"ගෙනයමි ඔබේ ආදරේ.. ආදරේ..." අසමාන ලෝකේ සමාන ලෙස ආදරය දිනාගත් හදවතේ මුද්‍රාව ප්‍රියා සූරියසේන.. - Priya Soriyasena - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Feb

"ගෙනයමි ඔබේ ආදරේ.. ආදරේ..." අසමාන ලෝකේ සමාන ලෙස ආදරය දිනාගත් හදවතේ මුද්‍රාව ප්‍රියා සූරියසේන..

5 Views

සමහර ගී පද මිනිසුන්ගේ හදේ සදාකාලිකයි.. දශක පහක් ඔබ පිනවූ , ඔබ නැලවූ ඔහුට තිබුණේ ලයාන්විත හඬක්..

ඒ හඬ එදත් අදත් තරුණයි.. ආදරයත් එක්ක ජීවත් වෙන තරුණ ජීවිතවලට අදටත් ඔහුගේ ගීත මීවිතක්..

ප්‍රියා සූරියසේන, නැවත වතාවක් සුවිශේෂී සම්මානයට පාත්‍රවුණ ඒ ඔහුගේ හඬෙන් වගේම වැඩවලින් නම් තවමත් තරුණයි කියන එක ඊයේ රැයෙත් ඔප්පු වුණා...

ඒ ඔහුට සුමති සම්මාන රැයේ ලැබුණ ආදරය නිසායි... සුදු පරවි රෑන සේ, ආදරණීය නේරංජනා, රටකින් එහා.. මේ ගීත ඇහෙනකොට ඇත්තටම හිතට දැනෙන හැඟීම කියන්න තේරෙන්නේ නෑ..

ඒ තරම් විදින්න පුළුවන් ගීත ඔහුගේ අතින් නිර්මාණය වුණා.. 60, 70,80,90 දශකවල ඉපැදුණු කෙනෙකුට කොතරම් වයසට ගියත් තමන් ගේ පැරණි මතකවලට බද්ධ වුණු ඒ ගීත ලාලිත්‍ය නම් හරිම අපූරුයි..

අපිට කවදාහරි ආදරයක් විදිහට පෙරලා දෙයක් ලැබෙනවා නම් ඒ අපි අනිත් අය වෙනුවෙන් ඉතිරි කළ දෙයක්ම තමයි.. අපි දන්න හුඟක් ගායකයන් ගේ ගීතවලට ඉතා ම සාර්ථක කවර් වර්ෂන්ස් මේ වෙනකොට නිර්මාණය වෙලා තියෙනවා...

ඒත්, ඇතැම් වෙලාවට මුල් ගීතයට වඩා කවර් වර්ෂන් එක සාර්ථක වුණු අවස්ථා, ජනප්‍රිය වුණු අවස්ථා අප දැක තියෙනවා... ඒත් කවදාවත් ප්‍රියා සූරියසේන ගේ මුල් ගීතයට වඩා සාර්ථක හෝ ජනප්‍රිය කවර් වර්ෂන් එකක් කවදාවත් හැදෙයි කියලා කවදාවත් හිතෙන්නේ නැහැ...

ඒ ප්‍රියා සූරියසේන ගේ ඔහුට ම අනන්‍ය කටහඬ ඒ ගීතයේ වෙන් කරන්න බැරි කොටසක් වශයෙන් පවතින නිසයි... ඒත් ඒවා අලුත් පරපුරට රසවිදින්න ප්‍රියාගෙන් සීමා මායිම් නෑ.. ඒ නිසා ඔහුගේ ගීත එක එක විදිහේ අලංකාර එකතු වෙලා ඇහෙන අපූරුව අපි ඕන තරම් දකිනවා..

ඒ කතා කොහොම වුණත්, දැන් ඔහුගේ කලා මෙහෙවර ගැන ඔහු සතුටු වෙනවා ඇති..

ඉතින් ප්‍රියා සූරියසේන කොතරම් වයසට ගිහිල්ලා ඉන්නවා දුටුවත්, අසනීප වෙලා ඉන්නවා දුටුවත්, දුබල වෙලා ඉන්නවා දුටුවත් අපේ මතකය තුළ ඔහු හැමදාමත් චිත්‍රණය වෙන්නේ ඒ කාලේ අපිව පිනවූ සදාතනික ගායකයා ලෙසමයි... මෙවර සුමති සම්මාන උළෙල සක්ෂි දැරුවේ ඒ වෙනුවෙන්..