19 Views
තංගල්ල, පල්ලික්කුඩාව ප්රදේශයේදී පාතාල කල්ලි සාමාජිකයෙකු වූ ඉන්දික නිලූෂ ලක්මාල් හෙවත් උක්කුවා නැමැත්තා වෙඩි තබා ඊයේ (26) ඝාතනය කර තිබෙනවා.
ඊයේ පෙරවරු 9.45 ට පමණ පැමිණි නාඳුනන පිරිසක් මෙම ඝාතනය සිදුකර පළාගොස් තිබෙනවා. සිද්ධිය සම්බන්ධයෙන් එක් සැකකරුවෙකු හදුනා ගෙන ඇති බවද පොලීසිය ප්රකාශ කළා.පදිවයිනේ විවිධ ප්රදේශවල සිදු වූ මනුෂ්ය ඝාතන සහ අපරාධ රැසක් සම්බන්ධනේ ඉන්දික නිලූෂ ලක්මාල් හෙවත් උක්කුවා නැමැත්තාට චෝදනා එල්ල වී තිබුණා.
ඒ අනුව අදාළ පුද්ගලයා පසුගිය කාලය තුළ අවස්ථා ගණනාවකදී අත්අඩංගුවට ගෙන අධිකරණයෙන් ඇප මත නිදහස්ව සිටි අයෙක්. ඊයේ (26) පෙරවරු 9.45 ට පමණ නිලූෂ ලක්මාල්, නාදුනන පිරිසකගේ වෙඩි ප්රහාරයට ලක්වූයේ, අධිකරණ නියෝග පරිදි තංගල්ල පොලීසිය හමුවේ පෙනී සිට ආපසු එමින් සිටියදීයි. ඒ, තංගල්ල පල්ලික්කුඩාව ප්රදේශයේ ඔහුට අයත් ව්යාපාරික ස්ථානයක් ඉදිරිපිටදී.
ඉන්දික නිලූෂ ලක්මාල් හෙවත් උක්කුවා තවත් දෙදෙනෙකු සමග ත්රීරෝද රථයකින් මෙලෙස ආපසු පැමිණෙමින් සිටියදී පිටුපසින් පැමිණි මෝටර් රථයක් ඔවුන්ගේ ත්රීරෝද රථයේ ගැටීමට සලස්වා වෙඩි තැබීම සිදුකර ඇති බව මූලික පොලිස් පරීක්ෂණවලදී අනාවරණ වී තිබෙනවා.
වෙඩි තැබීමෙන් බරපතල තුවාල ලැබූ ඉන්දික නිලූෂ ඇතුළු පුද්ගලයින් තිදෙනා තංගල්ල මහ රෝහලට ඇතුළත් කෙරුණා. පොලිසිය සදහන් කළේ රෝහලට ඇතුළත් කිරීමෙන් පසු ඉන්දික නිලූෂ ලක්මාල් හෙවත් උක්කුවා ජීවිතක්ෂයට පත් වූ බවයි.
තුවාල ලැබූ පුද්ගලයින් දෙදෙනාගෙන් එක් අයෙකු තංගල්ල රෝහලේ දැඩි සත්කාර ඒකකයේ ප්රතිකාර ලබන අතර අනෙක් පුද්ගලයා වැඩිදුර ප්රතිකාර සදහා මාතර මහ රෝහල වෙත මාරුකර යවා තිබෙනවා. දෙදරු පියෙකු වූ ඉන්දික නිලූෂ ලක්මාල් හෙවත් උක්කුවා මියයන විට 38 වන වියේ පසුවුණා.
පසුගිය වසරේ ජූනි මස 4 වනදා තංගල්ල බස්නැවතුම්පොළේදී කොන්දොස්තරවරයෙකු වෙඩි තබා ඝාතනය කිරීමේ සිද්ධිය සම්බන්ධයෙන්ද මොහුට චෝදනා එල්ල වී තිබුණා.
උක්කුවා ඝාතනය කළ තැන...
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
