4 Views
උඩු ගුවනේදී සිදුවීමට ගිය දැවැන්ත විනාශයක් වළක්වා ගැනීමට ශ්රී ලංකන් ගුවන් සේවයේ නියමුවෙකු සමත්වී තිබෙනවා.
ලන්ඩන් නුවර හීත්රෝ ගුවන් තොටුපළේ සිට UL504 දරන ගුවන් යානය මගීන් 275 ක්ද සහිතව පෙරේදා පස්වරුවේ නැවතත් කොළඹ දක්වා පැමිණෙමින් ඇත්තේ අඩි 30,000 ක් ඉහළකින් ගමන් කරමිනුයි.
යානය තුර්කි ගුවන් කලාපයේ ගමන් කරමින් තිබියදී තුර්කි ගුවන් ගමන් පාලකයන් දන්වා ඇත්තේ අඩි 35,000 ක් ඉහළට යානය ඉහළ නංවන ලෙසයි.
එහෙත් බ්රි්තාන්ය ගුවන් සේවයට අයත් යානයක් ලන්ඩන් සිට සිංගප්පූරුව දක්වා එම උසින් ගමන් කරමින් ඇතැයි සිය රේඩාර් තිරයේ නිරීක්ෂණය වන බව ශ්රී ලංකන් ගුවන් නියමුවා විසින් තුර්කි ගුවන් ගමන් පාලකයන් වෙත දන්වා තිබෙනවා.
එවැන්නක් සිය රේඩාර් තිරයේ නොමැති බවත් අඩි 35,000 ක් උසකට ශ්රී ලංකන් යානය ඉහළ නංවන ලෙසත් තුර්කි ගුවන් ගමන් පාලකයන් නැවතත් දන්වා ඇතැයි සඳහන්.
එහිදී ශ්රී ලංකන් ගුවන් නියමුවා යළිත් අවධරණය කර ඇත්තේ නැවතත් රේඩාර් තිරය පරීක්ෂා කර බලන ලෙසයි.
ඉන් විනාඩි කිහිපයකට පසු ශ්රී ලංකන් ගුවන් නියමුවා ඇමතූ තුර්කි ගුවන් ගමන් පාලකයන් සඳහන් කර ඇත්තේ අඩි 35,000 ක් උසින් බ්රි්තාන්ය ගුවන් සේවයට අයත් ගුවන් යානයක් ගමන් කරමින් පවතින බැවින් කිසිදු අයුරකින් ශ්රී ලංකන් යානය ඉහළට නොගන්නා ලෙසයි.
කිසියම් අයුරකින් ශ්රී ලංකන් ගුවන් නියමුවා විසින් යානය ඉහල දැමීමක් සිදුකලේ නම් ගුවන් යානා 02 එකිනෙක ගැටී දැවැන්ත විනාශයක් සිදුවන්නට ඉඩ තිබූ බවයි ක්ෂේත්රයේ විශේෂඥයන් පෙන්වා දෙන්නේ.
මේ අතර, මාධ්ය වාර්තාවල දැක්වෙන ආකාරයට ගුවනේ දී ශ්රී ලංකන් ගුවන් යානයක් වෙනත් යානයක හා ගැටීමේ අවදානමක් කිසි ලෙසකින් වත් මතු නොවූ බව ශ්රී ලංකන් ගුවන් සමාගම ප්රකාශ කරනවා.
ශ්රී ලංකන් ගුවන් සමාගමන් ඒ බව ප්රකාශ කරන්නේ මාධ්ය නිවේදනයක් නිකුත් කරමින්.
එම මාධ්ය නිවේදනයේ දී ශ්රී ලංකන් ගුවන් සේවය දක්වන්නේ, "ඇතැම් මාධ්ය වාර්තාවල දැක්වෙන ආකාරයට ගුවනේ දී UL 504 ගුවන් යානය තවත් ගුවන් යානයක ගැටීමේ අවදානමක් කිසි ලෙසකින්වත් මතු නොවූ බව ද අවධාරණය කරනු කැමැත්තෙමු." යනුවෙන්.
එලෙස ම, අදාළ UL 504 දරන ගුවන් යානයේ නියමුවන් කිසිදු උපද්රවයකින් තොරව එම ගුවන් යානය හැසිරවීමට සමත් වූ බව ශ්රී ලංකන් ගුවන් සමාගම සිය මාධ්ය නිවේදනය ඔස්සේ තහවුරු කරනවා.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
