"මට ඉස්කෝලේ යන්න බෑ අම්මා,මට යන්න කියන්න එපා" ජීවිතේ හදන ගුරුවරු වගේම ජීවිතය විනාශ කරන මේ වගේ ගුරුවරුත් ඔබට හමුවෙලා තිබෙනවද ? - Social Story On Facebook - Hiru Gossip, Lanka Gossip News | Hirugossip | Hiru Gossip | Hiru Fm Gossip | Hiru Gossip Official Web Site | Lanka Gossip

Mar

"මට ඉස්කෝලේ යන්න බෑ අම්මා,මට යන්න කියන්න එපා" ජීවිතේ හදන ගුරුවරු වගේම ජීවිතය විනාශ කරන මේ වගේ ගුරුවරුත් ඔබට හමුවෙලා තිබෙනවද ?

79 Views

ගුරුවරු කියන්නේ දෙවිවරු කියලයි අපි හඳුන්වන්නේ.

හැබැයි සමහර වෙලාවට ගුරුවරු කියන නාමයට කැළැල් සිදු කරන පුද්ගලයින්ද හමුවෙනවා.මේ කියන්න යන්නේ සමාජ ජාලාවල පළවෙලා තිබුණ කතාවක් ගැන.ගුරුවරුන්ට කොපමණ නම් ළමුන්ගේ ජීවිතයට බලපෑමක් සිදු කරන්න පුළුවන්ද කියන කාරණය ඔබට මේ සටහන කියවීමෙන් දැන ගන්න පුළුවන් වේවි.ඒ වගේම තමයි මෙවැනි ගුරුවරුන් ඔබටත් හමුවෙලා ඇති.

සුභ උදෑසනක් හැමෝටම.මම ලොකු මානසික පීඩනයකින් මේ ලියන්නේමට කලයුතු යැයි සිතෙන සුදුසු විසදුමක් ලබාදෙන්න..

මගේ දියනිය එක්තරා රජයේ පාසලක තුන්වන ශ්‍රේණියේ ඉගනුම ලබනවා.ඉතා දක්ශ ලෙස පාසලේ වැඩ කරපු සහ කරන දුවෙක් මගේ දුව.මගේ දුවට තුන්වන ශ්‍රේණිය සදහා ඉන්න ගුරුවරිය මගේ දුවට පාසල් ගමන මේ වනවිට එපා කර ඇත.තවම දින දෙකයි මගේ දුව එම ගුරුවරිය යටතේ ඉහෙන ගන්න පටන්ගෙන.මේ දවස් දෙක තුල බොහෝ දේ සිදුව ඇත.හේතුව නැතුව මේ ගුරුවරිය ළමයින්ට බැනවදින බවත් පහරදෙන බවත් දුව පළවෙනි දවසෙම මට ගෙදර ඇවිත් කීවා.මම දුවට පැහැදිලි කළා පුතේ ගුරුවරු නිකන් ගහන්නෙ නැහැ කියලා.

දරුවා පාසල් යන්න නොහැකියි කියා නිතරම හඬා වැටුනා.හරිම ආසාවෙන් පාසල් ගිය දරුවෙක්.ඒ වගේම මේ ගුරුවරිය ළමයින්ගෙන් අහලා අමතර පන්ති යන්නේ කාගෙද කියලා.මගේ දුව ඇරෙන්න අනෙක් සියලුම දරුවන් එම පාසලේම ගුරුවරයෙක්ගේ පන්ති යනවා.මගේ දුවගෙන් අහලා ඇයි අපේ පාසලේ ගුරුවරයගේ පන්ති නොයන්නේ කියලාත්.මමත් වුර්තීයෙන් ගුරුවරියක්.මම කාර්‍යබහුලත්වය නිසා ගුරුවරියක් ගෙදරට ගෙන්වා ඉගැන්වීම් කටයුතු කරවන්නේ මගේ දරුවාට.

ඊළඟ දවස ඊයේ දිනය.දරුවන්ට උදෑසන ආහාරය පාසලෙන් දෙනවා.මගේ දුව මස් මාලු කිසිම දෙයක් කන්නේ නැහැ.කන්නේ නැහැ කියද්දී මගේ දරුවට කනෙන් ඇදලා පිටට වැරෙන් පිටට පහරදීලා.දරුවගේ කටේ කෑමත් එලියට විසිවෙලා.දරුවගේ යහලුවන් ගෙදර ගිහින් මේ සිදුවීම කියලාම දරුවන්ගේ දෙමව්පියන් මට ඇමතුම් දී ඇසුවම මම පුදුමයට පත් වුණා.මේ වගේ තවත් කුඩා කුඩා සිදුවීම් තියෙනවා මේ දවස් දෙක තුල පමනක් සිදුවූ.ඊයේ රාත්‍රියේ මගේ දුව හීනෙන් බයවී කෑගසාගෙන ඇහැරුනා.මට ගහන්නෙපා ටීචර් මට ගහන්නෙපා ටීචර් කියල.ඒ කුඩා මනස විනාශවෙලා හොඳටම.රාත්‍රියේ දුව චිත්‍රයක් ඇදලා.මට එය හමුවුනේ අද උදේ.එම චිත්‍රය දුටුවම මට අකුනක් ගැහුවා හා සමාන පීඩනයක් දැනුනා.

මම අද දින විදුහල්පති තුමා හමුවීමට යාමටයි මේ සූදානම.මේ වගේ දේවල් පාසල් වල සිදුනොවිය යුතුයි නේද.මමත් ගුරුවරියක්.මම දරුවන්ට සත්‍ය වශයෙන්ම වචනයේ පරිසමාප්තයෙන්ම අම්මා කෙනෙක්.ගෙදර අම්මගෙන් පස්සේ දරුවෝ අපෙන් ශිල්පය පමනක්ම නොව ආදරය රැකවරනයත් බලාපොරොත්තුවෙනවා.මගේ දුවට වුණ දේ තවත් දරුවෙක්ට නොවෙන්න ඕන.පොඩි හිත් විනාශ කරන්න එපා ගුරුවරුනේ කියලා මම ඉල්ලන්නේ.ඒ වගේම මම මේ සම්බන්ධව කලයුතු වෙනත් නීතිමය කටයුත්තක් තිබේ නම් මාව දැනුවත් කරනමෙන්ද කාරුනිකව ඉල්ලමි.

පහත චිත්‍රය මගේ දුව ඇදි එකක්.

උපුටා ගැනීමකි.