3 Views
රාවණා ඇල්ලට පැන සියදිවි හානිකරගැනීමට තැත් කළ පියෙකු සහ දියණියන් තුන්දෙනෙකු බේරාගෙන තිබෙනවා.
32 හැවිරිදි පුද්ගලයෙකු සහ ඔහුගේ වයස අවුරුදු 12, 8 සහ 4 යන වයස් කාණ්ඩවල පසුවන දියණියන් දෙදෙනා මෙලෙස බේරාගෙන ඇත්තේ පොලීසිය සහ ප්රදේශවාසීන් විසින්. මොවුන් දියතලාව - උඩකන්දවෙල ප්රදේශයේ පදිංචිකරුවන්.
සිය නිවසේ සිට මෙම පියා සහ දියණියන් තිදෙනා බස් රථයකින් රාවණා ඇල්ල අසළට පැමිණ තිබෙනවා. පසුව දියඇල්ල ඉහළ ප්රදේශයට යන අතරතුර එම ස්ථානයේ සිටි තරුණයෙකුගේ ජංගම දුරකථනයක් ඉල්ලාගෙන දියණියන් තිදෙනා සිය මවට කථා කර සියදිවි හානිකරගන්නා පවසා ඇති බව සඳහන්. ටික වේලාවකට පසු එම දුරකථනයට කථා කර ඇති දරුවන්ගේ මව දුරකථනය හිමි තරුණයාට ආයාචනා කර ඇත්තේ මෙම සියදිවි හානිකර ගැනීම වළක්වන ලෙසයි.
පසුව අදාළ තරුණයා මේ බව සිය පියාවන ප්රදේශයේ හදිසි මරණ පරික්ෂකවරයාට දැනුම්දී තිබෙනවා. පසුව ඔහු ඇල්ල පොලිස් ස්ථානාධිපතිවරයා වෙත මේ පිළිබඳව දැනුම්වත් කර ඇති අතර පොලීසියේ උපදෙස් පරිදි එම ස්ථානයේ සිටි පිරිස සමඟ එක්ව සියදිවි හානිකරගැනීම වැළැක්වීමට කටයුතු කර තිබෙනවා. පොලිස් නිලධාරීන් මෙම ස්ථානයට පැමිණ සියදිවි හානිකරගැනීමට උත්සාහ කළ පියා සහ දියණියන් තිදෙනා සිය භාරයට ගෙන ඇති බවයි පොලීසිය සඳහන් කළේ.
සැමියා සමඟ ඇතිවූ පවුල් ආරවුලක් මත මෙම දරුවන්ගේ මව නිවසින් පිටවී ගොස් ඇති බව පරීක්ෂණවලදී අනාවරණ වී තිබෙනවා. මොවුන් නිවසේ නොමැතිවීම හේතුවෙන් සැකසිතූ අසල්වාසියෙකු ඊයේ පෙරවරුවේ නිවසේ දොර කඩා බලන විට එක් බිත්තියක දරුවන් සමඟ රාවණා ඇල්ලට පනින බව සඳහන් කර තිබූ බවයි පොලීසිය ප්රකාශ කළේ.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
