Aug
02
29 Views
වාහනයක, බස් එකක එහෙමත් නැත්නම් කෝච්චියක යද්දී ෆෝන් එක දිහා ටික වෙලාවක් බලන් හිටියොත් ඔක්කාරය, කැරකිල්ල, නැත්නම් වමනය කරන්න එන එක අපේ ගොඩක් දෙනෙක්ට තියෙන ලොකුම ප්රශ්නයක්.
හැබැයි iPhone භාවිතා කරන අයට මෙන්න මේ කරදරයෙන් ගැලවෙන්න පුළුවන් අපූරු රහස් Setting එකක් ගැන තොරතුරු මේ වන විට සමාජ මාධ්ය පුරා දැඩි කතාබහට ලක්වෙමින් පවතිනවා.
අයිෆෝන් එකේ ඩිස්ප්ලේ එක දෙපැත්තෙන් නටන අමුතු තිත් වගයක් (Dancing Dots) දිස්වන මේ පහසුකම හඳුන්වන්නේ "Vehicle Motion Cues" කියලයි.
මෙය සක්රිය කළ විට වාහනය ගමන් කරන දිශාවට සහ වේගයට අනුව තිරයේ ඇති තිත් චලනය වන අතර, එමගින් මොළයට ලැබෙන සංඥා සමතුලිත කරමින් වාහන අසනීපය (Motion Sickness) සම්පූර්ණයෙන්ම වගේ නැති කර දමන බව පැවසෙනවා.
ඇත්තටම අපිට වාහනවල යද්දී වමනය කරන්න එන්නේ හෝ කැරකිල්ල හැදෙන්නේ ඇයි?
විද්යාඥයන් සහ වෛද්යවරුන් පෙන්වා දෙන්නේ අපගේ කන ඇතුළත ඇති සමතුලිතතා පද්ධතියට වාහනය චලනය වන බව දැනුණත්, අපගේ ඇසට ෆෝන් එක දෙස බලන විට අපි එක තැන නතර වී සිටින බවක් පෙනෙන නිසා අප යම් විසක් ශරීරගත කරගෙන ඇති බව මේ "සංවේදන අසමතුලිතතාවය" (Sensory Conflict) නිසා මොළය සිතනවා.
එහි ප්රතිඵලයක් ලෙස අපිට වමනය යාම හෝ ඔක්කාරය ඇති වෙනවා.
නමුත් අයිෆෝන් එකේ මෙම අලුත් පහසුකම මගින්, වාහනය චලනය වන ආකාරය තිරයේ ඇති තිත් මගින් ඇසට සංඥා කරන නිසා, මොළය රැවටීම නතර වී ක්ෂණික සහනයක් ලැබෙනවා.
මෙය තමන්ගේ ජීවිතයට ලැබුණු මහා අස්වැසිල්ලක් බව මේ වන විටත් මෙම පහසුකම භාවිතා කළ බොහෝ දෙනෙක් පවසා තිබෙනවා.
කෙසේ වෙතත්, මෙය අපව තව තවත් ෆෝන් එකට ඇබ්බැහි කිරීමට Apple සමාගම විසින් කරන ලද තවත් එක් උපක්රමයක් බව තවත් පිරිසක් පවසනවා.
වාහනයක යද්දී වටපිටාවේ සිරිය විඳිමින්, ෆෝන් එක පැත්තකින් තබා නිදහසේ ගමන යනවා වෙනුවට, ගමන පුරාම තිරය දෙස බලා සිටීමට මෙයින් මිනිසුන්ව පොළඹවන බවටද මත පලවෙනවා.
ඔබේ අයිෆෝන් එකෙත් මේක On කරගන්නේ මෙහෙමයි. ඔබත් වාහනවල යද්දී ඔක්කාරය හැදෙන අයෙක් නම්, මෙම පහසුකම On කරගැනීමට,
Settings > Accessibility > Motion > Vehicle Motion Cues
වෙත ගොස් මෙය සක්රිය (On) කරගන්න පුළුවන්. අවශ්ය නම් වාහනයකට ගොඩවූ සැණින් ස්වයංක්රීයවම (Automatically) මෙය ක්රියාත්මක වන ලෙස සකස් කරගැනීමේ හැකියාවද පවතිනවා.
ඉදිරියේදී Android සහ Google Pixel දුරකථන සඳහාද මෙවැනිම පහසුකම් හඳුන්වා දීමට නියමිත බවද වාර්තා වෙනවා.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
