117 Views
රටේ සංවර්ධන වැඩකටයුතු ඉක්මන් කරන්න සහ දැනට අඩාල වෙලා තියෙන අත්යවශ්ය සේවාවන් ටික පණ ගන්වන්න රජයෙන් ලොකු තීරණයක් අරන් තිබෙනවා.
ඒ තමයි එක පාරම උපයෝගිතා වාහන 535ක් මිලදී ගන්න කැබිනට් අනුමැතිය දීම. මේ යෝජනාව වෙන කවුරුවත් නෙවෙයි, මුදල්, ක්රම සම්පාදන සහ ආර්ථික සංවර්ධන අමාත්යවරයා විදිහට ජනාධිපතිවරයා විසින් කැබිනට් මණ්ඩලයට මෙය ඉදිරිපත් කරලා තිබෙනවා.
සෑහෙන කාලෙක ඉඳන් රජයේ සේවාවන් සපයන ප්රධාන ආයතන රැසකම ලොකු වාහන හිඟයක් තිබුණා. පරණ වාහන කැඩීම, අලුත්වැඩියා කටයුතු ප්රශ්න සහ ප්රමාණවත් තරම් වාහන නොමැතිකම නිසා ගොඩක් සංවර්ධන ව්යාපෘති අතරමඟ නැවතිලා, නැත්නම් හරිම හෙමින් තමයි කරගෙන ගියේ.
මේක ජනතාවට වගේම රජයේ වැඩපිළිවෙළටත් ලොකු බාධාවක් වෙලයි තිබුණේ. අන්න ඒ නිසයි, "තවත් ප්රමාද නොකර වැඩේ පටන් ගමු" කියලා ප්රසම්පාදන ක්රියාවලිය වහාම ආරම්භ කරන්න නියෝග කරලා තිබෙනවා.
මේ වාහන 535 ලැයිස්තුව දිහා බැලුවාම පේනවා, මේවා නිකන්ම සුඛෝපභෝගී වාහන නෙවෙයි, ඇත්තටම පොළොවේ පය ගහලා වැඩ කරන්න ඕන කරන බර වාහන සහ යන්ත්ර සූත්ර කියලා. ලැයිස්තුව මෙන්න මේ වගේ,
ට්රැක්ටර් රථ 175ක් - ගොවිතැන් කටයුතු සහ ග්රාමීය සංවර්ධන වැඩවලට.
ගලි බවුසර් 100ක් - පළාත් පාලන ආයතන හරහා මහජන සෞඛ්ය සහ පිරිසිදු කිරීමේ කටයුතු කාර්යක්ෂම කරන්න.
බැකෝ යන්ත්ර 100ක් - කාණු කැපීම්, පාරවල් හැදීම් ඇතුළු ඉදිකිරීම් කටයුතුවලට.
ටිපර් රථ 160ක් - පස්, ගල්, වැලි වැනි ද්රව්ය ප්රවාහනය වඩාත් වේගවත් කරන්න.
මේ වාහන ටික ඉක්මනටම අදාළ ආයතනවලට ලැබුණාම, දැනට හිරවෙලා තියෙන වැඩ ගොඩක් එක පාරටම ඉස්සරහට යයි කියලා තමයි බලාපොරොත්තු වෙන්නේ. කොහොම වුණත්, මේ ප්රසම්පාදන කටයුතු ඉතා විනිවිදභාවයෙන් සහ ඉක්මනින්ම සිද්ධ වෙයි කියලා හැමෝම බලාගෙන ඉන්නවා.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
