පැතුම් නිස්සංක ලෝකෙම හඳුනන වර්තමාන ශ්‍රී ලංකා කණ්ඩායමේ ප්‍රබල ක්‍රීඩකයෙක්. පැතුම්ගෙ තාත්තා සුනිල් සිල්වා. ඔහූ ක්‍රීඩාංගණ කාර්ය සහයකයෙක් ලෙස සේවය කරන්නෙක්. පැතුම්ගෙ පලමු ක්‍රිකට් පුහුණුකරුවා ඔහුගේ තාත්තා. පැතුම් ක්‍රිකට් ක්‍රීඩා කරන්නෙ වයස අවුරුදු 2 ඉඳන් . ඒත් පැතුම්ට තිබ්බ ලොකුම බාධාව දුප්පත්කම. පැතුම්ලට ඉන්න ගෙයක් තිබුණේ නෑ. පැතුම්ලා ජීවත් වුණේ සුනාමි සහනාධාරවලට හම්බුණ ගෙදරක. ආර්ථික අපහසුතා නිසාම පැතුම්ගෙ අම්මා කළුතර බෝධිය ළඟ මල් විකුණලා පැතුම්ට වියදම් කරන්න සිද්ධ වෙනවා.

"අපි හිටියෙ සුනාමි සහනාධාරවලට ලැබුණු ගේක. අපි තුන්දෙනා සමහර දාට නිදා ගන්නෙ එකම ඇදේ. ගෙදර ලයිට් නෑ. පැතුම් එකම ඇඳුම අවුරුද්දක් විතර හෝද හෝද අදිනවා. එකම සපත්තු දෙක පාවිච්චි කරේ සපත්තු ඉරිලා නිසා ප්ලාස්ටර් කෑලි අලවාගෙන සෙල්ලන් කරේ.''

-පැතුම්ගෙ තාත්තා


"තරග තියෙන දවස්වලට පැතුම් මට කියනව මේ වෙලාවට තරගෙ තීන්නෙ අම්මා ඒ වෙලාවට පහන පත්තු කරලා ඝණ දෙවියන්ට හදුන් කූරු පත්තු කරන්න කියල"

- පැතුම්ගෙ අම්මා

බුදු දහම ගැන තිබ්බෙ විශ්වාසත් එක්ක පැතුම් බාධා ගොඩක් එක්ක තමන්ගෙ ක්‍රිකට් ගමන ඉදිරියට යනවා. වයස පාසල් තරගවලදී කොපමණ දක්ෂතා දැක්වුවත් පැතුම්ව කවදාවත් දිස්ත්‍රික් කණ්ඩායමට තෝරගත්තෙ නෑ.

අවුරුදු 15න් පහන ක්‍රීඩා කරනකොට දීපාවල අමරසූරිය විදයාලයීය කණ්ඩායමට එරෙහිව පන්දු 109කදී ලකුණු 221ක් ලබා ගන්නවා. ඊට පස්සෙ 15න් පහළ සංචාර 2කට ක්‍රීඩා කිරීමට පැතුම්ට අවස්ථාව හිමිවෙනවා.

වයස අවුරුදු 17න් පහළ ක්‍රීඩා කරනකොට පැතුම් ඉසිපතන විද්‍යාලයට ඇතුළු වෙනවා. මුල් අවුරුද්දෙම ඉසිපතන විද්‍යාලයේ දක්ෂතම පිතිකරුවා බවට සම්මාන ලබන පැතුම් ඊළඟ අවුරුද්දෙ දක්ෂතම පන්දු රකින්නත් 2017 නැවතත් දක්ෂතාම පිතිකරුවා බවටත් පත්වෙනවා.

පළමු පෙළ ක්‍රීඩා කරන පැතුම්ගෙ පළමු ක්‍රීඩා සමාජය බදුරලිය ක්‍රීඩා සමාජයයි. ඊට පස්සෙ පැතුම් NCC ක්‍රීඩා සමාජය වෙනුවෙන් ක්‍රීඩා කරනවා.

පළමු පෙළ තරගවලින් 65ක පිතිකරන සාමාන්‍යක් තිබුණු ඔහුගෙ නම සනිටහන්ව තිබුණේ ලෝකෙන්ම එවැනි සාමාන්‍යක් සහිත අතලොස්සක් වූ ක්‍රීඩකයන්ගෙ නම් අතර ඉදිරියෙනි.

කලක සිට ශ්‍රී ලංකා ප්‍රේක්ෂකයන් බලාපොරොත්තුවෙන් සිටි මේ ක්‍රීඩකයා ගිය වසරේදී කොදෙව් දේශයේදී ක්‍රිකට් වරම් දිනාගත්තා. 2021 මාර්තු 21 ටෙස්ට් වරම් දිනාගත්ත පැතුම් මංගල ටෙස්ට් තරගයේ දෙවැනි ඉනිමේදී ටෙස්ට් ශතකයක් ලබා ගන්නවා. ඒ එවැනි දස්කමක් දැක්වූ 4 වන ශ්‍රී ලංකේය පිතිකරුවා සහ විදෙස් රටකදී එවැනි දස්කමක් දැක්වූ පළමු ශ්‍රී ලංකා පිතිකරුවා බවට පත් වෙමින්. තරග රටා තුනෙන්ම දස්කම් දක්වන පැතුම් 2021 ශ්‍රී ලංකා වෙනුවෙන් වැඩිම විස්සයි විස්ස ලකුණු ලාභියා බවටද පත් වෙනවා.

2022 ශ්‍රී ලංකාව වෙනුවෙන් තරග වට තුනෙන්ම පළමුව අර්ධ ශතකයක ලබාගත් පිතිකරුවා. 2022 මේ වනවිට ලෝකයෙන්ම තුන්වෙනියට වැඩිම විස්සයි විස්ස ලකුණු ලාභියා ඔහු. 2022 ක්‍රීඩා කල එක්දින ඉනිම් 6න් අර්ධ ශතක 3ක් සහ ශතකයක් ලබා ගෙන තියෙනවා. ඕස්ට්‍රේලියාවට එරෙහිම ශ්‍රී ලංකා පිතිකරුවෙක් ලබාගත් ඉහළම එක්දින ලකුණු සංඛ්‍යාවේ හිමිකරුවා. ඉතා අලංකාර පහරවල් රැසකින් යුත් මේ හුරුබුහුටි ක්‍රීඩකයා ශ්‍රී ලංකා ක්‍රිකට්වල නැතුවම බැරි චරිතයක් බවට පත් වේවි.

සුනිල් සළුවඩන