23 Views
ඊයේ දහවල් හිරු රශ්මිය සඳලංකාව පුරා රත්ව පතිත වෙමින් තිබුණි.
පන්නල, ගෝණවිල ප්රදේශයේ පදිංචිව සිටි හැත්තෑ පස් හැවිරිදි ඒ පියා, තමාට හුරුපුරුදු පාපැදියට ගොඩ වූයේ සුපුරුදු ගමනක් යාමේ අරමුණිනි. වසර හැත්තෑ පහක ජීවිත අත්දැකීම් ඇති ඔහු, පාරේ අයිනට වන්නට ඉතා සෙමින් හා කල්පනාකාරීව සිය පාපැදිය පදවමින් සිටියේය.
දංකොටුව දෙස සිට උස් වැටකෙයියාව දෙසට ධාවනය වෙමින් තිබූ මහා ලොරි රථයක් ඔහු පසුපසින් වේගයෙන් පැමිණෙමින් තිබෙන බව ඒ අහිංසක පියා දැන සිටියේ නැත. මුළු පරිසරයම එකවරම සසල කරමින්, ඒ දැවැන්ත ලොරි රථය මහලු පියාගේ පාපැදියේ ගැටුණේ නිමේෂයකිනි. මාරයා ලොරි රථයක වෙස් ගෙන පැමිණියා සේ ඔහු මහ පාරට ඇද වැටුණි.
අසල සිටි පිරිස් වහා දිව අවුත් ලේ විලක් මැද වැටී සිටි ඔහුව සඳලංකාව රෝහලට රැගෙන යාමට පියවර ගත්හ. සියල්ලෝම ප්රාර්ථනා කළේ මේ මහලු පියාගේ ජීවිතය බේරේවා කියාය. නමුත් ඉරණම අනුකම්පා කළේ නැත. රෝහල් දොරටුව අභියසදී ඒ හදවත සදහටම නතර විය.
තමන්ගේ පාඩුවේ, නිදහසේ පාරේ ගිය ඒ වයෝවෘද්ධ පියාට අවසානයේ උරුම වූයේ පස් කන්දක් පමණි. මේ වන විට ලොරි රථයේ රියදුරු පොලිස් අත්අඩංගුවේ පසුවන අතර, පන්නල පොලිසිය අනතුර පිළිබඳ විමර්ශන සිදු කරයි. තත්පරයක නොසැලකිල්ලකින් තවත් එක් ආදරණීය ජීවිතයක් මහ මඟ සදහටම නතර වූයේ මුළු සඳලංකාවම කම්පාවට පත් කරමිනි.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
