Jul
12
161 Views
ගම්මාන ආක්රමණය කරන වන අලි උවදුර නිසා තවත් අහිංසක මිනිස් ජීවිතයක් මේ පොළොවට බිලිවුණු අතිශය සංවේදී පුවතක් ලග්ගල, කිවුලවාඩිය ප්රදේශයෙන් වාර්තා වෙනවා.
ඊයේ (11) දහවල් කාලයේදී සිදුවූ දරුණු වන අලි ප්රහාරයකින් බරපතල තුවාල ලැබූ 45 හැවිරිදි මවක් අවාසනාවන්ත ලෙස මෙලෙස දිවි සමුගෙන තිබෙනවා. මෙසේ මියගොස් ඇත්තේ කිවුලවාඩිය ප්රදේශයේම පදිංචිව සිටි කාන්තාවක් බවයි ලග්ගල පොලිසිය තහවුරු කරන්නේ.
පොලිසිය විසින් සිදු කරන ලද මූලික විමර්ශනවලදී හෙළිවෙලා තියෙන්නේ, ඇය තමන්ගේ නිවස අසල පිහිටි වෙනත් නිවසක් වෙත යෑම සඳහා කිවුලවාඩිය - කරමාන මාර්ගයේ ගමන් කරමින් සිට ඇති බවයි. ඒ වෙලාවේ කිසිවකුත් බලාපොරොත්තු නොවූ අයුරින් පාරට කඩා වැදුණු වන අලියෙකු ඇයට අමානුෂික ලෙස පහර දී තිබෙනවා.
අලි ප්රහාරයෙන් සිරුර පුරා බරපතල තුවාල ලබා ලේ විලක් මැද වැටී සිටි ඇයව, ප්රදේශවාසීන් එකතු වී වහාම ලග්ගල රෝහලට ඇතුළත් කිරීමට පියවර ගෙන තිබුණා. නමුත් වෛද්යවරුන්ටද නිදැල්ලේ සිටි මාරයා පරාජය කිරීමට නොහැකි වූ අතර, රෝහලේදී ඇය අවසන් හුස්ම හෙළා තිබෙනවා.
දිනෙන් දින දරුණු වන අලි - මිනිස් ගැටුමට තවත් එක ජීවිතයකින් වන්දි ගෙවන්නට සිදුවීම ගැන ප්රදේශවාසීන් දැඩි කනස්සල්ලෙන් සහ කෝපයෙන් පසුවන බවයි වාර්තා වෙන්නේ. සිද්ධිය සම්බන්ධයෙන් ලග්ගල පොලිසිය විසින් මේ වන විට වැඩිදුර විමර්ශන කටයුතු ආරම්භ කර තිබෙනවා.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
