ඇය ශක්තිමත් තරුණියක්.. නීතීඥවරියක් වීමේ සිහිනය සැබෑවක් කරගත් ඇනා ගැන ඇසෙන ඒ ජයග්‍රාහී කතාව මෙන්න.. - Ana Victoria Espino De Santiago - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Jun

ඇය ශක්තිමත් තරුණියක්.. නීතීඥවරියක් වීමේ සිහිනය සැබෑවක් කරගත් ඇනා ගැන ඇසෙන ඒ ජයග්‍රාහී කතාව මෙන්න..

209 Views

ඇය ගැන අද බොහෝඔ දෙනා කතා කරනවා. ඒ ලොවක් ඉදිරියේ ඇය ලබාගත් මේ ජයග්‍රහණය නිසයි..

ලොව ප්‍රථම වරට ඩවුන් සින්ඩ්‍රෝම් (Down Syndrome) සහිත තරුණියක් නීතිඥවරියක් ලෙස දිවුරුම් දුන් ඒ පුවත සැබවින්ම සමාජයට ලබාදෙන්නේ ආදර්ශයක්. ලෝකයම මවිත කළ ඇනා වික්ටෝරියාගේ සැබෑ කතාවයි මේ. බාධක මැද නොසැලී ඉදිරියටම ගොස් ලෝක ඉතිහාසය අලුතින්ම ලියන්නට මෙක්සිකෝවේ 25 හැවිරිදි අපූරු තරුණියක් සමත්ව තිබෙනවා. ඇය නමින් ඇනා වික්ටෝරියා එස්පිනෝ ද සන්තියාගෝ (Ana Victoria Espino de Santiago).

ඩවුන් සින්ඩ්‍රෝම් (Down Syndrome) තත්ත්වයෙන් පෙළෙන අයෙකු ලොව ප්‍රථම වරට නීතිවේදී උපාධියක් ලබා නීතිඥවරියක් ලෙස සුදුසුකම් ලැබූ ඓතිහාසික අවස්ථාව ලෙසයි මෙය වාර්තා වන්නේ.

1999 වසරේ මෙක්සිකෝවේ සකටෙකාස් (Zacatecas) හි උපන් ඇනා, කුඩා කල සිටම සමාජයෙන් එල්ල වූ විවිධ මත සහ බාධක රැසකට මුහුණ දුන් තැනැත්තියක්. විශේෂයෙන්ම ඩවුන් සින්ඩ්‍රෝම් සහිත දරුවන් වෙනුවෙන් විශේෂිත වූ අධ්‍යාපන ක්‍රමවේදයක් නොමැති වටපිටාවක, ඇය සාමාන්‍ය පාසල් අධ්‍යාපනය නිම කර 2019 වසරේදී සකටෙකාස් ස්වයංක්‍රීය විශ්වවිද්‍යාලයට (Autonomous University of Zacatecas) ඇතුළත් වූයේ නීතිය හැදෑරීමේ දැඩි අදිටනින්.

මහා බාධක ජයගත් වසර 5ක අධිෂ්ඨානශීලී ගමනවිශ්වවිද්‍යාල පද්ධතිය ඇය වැනි විශේෂ අවශ්‍යතා සහිත සිසුවියකට මුහුණ දීමට මුලදී සූදානම්ව තිබුණේ නැහැ.

නමුත් ඇනාගේ නොපසුබට උත්සාහය, ඇගේ දෙමාපියන්ගේ කැපවීම මෙන්ම ඇයට සහාය වූ මහාචාර්යවරයෙකුගේ (Shadow Professor) සුවිශේෂී මඟපෙන්වීම නිසා වසර 5ක අඛණ්ඩ අධ්‍යයන කටයුතුවලින් පසු 2024 ජූලි මාසයේදී ඇය තම නීති උපාධිය සාර්ථකව සම්පූර්ණ කිරීමට සමත් වුණා.

දක්ෂ චිත්‍ර ශිල්පිනියක් සහ හඬක් නැතිවුන්ගේ හඬක්!ඇනා යනු නීතිඥවරියක් පමණක්ම නොවෙයි. ඇය මෙක්සිකෝවේ ප්‍රධාන පෙළේ කලාගාරවල පවා තමන්ගේම සිතුවම් ප්‍රදර්ශන පැවැත්වූ ඉතා දක්ෂ චිත්‍ර ශිල්පිනියක්. අධ්‍යාපනය ලබන අතරතුරදීම ආබාධිත පුද්ගලයන්ගේ අයිතිවාසිකම් වෙනුවෙන් විවිධ සම්මන්ත්‍රණවලදී හඬ අවදි කළ ඇය, මේ වන විටත් මෙක්සිකෝ පාර්ලිමේන්තු සංසදවල පවා සිය අදහස් දක්වමින් කැපී පෙනෙන මෙහෙවරක් ඉටු කර තිබෙනවා.

"අපේ තත්ත්වය නිසා අපේ හඬ, අපේ කැමැත්ත හෝ රටට යමක් දායක කරන්න තියෙන හැකියාව යටපත් කරන්න බැහැ." ඇනා ආඩම්බරයෙන් පවසනවා.

දැනටමත් ස්පාඤ්ඤය, පේරු සහ චිලී වැනි රටවලින් විවිධ ව්‍යාපෘති සඳහා ආරාධනා ලැබී ඇති ඇනාගේ මීළඟ සිහිනය වන්නේ දේශපාලනයට පිවිස, ආබාධිත ප්‍රජාව වෙනුවෙන් වෙනස්කොට සැලකීම් නැති කිරීමට අවශ්‍ය නීති සම්පාදනය කරන මහජන නියෝජිතවරියක් වීමයි.

අනුන් අපට දමන සීමාවලට වඩා අපේ උත්සාහය සහ කැපවීම වටිනා බව ඔප්පු කළ ඇනා වික්ටෝරියාගේ මේ ජයග්‍රහණය, ලෝකයටම දෙන ලොකුම පණිවිඩය වන්නේ "කිසිවිටකත් උත්සාහය අත් නොහරින්නෙකුට ඕනෑම බාධකයක් බිඳදමා අලුත් ඉතිහාසයක් ලිවිය හැකි බවයි".