Aug
13
563 Views
විදෙස්ගත වෙලා ඉගෙන ගන්න ගිය තරුණ ජීවිත දෙකක්, එක්කෙනෙකුගේ ක්ෂණික කේන්තියක් නිසා සම්පූර්ණයෙන්ම විනාශ වෙලා ගිය කම්පා කරවන පුවතක් ජපානයෙන් වාර්තා වෙනවා.
ජපානයේ චිබා ප්රාන්තයේ නගරෙයාමා නගරයේ එකම නිවසක ජීවත් වුණු ශ්රී ලාංකික සිසුන් දෙදෙනෙක් අතර ඇතිවුණු බහින්බස් වීමක් දුරදිග යාමෙන් අවසානයේ එක් අයෙකුගේ ජීවිතය අහිමි වී තිබෙනවා.
මෙලෙස ඝාතනයට ලක්වී ඇත්තේ වයස අවුරුදු 21 ක ශ්රී ලාංකික තරුණයෙක්. මේ අපරාධය සම්බන්ධයෙන් එම නිවසේම හිටපු ඔහුගේම මිතුරෙක් වන 18 හැවිරිදි තවත් ලාංකික සිසුවෙක්ව ජපාන පොලිසිය විසින් මේ වනවිටත් අත්අඩංගුවට ගෙන අවසන්.
ජපාන මාධ්ය වාර්තා කරන විදිහට මේ ඛේදවාචකය සිද්ධවෙලා තියෙන්නේ ඔවුන් දෙදෙනා නැවතී සිටි නිවසේදීමයි.
18 හැවිරිදි සැකකාර සිසුවා විසින්ම මේ ගැන හදිසි අංකයට ඇමතුමක් ලබාදීලා තියෙනවා.
ඒ වෙද්දිත් බරපතළ විදිහට තුවාල ලබලා හිටපු 21 හැවිරිදි තරුණයාව රෝහල් ගත කළත්, ඒ වෙද්දිත් ඔහු මෙලොව හැරගොස් අවසන් බවයි රෝහල් ආරංචි මාර්ග තහවුරු කරලා තියෙන්නේ.
සිද්ධිය වුණු ස්ථානයට ආපු පොලිසිය 18 හැවිරිදි සැකකාර සිසුවාගෙන් ප්රශ්න කරද්දි ඔහු කිසිම පැකිළීමකින් තොරව තමන් කළ අපරාධය පිළිගෙන තියෙනවා. ඔහු පොලිසියට පවසා ඇත්තේ මෙවැනි කතාවක්...
"ඔහු මට අපහාසාත්මක විදිහට කතා කළා.. මගේ අම්මාට අපහාස කරලා මට පහර දුන්නා. ඒ වෙලාවේ මට ආපු දැඩි කේන්තිය පාලනය කරගන්න බැරි වුණා..."
ක්ෂණික කෝපයත්, දුරදිග නොබලා ගත් තීරණයත් නිසා එකම ගෙදර හිටපු යහළුවන් දෙදෙනෙකුට අත්වූ මේ අවාසනාවන්ත ඉරණම ගැන මේ වෙද්දි ජපානයේ වෙසෙන ශ්රී ලාංකිකයින් අතරත් දැඩි කම්පනයක් මෙන්ම ලොකු කතාබහක් නිර්මාණය වෙලා තිබෙනවා.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
