125 Views
ඓතිහාසික මහනුවර ඇසළ පෙරහර මංගල්යයේ අවසන් රන්දෝලි මහ පෙරහර අද (27) පස්වරු 6.43 ට යෙදුණු සුභ නැකතින් වීථි සංචාරය ආරම්භ කෙරුණා.
මෙවරද උතුම් වූ ශ්රී දළදා කරඬුන් වහන්සේ වැඩම කරවීමේ අති පූජනීය භාග්යය හිමිවූයේ තේජාන්විත කතරගම 'වාසනා' හස්ති රාජයාටයි.
අනුරාධපුර කැළෑබද ප්රදේශයක අතරමංව සිටියදී සොයාගැනුණු 'වාසනා', පින්නවල අලි අනාථාගාරයේ සිට 1978 වසරේදී එවකට අමාත්යවරියක වූ විමලා කන්නන්ගර මහත්මිය විසින් රුහුණු මහා කතරගම දේවාලයට පූජා කරනු ලැබුවා. එතැන් පටන් අද දක්වාම කතරගම දේවාල භාරයේ පසුවන, අඩි 11ක් පමණ උසැති 55 වියැති වාසනා හස්තියාගේ තේජාන්විත ගමන් විලාසය මෙවරත් පෙරහරට එක් කරන්නේ නෙත් සිත් පිනවන දසුනක්.
අද පෙරහරේ වාසනා ඇතාගේ දෑලේ ඇතුන් ලෙස සිංහරාජා සහ පුලතිසි රාජා යන ඇතුන් දෙපළ ගමන් ගන්නා අතර, පෙරහර වැව පාර, දළදා වීථිය, යටිනුවර වීථිය, කන්ද වීථිය, ඩී.එස්. සේනානායක වීථිය සහ රජ වීථිය ඔස්සේ ගමන් කර යළි ගෙවැදීමට නියමිතයි.
මෙම අතිඋතුම් සංස්කෘතික මංගල්යය නැරඹීම සඳහා අද උදෑසන සිටම ලක්ෂ සංඛ්යාත ජනකායක් මහනුවර නගරයට රොක් වී සිටි අතර, ඒ වෙනුවෙන් පොලිසිය විසින් විශේෂ ආරක්ෂක වැඩපිළිවෙළක් සහ විශේෂ රථ වාහන සැලැස්මක්ද ක්රියාත්මක කර තිබෙනවා. ජනාධිපති අනුර කුමාර දිසානායක මහතා ද අද රාත්රියේ මෙම අවසන් රන්දෝලි පෙරහර නැරඹීමට එක්වන බවයි වාර්තා වන්නේ.
හෙට (28) උදෑසන ගැටඹේ තොටේදී සිදු කෙරෙන ඓතිහාසික දිය කැපීමේ මංගල්යයෙන් සහ දහවල් පෙරහරින් අනතුරුව මෙවර ඇසළ පෙරහර මංගල්යය නිමාවට පත්වනවා. ඉන්පසුව, පෙරහර සාර්ථකව නිම කළ බව දැනුම් දෙන ඓතිහාසික සන්නස, දියවඩන නිලමේවරයා ඇතුළු සතර මහා දේවාලවල නිලමේවරුන් විසින් හෙට පස්වරුවේ මහනුවර ජනාධිපති මන්දිරයේදී ජනාධිපතිවරයා වෙත භාරදීමට නියමිතයි.
මෙම අභිමානවත් අවසන් රන්දෝලි මහ පෙරහර අද රාත්රී 10.30 සිට හිරු TV ඔස්සේ ඔබට සජීවීව නැරඹිය හැකියි.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
