2 Views
අම්බලන්ගොඩ - ඉඩම්තොට ත්රිපුද්ගල ඝාතනය සිදුකළ පුද්ගලයන් මීටියාගොඩ ඊයේ සිදුවූ ඝාතනයට ද සම්බන්ධ බවට පොලීසිය සැක පළ කරනවා.
ප්රදේශය භාර උසස් පොලිස් නිලධාරියෙකු සඳහන් කළේ මෙම ඝාතනය සඳහා ද ටී - 56 ගිනි අවියක් යොදාගෙන ඇති බවයි.
මෙලෙස ඝාතනයට ලක්වූයේ මීටියාගොඩ මංසන්ධියේ එළවළු පළතුරු වෙළදාමේ නිරතව සිටි 45 හැවිරිදි විපුල් ප්රියන්ත නැමැත්තෙක්.
යතුරුපැදියකින් පැමිණි පුද්ගලයින් දෙදෙනෙකු වෙළඳසැල තුළටම පැමිණ මෙම වෙඩි තැබීම සිදුකර තිබෙනවා.
සිද්ධිය වූ ස්ථානයේ තිබී ටී - 56 වර්ගයේ ගිනි අවියක හිස් පතොරොම් කොපුවක් සහ ටී - 56 ජීව උණ්ඩයක් පොලීසිය සොයාගත්තා.
මිය ගිය පුද්ගලයාට පසුගිය වසරේ පෙබරවාරි 13 වන දා මෙම වෙළඳසැල තුළදීම වෙඩි තබා ඇති අතර, එහෙත් එම අවස්ථාවේදී ඔහු දිවි බේරා ගත්තා.
එලෙස වෙඩි තැබූ සැකකරු මේ වන විට රක්ෂිත බන්ධනාගාර ගත කර සිටිනවා.
ඊට අදාළ නඩුව ලබන 15 වන දා බලපිටිය මහේස්ත්රාත් අධිකරණයේදී විභාගයට ගැනීමට නියමිතව තිබූ බවයි පොලීසිය ප්රකාශ කළේ.
එමෙන්ම මීට වසර දෙකකට පෙර කරන්දෙනියේ "හිත හොඳ දොස්තර" නමින් ප්රකට වූ වෛද්යවරයා ඝාතනය කර ඇත්තේ ද මෙම සැකකරු විසින් බව පොලිස් පරීක්ෂණවලදී හෙළි වූ කරුණක්.
එමෙන්ම, මෙම සැකකරු, ඉකුත් 5 වන දා ඝාතනයට ලක්වූ එකම පවුලේ තිදෙනා සහ අද වෙඩි තබා ඝාතනය කළ පුද්ගලයා ඥාතීන් බවයි පොලීසිය ප්රකාශ කළේ.
මාදම්පාගම - ඉඩම්තොට ත්රිත්ව ඝාතනය සම්බන්ධයෙන් පොලීසිය සැක කරන්නේ එහිදී මිය ගිය ඉන්දික ද සොයිසා නැමැත්තාගේ පියා සහ සහෝදරයෙකු මෙම ඝාතන සිදුකළ බවටයි.
මේ පිළිබඳව තොරතුරු පොලීසියට ලබාදුන් බවට සැක කරමින් අද දිනයේ විපුල් ප්රියන්ත නැමැත්තා ඝාතනය කරන්නට ඇති බවට ද පොලීසියට තොරතුරු ලැබී තිබෙනවා.
ඒ අනුව රක්ෂිත බන්ධනාගාරගතව සිටින පුද්ගලයා සහ ඉඩම්තොට ඝාතකයින්ට සම්බන්ධ පුද්ගලයින්ගේ ද සහාය ඇතිව මෙම ඝාතනය සිදුකර තිබේද යන්න පිළිබඳව වැඩිදුර විමර්ශන සිදුකරන බවයි පොලීසිය ප්රකාශ කළේ.
Make a Comment
Make a Comment..
Follow Us
මෙන්න බලන්න තවත් ගොසිප්
රූ සපුවෙන් වගේම දක්ෂතාවයෙන් කාගේත් හදවත් දිනූ ප්රවීණා දිසානායකගේ සුන්දරම ඡායාරූප පෙළක් මෙන්න...
1,786 Views
එක් නිමේෂයක ඇති වූ තදබල සිත් අමනාපයක් සෙනෙහෙබර මවක් සහ ගුරුවරියක් සදහටම අපෙන් උදුරා ගත් හැටි...
27,404 Views
Hot Gossip
Recent Gossip Post
Follow Us
නැගලා යන ගොසිප්
