ඔහුගේ විවාහයත් සමඟ ඔහු කවුද යන එක ගැන බොහෝ දෙනෙක් හොයන්න බලන්න පෙළඹුණා.
මේ තියෙන්නෙ විවාහයට පෙර දී ඔහු යූටියුබ් නාලිකාවක් සමඟ කළ කතාබහක්.
තමන්ගේ පෞද්ගලික ජීවිතේ බොහෝ තොරතුරු ඔහු ඒ හරහා හෙළි කර තිබුණා.
ඔබේ ලොකුම ජයග්රහණය..?
මගේ ලොකුම ජයග්රහණය මම නීතිඥවරයෙක් වුණු එක...
අරිත කියන්නෙ කවුද...?
මම ලංකාවේ ඉපදුනේ.. වයස අවුරුදු 12 වෙනකොට මම දැනගෙන හිටියා මම ගේ (සමලිංගික) කියලා. අවුරුදු 15 දී මම මගේ ෆැමිලි එකට, යාලුවන්ට කිව්වා, මේක තමයි ඇත්ත කියලා. වයස අවුරුදු 18දී මම යූකේ යුනිවර්සිටි ගියා. ඊජිප්ට් වලටත් ගියා කාලෙකට. යූඒ එකේ වැඩ කළා. ආපහු ලන්ඩන් ගිහින් ලෝයර් කෙනෙක් වුණා. ලන්ඩන් වල 2017 වෙනකන් වැඩ කළා. මම ආපහු ලංකාවට ආවා. මම කයින්ඩ් කෙනෙක්. මිනිස්සුන්ට රෙක්ස්පට් කරන කෙනෙක්. අනුකම්පාව තියෙනවා. මම හිතන්නෙ.... මම හොඳ පුද්ගලයෙක් කියලා. නීතිය පැත්තෙන් මම ගොඩක් හොඳ දේ කරනවා. LGBT පැත්තෙන් මම ගොඩක් වැඩ කරනවා. ඒ දේවල් කරන්නෙ මම නොමිලේ. මාව හැමෝම අඳුනගන්නෙ මේ නොමිලේ කරන දේවල් නිසයි.
LGBT ප්රජාවට තියෙන සැළකිලි ගැන...?
මතයක් තියෙනවා, LGBT අය දිහා පුද්ගලයෙක් විදිහට බලන් නෑ. හැමතිස්සෙම ලිංගික පැත්තෙන් බලන්නෙ. වැරදි අදහස් තියෙනවා LGBT පුද්ගලයින් ගැන. ඒ නිසාම සමාජයෙන් ගොඩක් එයාලව කොන් කරනවා. වැඩියෙන්ම කේසස් එන්නෙ නගරවලින්. ළඟදි ලෙස්බියන් කාන්තාවක් (කොළඹ පැත්තේ) එයාගේ දෙමව්පියන්ට කියලා තිබුණා, මම ලෙස්බියන් කියලා. එතකොට දෙමව්පියෝ එයාට ගහලා, සුමාන 6ක් හිරකරලා. එයාට අවුරුදු 26යි. පොලිසියට අපි පැමිණිලි කළා මේ ගැන. පොලිසිය කිව්වා, ආ... ඔයා ලෙස්බියන් කෙනෙක් නිසා අපි ඔයාව හිරේ දානවා කියලා. කාන්තාවට චොයිස් දෙකයි. එක්කෝ ගෙදර හිරවෙනවා, නැත්තම් රිමාන්ඩ් නිසා. මෙන්න මේ හේතු නිසා LGBT අය හැංඟිලා ඉන්නවා.
ඒත් ඔබ වාසනාවන්තයි ?
මම නම් ඇත්තටම වාසනාවන්තයි. මම අවුරුදු 15දී මගේ ෆැමිලි එකට මේ ගැන කිව්වා. මම සමරිසි කියලා. මට කවදාවත් ප්රශ්නයක් තිබුණේ නෑ. මට දැන් වයස 38යි. ඒ කාලේ 1999. ස්මාර්ට් ෆෝන් නැතිවුණාට.... මගේ අම්මයි තාත්තයි ඉංග්රීසි කතා කරන අයත් නෙවෙයි. මගේ දෙමව්පියෝ දරුවන්ට ආදරයක් තිබුණා. ඒ පැත්තෙන් කොන්දේසි විරහිතවම එයාලා මට ආදරේ දුන්නා. මාව බලාගත්තා. මාව වෙනස් විදිහට සැළකුවේ නෑ. මට එහෙම කියන්න අවස්ථාවක් ආවෙත් නෑ. මං පොඩි කාලෙත් එයාලා දැනන් හිටියා මම වෙනස් කියලා. පොඩි ළමයි තුවක්කු එක්ක සෙල්ලම් කරද්දි, මම තෝරන්නෙ බෝනික්කෙක්.. මගේ තාත්තා කවදාවත් එපා කිව්වේ නෑ. තාත්තා ගෙදරට සෙල්ලම් බඩු ගේනවා. මට ගේන්නෙ බෝනික්කෝ.. තාත්තලා මාව වෙනස් කරන්න ප්ලෑන් කළේ නෑ. මං ඉන්න විදිහ එයාලා පිලිගත්තා. මට රෙස්පක්ට් එක දුන්නා.