Jun
12
180 Views
ආදරවන්තයින් තමන්ගේ ආදරය ප්රකාශ කරන්න, නැතහොත් ආදරයේ මතකයන් සටහන් කරන්න විවිධ ක්රම පාවිච්චි කරනවා.
ඒ අතරින් තරුණ පරපුර අතර වඩාත් ප්රසිද්ධ, එහෙත් වෛද්ය විද්යාත්මකව අතිශය අවදානම් සහගත ක්රියාවක් තමයි "ලව් බයිට්" (Love Bite) නැතහොත් "හික්කි" (Hickey) කියලා හඳුන්වන්නේ. මීට වසර කිහිපයකට පෙර මෙක්සිකෝවෙන් වාර්තා වූ එක්තරා අවාසනාවන්ත පුවතක්, මේ ක්රියාව කොතරම් භයානක විය හැකිද යන්න ලෝකයටම පසක් කර දුන්නා.
එහිදී තමාගේ පෙම්වතිය විසින් බෙල්ලේ ඇති කරන ලද 'Love Bite' එකක් හේතුවෙන් ජුලියෝ මැකියාස් ගොන්සාලෙස් නැමැති 17 හැවිරිදි නීරෝගී තරුණයෙකුට අවාසනාවන්ත ලෙස ජීවිතයෙන් සමුගන්නට සිදුවුණා.
වෛද්ය විද්යාත්මක සාක්ෂිවලට අනුව, බෙල්ලේ සම මතුපිට ඉතාමත් සූක්ෂම ලෙස සහ තදින් ඉරීමට හෝ හැපීමට ලක් කිරීමේදී සමට යටින් ඇති සියුම් රුධිර වාහිනී (Capillaries) පුපුරා යාමක් සිදුවනවා. අපේ බෙල්ල දෙපස මොළයට ලේ රැගෙන යන ප්රධාන ධමනි (Carotid Arteries) පිහිටා තිබෙනවා.
මෙලෙස බෙල්ල ප්රදේශය තදින් ඉරීමට ලක් කිරීම නිසා එම ප්රධාන නහරයක් ඇතුළත ලේ කැටියක් (Blood Clot) නිර්මාණය වී තිබෙනවා. පසුව මෙම ලේ කැටිය රුධිර ගමනාගමනයත් සමඟ මොළය දෙසට ගමන් කර, මොළයේ ඇති සියුම් නහරයක හිරවීමෙන් අංශභාග තත්ත්වයක් ඇතිවී තිබෙනවා. තරුණයාට රාත්රී ආහාර වේල ගනිමින් සිටියදී එකවරම අපස්මාර තත්ත්වයක් හටගෙන ඇති අතර, වෛද්යවරුන් පැමිණීමටත් පෙර ඔහු ජීවිතක්ෂයට පත්ව තිබුණා.
මෙවැනි සිදුවීම් ලෝකයේ ඉතාමත් කලාතුරකින් වාර්තා වන ඒවා වුවත්, මෙයින් සිදුවිය හැකි අනතුර 100% ක්ම බැහැර කළ නොහැකි බව වෛද්යවරු පෙන්වා දෙනවා. මීට පෙර 2010 වසරේදී නවසීලන්තයේ 44 හැවිරිදි කාන්තාවකටද මෙවැනිම Love Bite එකක් නිසා ශරීරයේ එක පැත්තක් පණ නැතිවීමේ (Stroke) තත්ත්වයක් ඇතිවූ අතර, පසුව වෛද්ය ප්රතිකාර මඟින් ඇය සුවය ලැබුවා.
සමාජ මාධ්ය හරහා මෙවැනි දෑ සරල දේවල් ලෙස පෙනෙන්නට තිබුණත්, ශරීරයේ සංවේදීම සහ ප්රධාන නහර පිහිටා ඇති බෙල්ල වැනි ප්රදේශවලට මෙලෙස දැඩි පීඩනයක් එල්ල කිරීම කිසිසේත්ම නොකළ යුත්තක්.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
