මහර බන්ධනාගාරයේ නවතම තත්ත්වය මෙන්න, ගොඩනැගිල්ලක් ගිනි ගනී... එක් අයෙකු මියගොස් තවත් 6ක් රෝහලට - Mahara Jelaer - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Aug

මහර බන්ධනාගාරයේ නවතම තත්ත්වය මෙන්න, ගොඩනැගිල්ලක් ගිනි ගනී... එක් අයෙකු මියගොස් තවත් 6ක් රෝහලට

838 Views

මහර බන්ධනාගාර පරිශ්‍රය ඇතුළේ අද (01) පස්වරුවේ හදිසියේම හටගත් නොසන්සුන්කාරී තත්ත්වය දැඩි උණුසුම් හා අතිශය තීරණාත්මක අතට හැරී ඇති බවට වාර්තා වෙනවා..

අප රෝහල් ආරංචිමාර්ග වෙතින් තහවුරු වන පරිදි, මේ හදිසි නොසන්සුන්තාව අතරතුර එක් අයෙකු අවාසනාවන්ත ලෙස මියගොස් තවත් 6 දෙනෙකුම තුවාල ලබා මේ වන විටත් රාගම ශික්ෂණ රෝහලට ඇතුළත් කර තිබෙනවා.

තත්ත්වය තවත් දරුණු කරමින් බන්ධනාගාර පරිශ්‍රය තුළ වූ ගොඩනැගිල්ලක හදිසියේම ගින්නක් ද හටගෙන ඇති බවයි වාර්තා වන්නේ..

සිද්ධියත් සමඟම පරිශ්‍රයේ පිටත ආරක්ෂාව උපරිමයෙන්ම තහවුරු කිරීම සඳහා පොලීසිය සහ පොලිස් විශේෂ කාර්ය බලකායේ (STF) සන්නද්ධ කණ්ඩායම් කිහිපයක්ම වහාම එම ස්ථානයට කැඳවා ආරක්ෂාව තර කිරීමට පියවර ගෙන තිබෙනවා.

මේ අතර, හදිසියේ මතුවූ මේ ගිනිගත් තත්ත්වය පාලනය කර සමථයකට පත් කිරීම සඳහා බන්ධනාගාර කොමසාරිස්වරයා හරහා අවශ්‍ය සියලුම හදිසි සම්බන්ධීකරණ කටයුතු සිදු කෙරෙමින් පවතින බවයි අධිකරණ අමාත්‍ය හර්ෂණ නානායක්කාර මහතා විශේෂයෙන්ම හිරු ප්‍රවෘත්ති වෙත අදහස් දක්වමින් සඳහන් කළේ.