඇත්තේ සෙම සිරවීමෙන් ඇය ජීවිතක්ෂයට පත්ව ඇති බවයි. ජීවිතක්ෂයට පත්වූ පියාගේ මරණ පරීක්ෂණය පැවැත්වීමට නියමිතව තිබෙනවා.

සීදුව - රාජපක්ෂපුර ප්‍රදේශයේ පිහිටි නිවසේ තැන්පත් කර තිබූ දියණියගේ දේහය පිළිබද අවසන් කටයුතු ඊයේ සිදුකළා. නිකවැරටිය - රස්නායකපුර ප්‍රදේශයේ පදිංචි කපිල විජේසේකර නම් 35 හැවිරිදි අදාළ යකැදුරා හලාවත මහ රෝහලට පොලීසිය කැඳවා ඇති අතර, ඔහුගෙන් ප්‍රකාශයක් ද සටහන් කර තිබෙනවා.

ඔහු මාධ්‍යට දැක්වූ අදහස් පහතින්....

අවුරුදු 4 හමාරක් විතර වෙනවා, මෙහෙම ප්‍රතිකාර කරන්න පටන් අරන්. මම භාවනා යෝගීව ඉඳලා මාස 6ක් විතර භාවනා කරලා තමයි පෙනීම ලබා ගත්තේ. ඉතින් මම දැනට දහස් ගානක් හොඳ කරලා තියෙනවා මනුස්සයන්ව. මම මෙතුවක් කාලයකට කරපු දේවල් අතරින් මේ වගේ සිද්ධියකට මුහුණ දුන්න පළවෙනි වතාව මේක. ඒකත් මම ඒ කට්ටියගේ වැරැද්දක් හැටියට දකින්නේ. මම එපා කියපු දේවල් කරපු එකත්, ඒ දෙන්නට අසාධ්‍ය තත්ත්වයේ රෝග තියනවා කියලා මට කියපු නැති එකත්, මම දැන ගත්තා නම් කවදාවත් මම ප්‍රතිකාර කරන්නේ නැහැ. මම නොදැනුවත්ව දුන්නු බෙහෙතෙන් එයාලට තිබුණු අසනීපය වැඩිවෙලා සෙම හිරවුණා කියලා තමයි මම හිතන්නේ.