8 Views
පසුගිය දිනෙක අන්තර්ජාලය ඔස්සේ හුවමාරු වූ වීඩියෝවක් නිසාවෙන් තම පාසැල් කාලය පිළිබඳව බොහෝ දෙනෙකුගේ මතකයන් අලුත්වන්නට වුණා. එම වීඩියෝවෙන් දැක්වුණේ එකම පන්තියක සිටි මිතුරෙකු හා මිතුරියක අධිකරණයේදී විනිසුරුවරිය හා චූදිතයා ලෙස හමුවී දඬුවම් නියම වන සංවේදි මොහොතකුයි. විනිසුරුවරිය විසින් තම යහළුවා අධිකරණයේදී හඳුනාගන්නා අතර එයින් මිතුරාද ඇයව හඳුනාගෙන හඬාවැටෙන්නට වනවා.
ඒ අයුරින්ම තමන්ගේ නඩුකාර පෙම්වතිය මුණගැසෙන්නට අසාවෙන් කුලියට මිනීමැරූ ‘‘සිරා‘‘ නම් අයෙකු සම්බන්ධ කරගනිමින් ලියැවුණු සංවේදී පද පෙළක් අපවෙත ලැබී තිබෙනවා.
කුලියට මිනීමරු සිරා බොහෝ කලකට පෙර තම පෙම්වතිය වූ නඩුකාර උත්තමවිය අතින් මරණ දඬුවම ලැබීය.
නුඹම පෙන්නාපු හීනය
බලා ගන්නට බැරිම කොට
මුලින්ම මම ඉරුවේ
බිමම වැටුණූ බීඩි කොට
පස්සෙන් පහු.....
සුදු දුමක් අදිනකොට
දැනුනෙ නෑ නිකම්වත්
ඇබ්බැහි වෙන වගක්
වුණා වගෙ ඔය හිනාවට
ආලයට බර වෙලා
පෙම් හසුන් ලියන ලද
දකුණතේ දබරඟිලි
කොකාටම හුරු උණා
තිත්තයින්ටම මරු දිදී
විස්සෝප වුණු හිතකින්
කෝපය සමඟ දුකක් ගෙන
උණ්ඩය ගියා සීරුවට
නුඹ දන්නනෙ නෑ එදා සිට
ජීවිතේ ගියේම රූහිතෙට
සාධාරණම පොලෝසිය
හඹා පස්සෙන් එනකොට
එකම අඩියක් දිව්වෙ නෑ
හිතුවෙ එක වතාවක් බලන්නට
උසාවිය වෙතම එන්නට
මතක නම් එදවස
පාසලේ නීති පොත
වලංගුම නැති වුණේ
දැලි රැවුල වැවෙන කොට
අත් දෙකට වගේ බෑ
ලනු විලංගුව හදකට
යුක්තියම පසිඳ ලන
නඩුකාර පෙම්වතිය
මගේම හිත මළේ
බොහෝම කාලෙකට ඉස්සර
මෙදා ගත මරන්නට
බිඳ දමා හසුන් ලිව් පෑන් තුඩ
පමුණුවාලනු මැනවි
මරණීය දණ්ඩනය
සසර මේ ලෙසම නොවන්නට
සටහන - මහේෂ් අරුණ
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
