Rayynor Silva,Raynor Silva Holdings,RaynorSilva,RayynorSilva

Hiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka - හතර වටින් ඇහෙන නියම ගොසිප්

Rayynor Silva,Raynor Silva Holdings,RaynorSilva,RayynorSilva,Hiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka - හතර වටින් ඇහෙන නියම ගොසිප්



Jul
15
‘‘මම මහින්දට විරුද්ධයි. එයාට කොහොමත් දිනන්න බෑ, නිදහස් පක්ෂයේ අගමැති වෙන්න වෙන අය ඕනිතරම් ඉන්නවා‘‘

- ‘‘මම මහින්දට විරුද්ධයි. එයාට කොහොමත් දිනන්න බෑ, නිදහස් පක්ෂයේ අගමැති වෙන්න වෙන අය ඕනිතරම් ඉන්නවා‘‘Hiru Gossip, Hiru news, Gossip Lanka News | Hirugossip | Hiru Gossip | Hiru Fm Gossip | Hiru Gossip Official Web Site | Gossip Lanka

94 Views
ජනාධිපති මෛත්‍රිපාල සිරිසේන මහතා ඊයේ (14) පස්වරුවේ ජාතිය අමතා විශේෂ ප්‍රකාශය සිදු කළා.

එහිදී ජනපතිතුමා පැවසුවේ ශ්‍රී ලංකා නිදහස් පක්ෂය කඩා බේද බින්න කිරීමට තමන්ට ඕනෑ කමක් නැති බවත් සහ පක්ෂ සභාපති කමෙන් අයින් වෙන්න පියවර නොගත් බවත්ය. තවදුරටත් අදහස් දක්වමින් ජනපති මෙලෙස පැවසුහ.


මෛත්‍රීපාල සිරිසේන මහතාගේ සම්පූර්ණ කතාව පහතින්....

මගේ මතකයේ හැටියට පසුගිය වසරේ නොවැම්බර් මස 21 වෙනිදා මේ වගේ හමුවීමෙන් පස්සේ තමයි අද මේ විදිහට ඔබ හමු වන්නේ. විශේෂයෙන් වර්තමාන දේශපාලන තතත්වය පිලිබද පැහැදිළි කරීමක් කිරීමටයි මම බලාපොරොත්තු වන්නේ.

වර්තමාන දේශපාලන තත්ත්වය පිළිබද කථා කරන විට මම කාගේත් අවධානය යොමු කරනවා පසුගිය ජනවාරි මාසේ 08 වෙනිදා මේ රටේ ජනාධිපතිවරයා වශයෙන් පත්වීමට ප්‍රධාන වශයෙන්ම ජනතාවට ඉදිරිපත් කරන ලද මැතිවරණ ප්‍රකාශනයේ කරුණු පිළිබද අපි අවධානය යොමු කළයුතුයි කියන කාරණාව.

ජනවාරි 08 වෙනිදා මේ රටේ සිදුවූ පරිවර්තනය, ප්‍රජාතන්ත්‍රවාදී විප්ලවය සාමාන්‍යයෙන් එවැනි පරිවර්තනයක් ඉතාම කෙටි කාලයකින් ඒ කියන්නේ මම ආණඩුවෙන් එළියට බැහැලා නොවැම්බර් 21 ජනවාරි 08 වෙනිදා වන විට දවස් 42 ක් වැනි කාලයක්. දවස් 42 ක් වැනි කාලයකදි තමයි අපිට රටේ අනාගතය සදහා ප්‍රජාත්‍රන්තවාදය, නිදහස, මුලික අයිතිවාසිකම්, මානව හිමිකම්, නිදහස් මාධ්‍ය මේ සිල්ල පෝෂනය කිරීම සදහා අලූත් ආණ්ඩුවක් හදන්න පුළුවන්කම ලැබුණේ.

එහිදි මම ඉදිරිපත් කරපු මැතිවරණ ප්‍රකාශනය විශේෂයෙන්ම මෛත්‍රී පාලනයක් පිළිබද මම සිහිපත් කරන්නට ඕන මේ ප්‍රකාශනය බොහොම වැදගත් ප්‍රකාශනයක් ලෙස අපේ රටේ මහජනතාවට ඉදිරිපත් කළා. මේ ප්‍රකාශනයේ තිඛෙන කරුණු වගේම එදා පොදු අපේක්ෂකයා ලෙස මාව තෝරා ගැනිමට මූලික වූ පසුබිමක් තිබුණා.

අවුරුදු 49 ක මගේ දේශපාලන ජීවිතයේ අත්දැකීම් සමග පාර්ලිමේන්තු මන්ති්‍රවරුයෙක්, නියෝජ්‍ය ඇමතිවරයෙක්, ඇමතිවර්‍යයෙක් වශයෙන් කටයුතු කරලා ඒ කාලය තුළ 49 අවුරුද්දක් මේ රටේ පොදු ජනතාව තුළ මම විශ්වාස කරනවා මා පිළිබද පුද්ගලිකව පිළිගැනීමක් තිබුණා මම දූෂිතයෙක් නෙවේ ඒ වගේම පැහැදිළිවම නිදහස හා ප්‍රජාතන්ත්‍රවාදය ආරක්ෂා කරන කෙනෙක්, ඒ වගේම තමන්ට ලැඛෙන බලය වැරදි ලෙස භාවිතා නොකරපු කෙනෙක් ඒ නිසා මම මේ තනතුරට සුදුසුයි කියන මතය පොදු ජනතාව තුළ තිබුණා.

මගේ චරිතයත්, මගේ පෞර්ෂත්වයත්, මගේ දීර්ඝකාලීන දේශපාලන අත්දැකීම් සමග ගොඩනගාගන තිබුණු දේශපාලන ප්‍රතිරූපයත් කෙරෙහි ජනතාවගේ තිබු විශ්වාසය සහ බලාපොරොත්තු. ඒ වගේම ඒ විශ්වාසය සහ බලාපොරොත්තු සමග ප්‍රධාන වශයෙන්ම මැතිවරණයට මම ඉදිරිපත් වෙලා පොදු අපේක්ෂකයා ලෙස තෝරා ගන්න අවස්ථාව වන විට මම ඒ කාලයෙත් කිව්වා මැතිවරණ ව්‍යාපාරය තුළත් නොවැම්බර් 21 ආණ්ඩුවෙන් එළියට බහින්න කලින් එක දවසක්වත් රනිල් වික්‍රමසිංහ මහත්තයා හමු වෙලා තිබුණේ නැහැ. චන්ද්‍රිකා බණ්ඩාරනායක මැතිණිය එක දවසක් හමුවෙලා පැයකට අඩු කාලයක් සාකච්ඡා කළේ. ඒ වගේම අපි මැතිවරණ ප්‍රකාශනයත් එක්ක සංවිධාන, දේශපාලන පක්ෂ, කණ්ඩායම් 49 ක් අත්සන් කෙරුවා.

ඒ 49 වැඩ කරපු අය විශේෂයෙන් වැඩි පිරිසක් මම පෞද්ගලිකව දැනගෙන හිටියෙත් නැහැ.
එතකොට මැතිවරණ ප්‍රකාශනය හැදුවෙත්මැතිවරණ ව්‍යාපාරය සකස් කළෙත් ඒ අත්සන් කරපු සංවිධානවල නියෝජිතයින් ප්‍රමුඛව ප්‍රධාන පිරිස්. ඒත් එක්කම එක්සත් ජාතික පක්ෂය ප්‍රමුඛව ජෙනරල් සරත් ෆොන්සේකා මහත්තයාගේ එක්සත් ප්‍රජාතන්ත්‍රවාදී පක්ෂය, ඒ වගේම මුස්ලිම් කොංග්‍රසය, මුස්ලිම් ජාතික පෙරමුණ, ද්‍රවිඩ ජාතික සන්ධානය ගිවිසුමක් නැතිව, ජනතා විමුක්ති පෙරමුණ ගිවිසුමක් නැතිව ඒ විදිහට විශාල සහයෝගයක් ලැබුණා.

ඒ ලැබුණු සහයෝගය තුළ අපට ජයග්‍රහණය ලබාගන්න පුළුවන්කම ලැබුණා. ඒ ජයග්‍රහණය ලැබිලා ඒත් එක්කම ජනවාරි 09 වෙනිදා සන්ධ්‍යාවේ මේ වගේ වෙලාවක ජනාධිපතිවරයා විදිහට දිවුරුම් දීලා මැතිවරණ ප්‍රකාශනයේ තිබුණු කරුණු සහ මම ඇති කරගත් එකගතාවය ක්‍රියාත්මක කිරීමේ වගකීම මා වෙත පැවරුණා.

මම ජනාධිපති ධූරයේ දිවුරුම් දීලා ඉතාම සුළු මොහොතකින් රනිල් වික්‍රමසිංහ මහත්තයා අගමැති විදිහට පත් කළා. මම ජනවාරි 08 ට කළින් අත්සන් කරලා තිබුණ එකගතාවයන් දෙකක් තිබුණා. ඒ දෙකින් එකක් තමයි මේ මැතිවරණ ප්‍රකාශනයට අදාළ කරුණු සම්බන්ධයෙන් අර පක්ෂ සංවිධාන කණ්ඩායම් එකතුව 49 ක් අපි අත්සන් කරපු ප්‍රකාශනය එකක්.
ඊලගට අත්සන් කරලා තිබුණ එකම දේ තමයි මම ජනාධිපති ධූරයට පත්වෙලා රනිල් වික්‍රමසිංහ මහත්තයා අගමැති ධූරයට පත්කරනවා කියන එක. ඒ අනුව මම දිවුරුම්දීලා සුළු මොහොතකින් මම රනිල් වික්‍රමසිංහ මහත්තයා අගමැති ධූරයට පත් කළා.

රනිල් වික්‍රමසිංහ මහත්තයා අගමැති ධූරයට පත් කරනකොට පාර්ලිමේන්තුවේ තත්ත්වය කුමක්ද, පාර්ලිමේන්තුවේ 225 යි මන්ත්‍රී සංඛ්‍යාව. රනිල් වික්‍රමසිංහ අගමැති කරනකොට එක්සත් ජාතික පක්ෂය මන්ත්‍රීන් සංඛ්‍යාව 47 යි. 225 ක් ඉන්න පාර්ලිමේන්තුවේ මන්ති්‍රවරු 47 දෙනෙක් ඉන්න පක්ෂයේ නායකයා මම අගමැති විදිහට පත් කෙරුවා. දැන් අද පවතින දේශපාලන වාතාවරණය තුළමට ඇතැම් අය මාව බලයට පත් කරපු අය මාගේ හිතවතුන් ඔවුන් දැඩි ලෙස දෝෂාරෝපණ එල්ල කරනවා චෝදනා පත්‍ර දෙනවා මම ශ්‍රී ලංකා නිදහස් පක්ෂයේ සභාපති ධූරය භාරගත් එක වැරදි, ඒක භාරගන්නේ නැතිව ඉන්නයි තිබුණේ කියලා.

දැන් පාර්ලිමේන්තුවේ 225 න් 47 ක් තියෙන පක්ෂයේ නායකයා අගමැති කරලා ඒ එක්කම මේ අත්සන් කරපු එකගතාවය තුළ මගේනම් කැමැත්ත තිබුණේ මේ අත්සන් කිරීමට පෙර ජනවාරි 09 වෙනිදා දිවුරුම් දීලා 10 පාර්ලිමේන්තුව විසුරුවන්නයි මගේ බලාපොරොත්තුව තිබුණේ්. ඒක තමයි පහසුම දේ විදිහට මම දැක්කේ.

නමුත් මේ ප්‍රකාශනය හදපු මැතිවරණ ව්‍යාපාරය සංවිධානය කරපු ඒ සියලූ එකාබද්ධ සංවිධානවල එකගතාවය සහ තීන්දුව පාර්ලිමේන්තුව විසුරුවන්නේ නැතිව දින 100 වැඩපිළිවෙල කි්‍රයාත්මක කරන්න. මේ දින සියයේ වැඩපිළිවෙල කියන එක ඔබ දන්නවා එහි කාර්ය භාර්යය එසේ මෙසේ දෙයක් නෙවේ තිබුණේ.

ආණ්ඩු ක්‍රම ව්‍යවස්ථාව වෙනස් කරන්න, මම ජනතාවට දුන් පොරොන්දුව විධායක ජනාධිපති ධූරය අහෝසි කිරීම හෝ එහෙම නැත්නම් බලතල අඩු කරලා පාර්ලිමේන්තුවට දෙන්න, ස්වාධින කොමිසන් සභාවලට දෙන්න, අනිත් ආයතනවලට දෙන්න , ඇමති මණ්ඩලයට දෙන්න දැන් මම අහන ප්‍රශ්ණය ශ්‍රී ලංකා නිදහස් පක්ෂයේ සභාපති ධූරය භාරගත්ත එක්ක මම කරපු බරපතල වැරුද්දක් කියලා චෝදනා කරන මගේ මිත්‍රයින්ගෙන් මේ 47 දෙනෙක් ඉන්න පක්ෂයේ නායකයා අගමැති කරලා කියනවා මට ආණ්ඩු ක්‍රම ව්‍යවස්ථාව වෙනස් කරන්න 19 වැනි සංශෝධනය.

විධායක ජනාධිපති ධූරය අහෝසි කිරීම හෝ බලතල කප්පාදු කිරීම. මම මේ තනතුරට එන්න කළින් අත් දෙකම ඔසවගෙන ආවේ තනතුර අහෝස කිරීම හෝ බලතල කප්පාදු කිරීම ඕන එකකට මම එකගයි. මම එදත් එහෙමයි, අදත් එහෙමයි, හෙටත් එහෙමයි. ඒක තමයි මගේ ප්‍රතිපත්තිය. මේ රටේ නිදහස සහ ප්‍රජාතන්ත්‍රවාදය සදහා. රටේ පොදු මහජනතාව වෙනුවෙන්.
ශ්‍රී ලංකා නිදහස් පක්ෂයේ සභාපති ධූරය මම භාරගත්තේ ජනවාරි 16. ඒකත් මම බලෙන් භාරගත්තේ නැහැ, මම ඉල්ලූවෙත් නැහැ. මට ආරාධනා කළා භාරගන්න කියලා ශී්‍ර ලංකා නිදහස් පක්ෂයේ ජ්‍යෙෂ්ඨයින් රැසක්, ඒගොල්ලෝ කිව්වා මහින්ද රාජපක්ෂ මහත්තයා හමු වෙමු කියලා. තමුන්නාන්සේලා දන්නවා කථානායකතුමාගේ නිල නිවසේ විනාඩි 10, 15 ක සාකච්ඡාවක්. පක්ෂය භාරගන්න කිව්වා. මම කිව්වා කැමතියි කියලා. පහුවදා මධ්‍යම කාරක සභාව, විධායක සභාව රැස් වුණා. භාරදුන්නා.

පාර්ලිමේන්තුවේ 2/3 බලය ශ්‍රී ලංකා නිදහස් පක්ෂය ප්‍රමුඛ එක්සත් ජනතා නිදහස් සන්ධානය, එතකොට ශ්‍රී ලංකා නිදහස් පක්ෂයේ සභාපතිවරයා එක්සත් ජනතා නිදහස් සන්ධානයේ සභාපතිවරයා. ඒ නිසා පාර්ලිමේන්තුවේ 2/3 ක බලයක් තිඛෙන මන්ත්‍රීවරුන් 142 ක් නියෝජනය කරන එක්සත් ජනතා නිදහස් සන්ධානයෙත් මම නායකයා වුණා, සභාපති වුණා.

ඒ නිසා මේ දින සියයේ සාර්ථකත්වය ගන්න පුළුවන් වුණා. 19 වන සංශෝධන පාර්ලිමේන්තුවේ සම්මත කර ගැනීමට පුළුවන් වුණා. ඒ විතරක්ද අද එක්සත් ජාතික පක්ෂය ප්‍රමුඛව සියලූදෙනා කථා කරන ජනතාවට දුන් සහන රජයේ සේවකයින්ට පඩි වැඩිකරපුවා, තෙල් මිල, ගෑස් මිල, බඩු මිල අඩුකරපුවා ඒ සියල්ල කරන්න පුළුවන්කම ලැබුණේ ශ්‍රී ලංකා නිදහස් පක්ෂයේ සන්ධානයේ සභාපති ධූරය මම භාර අරගෙන මේ මැතිවරණ ප්‍රකාශනයේ තිඛෙන කරුණු ඉෂ්ට කරන්න සන්ධානය ශ්‍රී ලංකා නිදහස් පක්ෂය මම මෙහයවපු නිසයි, මම ශ්‍රී ලංකා නිදහස් පක්ෂයේ සභාපති නොවි මහින්ද රාජපක්ෂ මහත්තයා සභාපති විදිහට හිටියනම් 19 වන සංශෝධනය සම්මත කරන්න දෙන්නේ නැහැ ඒගොල්ලෝ.

පාර්ලිමේන්තුවේ මුදල් ඇමතිවරයාගේ අය වැය යෝජනා සම්මත කළේ ඒකත් ඡන්දයෙන්. මහින්ද රාජපක්ෂ මහත්තයා සභාපතිකමේ හිටියනම ජනතාවට ලබා දුන් මේ සහන බඩු මිල අඩු කිරීම්, තෙල් ගෑස් මිල අඩු කිරීම්, පඩි වැඩි කිරීම් මේ කිසි දෙයක් කරන්න ඒ අය වැය යෝජනා සම්මත කරන්න දෙන්නේ නැහැ.

එතකොට මේ දින 100 සාර්ථකත්ව අද කථා කරන මේක අපි එක්සත් ජාතික පක්ෂය ප්‍රමුඛව මගේ ජයග්‍රහණය වැඩ කරපු සංවිධාන පක්ෂ 49 ක් මේ වැඩපිළිවෙල නිර්මාණය කළා වගේම ඒ නිර්මාණය කළ වැඩපිළිවෙල ක්‍රියාත්මක කිරීමේදී එහි මුළු ගෞරවය පාර්ලිමේන්තුවේ ඊට සහයෝගය දුන්න, අත උස්සපු සියලූ දෙනාට දෙනවා.

19 වන සංශෝධනයට 225 න් 215 ක් ඡන්දය පාවිච්චි කළා. මම මම කියපු දේවල් නොකරන කෙනෙක්නම් ඒ වගේම දැන් සමහර අය මේ දවස්වලට මට කියනවනේ දුෂ්ටයා, ද්‍රෝහියා, පාවා දෙන්නා මේ ප්‍රජාතන්ත්‍රවාදයේ මල් පිපිලා. මේ ප්‍රජාතන්ත්‍රවාදය දෝරේ ගලා යනවා ලංකාවේ ජනවාරි 08 වෙනිදායින් පස්සේ. මේ රටේ විධායක ජනාධිපති ධූරය 78 හදපු දවසේ ඉදලා ජනවාරි 08 වනදා මේ රට පාලනය කරපු රාජ්‍ය නායකයින්,ජනාධිපතිවරු ඒ කිසිකෙනෙකුට මේ සුමානයේ දෙකේ මට ගහන ගැහිල්ල ගහලා නැහැ.

ද්‍රෝහියා, දුෂ්ටයා, පාවා දෙන්නා ඒ එක් එක් යුගවල මාධ්‍යාවේදින්ට සිද්ද වුණ දේවල් මාධ්‍ය හිර කරපු හැටි, නිදහස් මාධ්‍ය වළලපු හැටි එක් එක් යුගවල මම ඒවා කියන්න කාලය ගන්නේ නැහැ, ඔබ වගේම මේ රටේ විශේෂයෙන්ම විධායක ජනාධිපති ධූරය හදපු දවසේ ඉදලා මේ රටේ වුණ දේවල් දන්න සියලූදෙන් ඒ ගැන දන්නවා.

සමහර වෙලාවට මට හිතෙනවා එස්.ඩබ්.ආර්.ඩී බණ්ඩාරනායක මැතිතුමා 56 පොදු ජන ආණ්ඩුව පිහිටුවලා රට ප්‍රජාතන්ත්‍රවාදී කරලා කම්කරු අයිතිවාසිකම් දීලා නිදහස් දීලා ප්‍රගතිශීලි අන පනත් සම්මත කරලා මහ පරිවර්තනයක් රටේ කරනකොට බණ්ඩාරනායක මැතිතුමා අවුරුදු තුන හමාරයි ආණ්ඩු කළේ වැඩ වර්ජන 459 යි.

බණ්ඩාරනායක මැතිතුමාගේ කැබිනට් මණ්ඩලයත් කැබිනට් එක වර්ජනය කෙරුවා. ඇමති මණ්ඩල රැස්වීම වර්ජනය කෙරුවා. වැඩ වර්ජන එක දිගට යනකොට ඊට කළින් හිටපු අගමැති සර් ජෝන් කොතලාවල මැතිතුමා කිව්වා මම බැදපු බල්ලෝ බණ්ඩා ලෙහෙලා දැම්මා කියලා. දැන් බණ්ඩාට හපා කනවා කිව්ව.

ජනාවරි 08 වෙනිදා මේ රටේ ජනතාව කරපු පරිවර්තනයට නායකත්වය දුන්න, මේ රටේ ප්‍රජාතන්ත්‍රවාදය පැහැදිළි ලෙස ස්ථාපිත කරපු ඒ සදහා වගකීම් අරගෙන කටයුතු කරපු මට මේ ඇතැම් මාධ්‍ය ආයතන සහ ඇතැම් දේශපාලන විවේචකයෝ, විචාරකයෝ මේ අත තද කරල ලියනකොට ද්‍රෝහියා, දුෂ්ටයා, පාවා දෙන්නා කියලා මම ඒගොල්ලන්ට කියනවා ප්‍රජාතන්ත්‍රවාදයේ රස හොදට භුක්ති විදින්න. ජනවාරි 08 වෙනිදා කරපු පරිවර්තනයෙන් මේ රටේ නිර්මාණය කරපු ප්‍රජාතන්ත්‍රවාදී සමාජය විනාශ කරන්න එපා.

මාස 06 ක් ඇතුළත් මේ වචන පාවිච්චි කරනවනම් මම දන්නවා ජනවාරි 08 කළින් අද මට මේ පාවිච්චි කරන වචන පාවිච්චි කරලා තිබුණානම් එහෙම මේ මට ගහන ගැහිලිවලින් සියයෙන් එකක් ගැහුවානම් ඒ ගහන අයට වෙන්නේ මොනවද කියලා වෙච්චි දේවල් එක්ක මේ රටේ ජනතාව තමුන්නාන්සේලා හැම කෙනෙක්ම දන්නවා. ඒක තමයි ඇත්ත තත්ත්වය. රාජාණ්ඩුවක්නේ තිබුණේ.

තමුන්නාන්සේලාගේ මාධ්‍ය ආයතනවලට කොහොමද උපදෙස් දීලා තිබුණේ ජනවාරි 08 ට කළින්. ඇමතිවරුන්ට ගහන්න ඕන තරම්, හැබැයි රාජපක්ෂ පවුලේ කාටවත් ගහන්න එපා.
ඉතින් මේ මාස 06 තුළ මේ රටේ ඝාතනය නැහැ, ලේ වැගිරීම් නැහැ, මහ කොළහාල නැහැ,මේ රට සාමකාමී, නිදහස්. ප්‍රජාතන්ත්‍රවාදී. ඉතින් මේ දේශපාලන කළමණාකරනය පාර්ලිමේන්තුවේ 225 ක් ඉන්න තැන 47 කින් අගමැති කෙනෙක් පත් කරගෙන ආණ්ඩු ක්‍රම ව්‍යවස්ථාව සංශෝධනය කරලා අය වැය ඒකමතිකව සම්මත කරලා මේ සියල්ල එක්ක විශේෂයෙන්ම යන විට මේ රටේ අවශ්‍ය වෙනස්කම් පැහැදිළි ලෙස කිරීමේ අවශ්‍යතාවය මට තිබුණා.

මේ සිදුවීම් එක්ක ශ්‍රී ලංකා නිදහස් පක්ෂය සහ සන්ධානය තුළ අර්බුද ඇති වුණා. මහින්ද රාජපක්ෂ මහත්තයා මට පක්ෂය භාරදුන්නට භාර දීලා සුමාන දෙක යනකොට අනිත් පැත්තට හැරිලා කකුලෙන් අදින්න පටන් ගත්තා. පක්ෂය නිර්මල, පිවිතුරු, පවිත්‍ර පක්ෂයක් විදිහට දූෂණයෙන්, වංචාවෙන් එවැනි පුද්ගලයින්ගෙන් තොර අවස්ථාවාදින්ගෙන් රාජ්‍ය දේපළ මංකොල්ල කන මිනිස්සුන්ගෙන්, බලය වැරදි විදිහට පාවිච්චි කරන අයගෙන්, පවුල්වාදයෙන් තොර පක්ෂයක් ශ්‍රී ලංකා නිදහස් පක්ෂය ගොඩනඟන්න මම විශාල උත්සහයක් අරගෙන තමයි කටයුතු කළේ.

එක් පැත්තකින් පාර්ලිමේන්තුවෙන් 47 ක් ඉන්න නායකයෙක් අගමැති කරලා ආණ්ඩුක් ගෙනියන්න ඕන. අනෙක් පැත්තෙන් ආණ්ඩුක්‍රම ව්‍යවස්ථාව වෙනස් කරන්න ඕන. මම කියපු වෙනස්කම් කරන්න ඕන පාර්ලිමේන්තුවේ කැමැත්ත අරගෙන.

ඊළගට මට විරුද්ධව රට පුරා රැස්වීම් තියලන්න පටන් ගත්තා සන්ධානයේ නායකයෝ. රට පුරා රැස්වීම් තියලා කියන්න ගත්තා මේකට 10 ක් නැග්ගා,අරකට 25 ක් නැග්ගා, මේකට 40 නැග්ගා, මේකට 50 ක් නැග්ගා කාටද මේ අභියෝගය කළේ මේ අභියෝගය කළේ එක්සත් ජාතික පක්ෂයට නෙවේ, ඒ අභියෝගය කළේ කවුරුත් දන්නවා මටයි.

එතකොට එක්ක පැත්තකින් කියනවා ඇයි මේ විනය ක්‍රියාමාර්ග ගන්නේ නැත්තේ. ඇයි මේ මන්ත්‍රීවරුන්ට චෝදනා පත්‍ර දෙන්නේ නැත්තේ. ජාතික ආණ්ඩු සංකල්පයට පක්ෂයේ මධ්‍යම කාරක සභාව ඒකමතිකව එකගතාවය පළ කළා.

පාර්ලිමේන්තු කණ්ඩායම ඒකමතිකව තීන්දු ගත්තා. කිසිම විරෝධයක් නැතිව. නමුත් එහෙම තීන්දු අරගෙන විරුද්ධව කටයුතු කරනකොට පක්ෂය තුළිනුත් කිව්වා, රටෙනුත් කිව්වා දේශපාලන ප්‍රතිවාදිනුත් කිව්වා ඇයි මේ විනය පරික්ෂණ කරන්නේ නැත්තේ ඇයි මන්ත්‍රීවරු සංවිධායකකම්වලින් අස් කරන්නේ නැත්තේ, ඇයි ඕගොල්ලන්ට විනය පරික්ෂණ කරලා මන්ති්‍ර ධූර ඉවත් කරන්න කටයුතු කරන්නේ නැත්තේ. විනය පරික්ෂණ කරන්න කොහොමද, සංවිධායක ධූරවලින් අස් කරන්නේ කොහොමද. ඇයි මේ පාර්ලිමේන්තුව ගෙනියන්න එපැයි 47 ක මන්ත්‍රීවරුන් ඉන්න අගමැතිවරයෙක් එක්ක. පනතක් සම්මත කරන්න එපැයි පාර්ලිමේන්තුවේ. පනත් සම්මත කරන්න පුළුවන්ද, ව්‍යවස්ථා සංශෝධනය පුළුවන්ද, අය වැය යෝජනා සම්මත කරන්න පුළුවන්ද, ස්වාධින කොමිසන් සභා ගේන්න පුළුවන්ද, ඒ එකක්වත් කරන්න බෑ. ඒ නිසා ඒ සියලූ විනය විරෝධි වැඩ කරද්දි මේ දින 100 වැඩපිළිවෙල ක්‍රියාත්ම කරන්න, මම භාරගත්ත රටේ ජනතාවගේ වගකීම් ඉටු කරන්න මම ඒවා නොදැක්කා වගේ හිටියා. මම ඉතාම නම්‍යශිලි වුණා. මම දන්න විදිහට මේ රටේ කිසිම රාජ්‍ය නායකයෙක් මේ විදිහට නම්‍යශිලි වෙලා නැහැ තමන්ගේ පක්ෂයේ ඉන්න පිරිස් මේ විදිහට හැසිරෙනකොට.

ඒ නම්‍යශිලි වුණේ ජනතාවට දුන් ප්‍රතිඥාව ඉෂ්ට කරන්න. මැතිවරණ පොරොන්දු ඉෂ්ට කරන්න. ජනාධිපති ධූරයේ බලතල ඉවත් කරන්න. ජනතාවට දුන් පොරොන්දු ඉස්ට කරන්න. පරදින අය වැය සම්මත කරන්න. ඒවට තමයි ඒ විදිහට සහයෝගය දුන්නේ.

ඉතිස් මේ සියල්ල එක්ක ගත්තහම අපි දන්නවා මේ පසුබිමත් එක්ක අපි අද මහ මැතිවරණයකට ගිහිල්ල තියනවා මේ මහ මැතිවරණයේ ප්‍රතිඵල තුල ප්‍රධාන වශයෙන්ම ඉදිරි අවුරුදු 05 මේ රටේ දේශපාලන ස්ථාවරත්වය ඒ වගේම ආර්ථීකය පිළිඳ ප්‍රධාන වශයෙන්ම වගකීම, රට හැසිරවීම, කළමණාකරනය ප්‍රධාන වශයෙන් එන්නේ මේ මැතිවරණයෙන් බලයට පත්වෙන ආණ්ඩුවට.

දැන් මේ මහින්ද රාජපක්ෂ මහත්තයට එක්සත් ජනතා නිදහස් සන්ධානයේ නාම යෝජනා ලැබීම පිළිබදව දැන් මට චෝදනා තුනක් එල්ල කරනවනේ මේ දවස්වල. එකක් තමයි ශ්‍රී ලංකා නිදහස් පක්ෂයේ සභාපතිකම භාර ගැනීම වැරදියි කියලා,මම ඒකට උත්තර දුන්නා. අනෙක තමයි මහින්ද රාජපක්ෂ මහත්තයාව හමුවීම වැරදියි කියනවා. ඊළගට තුන්වනව කියනවා අපේක්ෂකත්වය දුන්න එක බරපතල වැරුද්දක් කියලා.

දැන් මහින්ද රාජපක්ෂ මහත්තයා මාව හමුවුණේ මම හිතන්නේ ඔබ කවුරුත් දන්නවා අවස්ථා තුනක හමුවුණා් පළමු අවස්ථාව තමයි කථා නායක නිල නිවසේ පක්ෂය භාරගන්න පළමු හමු වීම, දෙවැනි හමුවීම තමයි මුළු රටම දැක්කා දෙපාර්ශවයේම නියෝජිත පිරිස් ගිහිල්ලා පාර්ලිමේන්තුවේ ජනාධිපති කාර්යාලයේ හමුවීම්. ඒ හමුවට ඇවිල්ලා වාඩිවෙලා ඒ ආපු නියෝජිතයෝ ඉස්සෙල්ලම පටන් ගත්තේ ඉදිරි මැතිවරණය එනවා ඒකදී ඒ ඉල්ලීම් 04 ක් ඉල්ලූවා.
පළමු ඉල්ලීම මහින්ද රාජපක්ෂ මහත්තයාව ඡන්දයෙන් පස්සේ අගමැති කරන්න. අගමැති අපේක්ෂකයා කරන්න. ඊළගට ඒ දිනවල තිබුණු පසුබිමත් එක්ක පාර්ලිමේන්තුවේ තිබුණු යම් යම් යෝජනාවලට විරෝධය පළ කරන්න මේ වගේ කරුණු තමයි ඉදිරිපත් කළේ.

මම මහින්ද රාජපක්ෂ මහත්තයා හමුවෙලා පාර්ලිමේන්තුවේ කථා කරපු සාකච්ඡාවේදී එකහෙළාම මම ප්‍රතික්ෂේප කෙරුවා අගමැති ධුරය දෙන්න මම කැමතිත් නැහැ, අගමැති අපේක්ෂකයෙක් විදිහට පත් කරන්න මම කැමැතිත් නැහැ. කිසිසේත්ම මම මේවට එකඟතාවයක් දක්වන්නේ නැහැ. එතකොට මගෙන් ඇහුවා ඇයි විරුදුධ වෙන්නේ කියාල. මම කිව්වා ජනවාරි 08 වෙනිදා ලැබු ජයග්‍රහණය ආපසු හරවන්න මට දෙන්න බැහැ කියලා.
අනිත් එක මම කිව්වා ඔබතුමා ඡන්දයකට ආපුහම ඡන්දයක් ජයග්‍රහණය කරන්න අවශ්‍ය මූලික කාරාණ සම්පූර්ණ වෙන්න ඕන. මොනවද ඒ මූලික කාරණා. මම කිව්වා මේ රටේ දමිළ, මුසිල්මි ඡන්ද හම්බවෙන්නේ නැහැ තමුන්නාන්සේ ආපුහවම ඒ පක්ෂයට.

ඊළගට මුළු ලෝකය පුරාම ගලා යන නව දේශපාලන සංස්කෘතියත්, රටවල්වල රාජ්‍යයන්හි තිඛෙන දූෂණ විරෝධි රැල්ලබලය වැරිදි විදිහට පාවිච්චි කිරීම, මේ රටේ උගත්, බුද්ධිමත් පිරිස් වගේම මධ්‍යම පාන්තික පිරිස් තුළින් ප්‍රධාන වශයෙන් මේ රටේ යහපාලනයක් සඳහා මාව පත් කරනකොට ඒ තැබු විශ්වාසය තුළ මම කටයුතු කරනවිට ඒ පැත්තෙන් ඔබ සම්පූර්ණ වෙලා නැහැ. යහපාලනයට අවශ්‍ය සුදුසුකම ඔබ ලබලා නැහැ. අනෙක් පැත්තෙන් තරුණ පරපුර ඔබට ඡන්දය පාවිච්චි කරන්නේ නැහැ.

ඔබේ පාලන කාලය තුළ බරපතල වැරදි නිසා. රාජාණ්ඩු ක්‍රමය නිසා. වංචා දූෂණ පවුල් වාදය නිසා ඡන්දය පාවිච්චි කරන්නේ නැහැ. ඒ නිසා මැතිවරණයකට ඇවිල්ලා මේ පක්ෂය පරද්දන්න එපා කියලා මම කිව්වා. ඒ සාකච්ඡාව අවසන් වුණා ප්‍රතිඵලයක් නැතිව.

ඒ අතරවාරයේ අපි ආණ්ඩුව විදිහට පාර්ලිමේන්තුව විදිහට කටයුතු කරගෙන ගියා. මැතිවරණය ඉතාම ආසන්න තත්ත්වයට ආවා. දැන් 19 වන සංශෝධනය සම්මත කරනවා. 19 වන සංශෝධන සමත්ත කරනකොට ප්‍රධාන වශයෙන්ම වුවමනාව තිබුණේ ප්‍රමුඛව මටත්, එක්සත් ජාතික පක්ෂය, ජනතා විමුක්ති පෙරමුණ, ද්‍රවිඩ ජාතික සන්ධානය, මුස්ලිම් කොංග්‍රසය, සරත් ෆොන්සේකා මැතිතුමා පක්ෂය ඇතුලූ මාව බලයට පත් කරපු ඒ සංවිධානව ඔක්කොම එක්ක.

එතකොට බලයට පත්කිරීමත් එක්ක ඒ ආපු කාරණා තුළ ප්‍රධාන වශයෙන්ම බලයට පත් කරලා ඉදිරියට යාමේ කටයුතුවලදී 19 වන සංශෝධනය සම්මත කරන්න යනකොට ඇහුවා කෝ 20 කියලා. එතකොට මම කිව්වා දැන් 19 සම්මත ගැසට් කරලා තිඛෙන්නේ ඒ පිළිබද පවතින නීතිමය තත්ත්වය එක්ක දැන් 19” 20 යි එකට යන්න බැහැ. 19 ගැසට් කරලා ඉවරයි, උසාවියට, ශ්‍රෙෂ්ඨාධිකරණයට ගිහිල්ලා ඉවරයි.

ඒ නිසා 20 අමුණන්න බැහැ. ඒ නිසා 20 වෙනම එන්න ඕන.එතකොට සන්ධානයේ මන්ත්‍රීවරුන් කිව්වා අපි 19 ට අත උස්සන්නේ 20 ගේනවා කියන පොරොන්දුව උඩ. මම රනිල් වික්‍රමසිංහ මහත්තයා ඇතුලූ ආණ්ඩුවේ අනිත් සියලූදෙනා එක්ක කථා කරලා සන්ධානයේ ඡන්ද ගන්නනම් 19 ට 20 ගේන්න ඕන. ඔව් ගේමු කිව්වා. එතකොට ඒ අනුව 19 ඉවරවෙලා දැන් මම බලාගෙන ඉන්නවා 20 එනකම්. 19 හැදුවේ මම නෙමෙයිනේ. මගේ පූර්ණ එකගතාවයෙන් නීති විශාරදයෝ සහ ඒ ඒ පක්ෂවල අය තමයි 19 හැදුවේ. දැන් මම බලනවා කෝ 20. ඒ එක්කම සන්ධානයේ මන්ත්‍රීවරු අහනවා කෝ 20. දැන් 20 හැලිලා. එතකොට මට මතකයි මේ මැතිවරණ ප්‍රකාශනයත් එක්කම අපි සදහන් කරලා තිබුණා 19 වගේම 20 ඒවගේම තොරතුරු දැන ගැනීමේ පනත, විගණන පනත මේවා බොහොම පැහැදිළිව මැතිවරණයෙත් කියපුවා.

විගණන පනත සහ තොරතුරු දැන ගැනීමේ පනත හැදුවා. එතකොට 20, 19 හදපු අයගෙන් හැලූනා. තොරතුරු පනත නැහැ. විගණන පනත නැහැ. මේ රටේ වංචා දුෂණ පිළිබද රාජ්‍ය අංශය කථා කිරීමේදී ප්‍රධාන වශයෙන්ම මේ රටේ ටෙන්ඩර් ක්‍රමය අන්ත දූෂිතයි. මම මේක මීට අවුරුදු 10 කට කළින් ඉදලා කියලා කියනවා. ඒක රටම දන්නවා. ඒ නිසා තමයි මේ ටෙන්ඩර් ක්‍රමයේ තිඛෙන දූෂණ වළක්වලා මේ රටේ හොද මුල්‍ය කළමණාකරනයක් ඇති කරන්න දුෂිත ක්‍රමයෙන් තොර ටෙන්ඩර් ක්‍රමයක් ඇති කරන්න මුල්‍ය අංශවල හොඳ මුල්‍ය විනයක් ඇති කරන්න මේ විගණන පනත ගෙනාවේ.

දැන් මේ ප්‍රශ්ණත් එක්ක අනෙක් පැත්තෙන් ආවා මහ බැංකු අධිපතිවරයා සම්බන්ධයෙන් පැමිණිල්ලක්. මේ පිලිබඳව කමිටුවක් පත් කරලා එහි වාර්තාවක් ආවා. ඊළගට පාර්ලිමේන්තුවේ ගිණුම කාරක සභාවේ ඒ සම්බන්ධයෙන් කටයුතු කරන්න පටන් ගත්තා. සාමාන්‍යයෙන් රනිල් වික්‍රමසිංහ අගමැතිතුමා සම්බන්ධයෙන් මගේ තිඛෙන මතය වගේම රටේ පොදු ජනතාව අතර මතයක්, අදහසක් තියනවා රනිල් වික්‍රමසිංහ මහත්තයා හොරකම් කරන කෙනෙක් නෙවේ, දුෂීතයෙක් නෙවේ කියලා, මේ මහ බැංකු අධිපතිවරයාගේ ඒ ප්‍රශ්ණය ආවහම මේ පිළිබද වරින් වර කරපු සාකච්ඡාවලදී මම අවසාන වරටත් එතුමාට කිව්වා ඔබතුමාට හොඳ නමක් තිඛෙනවා මේ සිද්ධියත් එක්ක තිඛෙන පසුබිම තුල ඔබතුමා නිවරැදි වෙන්න ඕන. ඒ නිසා හොඳම දේ තමයි මහ බැංකු අධිපතිවරයා ඉල්ලා අස්වෙන එක කියලා.

එතකොට මෙවැනි පසුබිමක් එක්ක තමයි අපි ආවේ නාම යෝජනා දක්වා. දැන් නාම යෝජනා දක්වා එනකොට මූලික වශයෙන් මම සදහන් කරන්නට ඕන මේ රටේ දේශපාලන පක්ෂවල මැතිවරණයක් අවස්ථාවේදී ඒ ඒ දේශපාලන පක්ෂවල තිඛෙන ව්‍යවස්ථාවේ හැටියට පක්ෂයේ ප්‍රතිපත්ති අනුව කොහොමද අපෙක්ෂකයෙක් තෝරන්නේ කියලා. එම ක්‍රියාවලිය කොහොමද සිද්ධ වෙන්නේ කියලා. ශ්‍රී ලංකා නිදහස් පක්ෂයේ අපේක්ෂකයින් තේරිමේ ක්‍රියාවලිය දන්නේ ශ්‍රී ලංකා නිදහස් පක්ෂයේ අභ්‍යන්තරයේ ඉන්න අය. එක්සත් ජාතික පක්ෂයේ අපේක්ෂකියන් තේරිමේ ක්‍රියාවලියේ ඉන්නේ එක්සත් ජාතික පක්ෂයේ අය. දේශපාලන පක්ෂවලත් එහෙමයි.

එතකොට මේ අපේක්ෂකයින් තේරිමේ කි්‍රයාවලිය කි්‍රයාත්ම කිරීමේදී විශේෂයෙන්ම සදහන් කරන්න ඕන ශ්‍රී ලංකා නිදහස් පක්ෂය සහ එක්සත් ජනතා නිදහස් සන්ධානය කොහොමද අපේක්ෂකයින් තෝරන්නේ. ඉල්ලූම් පත්‍ර කැදවනවා. නාම යෝජනා මණ්ඩල පත් කරනවා. ඊළගට නාම යෝජනා මණ්ඩලයෙන් පස්සේ මධ්‍යම කාරක සභාව අනුමත කරනවා. මේක තමයි මේ තිඛෙන ක්‍රමය. දැන් ඉතා පැහැදිළිව මේ තත්ත්වයත් එක්ක මහින්ද රාජපක්ෂ මහත්තයාට අපේක්ෂකත්වය දීම පිළිබද මගේ කිසිදු එකගතාවයක් නැහැ කියන එක මම සෑම කෙනෙක්ටම ප්‍රකාශ කළා.

එක්සත් ජනතා නිදහස් සන්ධානයේ නායකයෝ දිනේෂ් ගුණවර්ධන, වාසුදේව නානායක්කාර, විමල් වීරවංශගේ පක්ෂය, තිස්ස විතාර, ඩියු ගුණසේකර එක්සත් ජනතා නිදහස් සන්ධානයේ නායකයෝ මහජන පක්ෂය, පොඩි අප්පුහාමි මහතාගේ පක්ෂයේ මේ පක්ෂ නායකයෝ ඔක්කොම මේ ශාලාවේ. මේ තිඛෙන ලීවලට, බිත්තිවලට කථා කරන්න පුළුවන්නම් කථා කරලා කියයි මම කිව්වේ මොනවද කියලා. මම ඒ පක්ෂ නායකයෝ සියලූදෙනාට කිව්වා මහින්ද රාජපක්ෂ මහත්තයට අගමැති අපේක්ෂකත්වය දෙන්නවත්, කණ්ඩායම් නායකත්වය දෙන්න බැහැ කියලා මම පැහැදිළිව ප්‍රකාශ කළා. ඒ අය නරක විදිහට මට බැන බැන තමයි මෙතනින් ගියේ.

එතකොට මේ තත්ත්වය ශ්‍රී ලංකා නිදහස් පක්ෂය තුළත් තිබුණා. මම ඔය කිව්වේ සන්ධානය විදිහට. දැන් මේ තත්ත්වය එක්ක මට කළහැකි කරුණු දෙකක් තිබුණා ශී්‍ර ලංකා නිදහස් පක්ෂයේ.

එකක් තමයි සම්පූර්ණයෙන්ම ශ්‍රී ලංකා නිදහස් පක්ෂය සන්ධානය මහින්ද රාජපක්ෂ මහත්තයලට භාරදීලා මම අයින් වෙන එක. මම අයින් වුණානම් තත්ත්පරයෙන් මහින්ද රාජපක්ෂ මහත්තයා සන්ධානයේ සහ ශ්‍රී ලංකා නිදහස් පක්ෂයේ සභාපතිවරයා විදිහට ඒගොල්ලෝ පත් කර ගන්නවා.

මම දැන්නවා මට සභාපතිකම දුන්නේ ජනවාරි 16 ඊට සුමාන දෙකක් ගිහිල්ලා මහින්ද රාජපක්ෂ මහත්තයා කියන්න පටන් ගත්තා අපරාදේ කරගත්ත වැඩේ. පක්ෂ නායකත්වය සභාපතිකම දුන්න එක කියලා පසු තැවෙන්න පටන් ගත්තා. මම සම්පූර්ණයෙන් පක්ෂයෙන් ඉල්ලා අස් වුණානම් මහින්ද රාජපක්ෂ මහත්තයා මේ මැතිවරණයට එන්නේ ශ්‍රී ලංකා නිදහස් පක්ෂයේ සභාපති සන්ධානයේ සභාපති ඒ විතරක් නෙවේ හදන අපේක්ෂක නාමාවලි සියට සීයක් සම්පූර්ණයෙන්ම එයාට ඕන විදිහට ඒ විතරක් නෙවේ මාත් එක්ක හිතවත්ව හිටපු පාර්ලිමේන්තු කණ්ඩායම සමහරවිට ඔක්කොම කපලා දාන්න තිබුණා. ඒ ඔක්කොම දොට්ට දානවා. එතකොට මේ තත්ත්ව උඩ ප්‍රධාන වශයෙන්ම මේ ඛෙදීම තියනකොට මට කරන්න තිබුණ එකක් තමයි ශ්‍රී ලංකා නිදහස් පක්ෂයේ සහ සන්ධානයේ සභාපතිකමෙන් අයන්වන එක. එහෙමනම් මහින්ද රාජපක්ෂ මහත්තයා ඊයේ නාම යෝජනා දෙනකොට එන්නේ ඔයිට වඩා වෙනස් ආකාරයට මම දන්නවා.

මම කියන්නේ නැහැ මහින්ද රාජපක්ෂ මහත්තයා අදත් ප්‍රභලයි කියලා. ජනවාරි 08 වෙනිදා පැරදුණ මහින්ද රාජපක්ෂ, මම දකින්නේ තවත් පරිදින එක. නමුත් ඉස්සරහටත් සන්ධානයේ සභාපතිකම තියාගෙන ආවනම් ඔයිට වැඩිය තව යම් ප්‍රමාණයකින් තවත් ශක්තිමත්ව තමයි එන්නේ. එතකොට එකක් මම අයින් වෙන එක එහෙම නැත්නම් අගමැති අපේක්ෂකත්වය නොදී ඉන්නවා කියලා කිව්වහම ඒගොල්ලේ ඔක්කොම සැළසුම් කරලා තිබුණා. තීන්දු කරලා තිබුණා වෙනම ඒගොල්ලෝ වෙනම තරග කරන්න අපේක්ෂක ලයිස්තු හදලා, ප්‍රතිපත්ති ප්‍රකාශන කමිටු හදලා ඔක්කොම වැඩ අවසන් කරලා තිබුණේ, ඒ ගොල්ලේ වෙනම පක්ෂකයින් තරග කරන්න.

එතකොට සන්ධානය තුළ නාම යෝජනා නොලැබුණානම් ඒගොල්ලෝ එත් වෙනම පක්ෂයකින් පාර්ලිමේන්තුවට එනවා. එය වළක්වන්න පුළුවන්කමක් නැහැ.
දැන් මෙතනදි අහන අනෙක් ප්‍රශ්ණය තමයි ඇයි එහෙමනම් සන්ධානයෙන් දුන්නේ විරුද්ධ වුණානම් කියලා. මගෙන් අහනවා මට කරන චෝදනා. මෙතනදි මම කාරණයක් කියන්න ඕන බොහෝම පහසුයි ශ්‍රී ලංකා නිදහස් පක්ෂයේ කෑල්ලක් කඩා ගෙන මට රට වටේ යන්න තිබුණා. හැබැයි ඒක ජනාධිපතිවරයෙකුට ගැලපෙන්නේ නැහැ.

පක්ෂේ කඩා ගෙන කෑල්ලක් කඩා ගෙන රට වටේ යන එක. අනිත් කාරණය තමයි ප්‍රධාන වශයෙන්ම මේ රටේ මැතිවරණ ඉතිහාසය ගත්තහම එක් එක් ආණ්ඩු සහ එක් එක් යුග ගත්තහම මේ රටේ තියෙන ද්වි පක්ෂ ක්‍රමය තමුන්නාන්සේලා අපි කවුරුත් පිළිගන්නවා. ඒ පක්ෂ දෙක තමයි හැමදාම ආණ්ඩු කරන්නේ. අනික් පක්ෂ සමහර විට සෘජුව එනවා. නැත්නම් වක්‍ර ව එනවා. මධ්‍යස්ථව එනවා. නමුත් 1956 ඉඳලා මේ රට පාලනය කරන්නේ එක්සත් ජාතික පක්ෂය සහ ශ්‍රී ලංකා නිදහස් පක්ෂය. දැන් මේ ද්වි පක්ෂ ක්‍රමය තුළ මේ පක්ෂදෙකෙන් එකක් කොයි එකක් හෝ කැඩිලා බිඳිලා දුර්වල වෙච්ච හැම යුගයකදිම මොකද්ද සිද්ධ වුණේ. හැම යුගයකදිම සිද්ධ වුණේ මේ රටේ නිදහස හා ප්‍රජාතන්ත්‍රවාදය අර්බුදයකට ගියා. මම අනාගතය ගැන අනාවැකි කියන තාරකා විද්‍යාඥයෙකුත් නොවෙයි ජෞතිෂඥයෙකුත් නොවෙයි.
මහින්ද රාජපක්ෂ මහත්මයා තමයි මේ රටේ ජනාධිපතිවරුන්ගෙන් මැතිවරණයකට ඇවිල්ලා පරාජය වෙච්ච එකම ජනාධිපතිවරයා. අනිත් ජනාධිපතිවරු නම්බුව තියාගෙන වාර දෙක කරලා ගෙදර ගියා. එතුමා ඇවිල්ලා ඒ වාර්තාව බින්දා ලංකාවේ පරාජය වෙච්ච පළවෙනි ජනාධිපතිවරයා විදිහට.

රටක ආයතනයක පුද්ගලයෙක් ගත්තහම අතීතයේ තොරතුරුත් එක්ක තමයි අනාගතය පිළිබඳව අනාවැකි කියන්න පුළුවන්. විශේෂත‍යන්ම රටක ඉතිහාසයත් එක්ක තමයි ඒ රටේ ශිෂ්ටාචාරය, ඒ රටේ සංස්කෘතිය, ඒ රට ගොඩනැගුණු හැටි ඒ සියල්ල තියෙන්නේ. ඒවගේම අපි මෑත ඉතිහාසය ගත්තහම මේ රටේ දේශපාලනයේ පසුගිය දශක පහක හයක ඒ ඇතිවෙච්ච සිද්ධීන් මම කිව්වේ. ඉතින් ඒක නිසා මට මෙතනදි ඳඋවමනාවක් ඇති වුණේ නැහැ ශ්‍රී ලංකා නිදහස් පක්ෂය කඩලා කෑල්ලක් අරගෙන රට වටේ යන්න. පක්ෂයේ සන්ධානයේ නායකයෝ සියල්ලම මහින්ද රාජපක්ෂ මහත්තයට අපේක්ෂකත්වය දෙන්න කිව්වා. ශ්‍රී ලංකා නිදහස් පක්ෂයේ මන්ත්‍රී කණ්ඩායමෙන් සියයට අනූනවයක් ඉල්ලූවා අපේක්ෂකත්වය දෙන්න කියලා.

දැන් මට මෙතන්දි තියෙන්නේ කුමක්ද? මට මෙතන තියෙන්නේ එහෙම නම් පක්ෂය කඩාගෙනඅයින් වෙන්න. නැත්නම් ඉල්ලා අස්වෙන්න ඉස්සල්ලා කිව්වා වගේ. එහෙම කළා නම් මම කිව්වා ප්‍රතිඵල මොනවද කියලා. එහෙම නැත්නම් පැහැදිලිව මම මගේ ස්ථාවරය වෙනස් වුණේ නැහැ. මගේ විරුද්ධත්වය එසේමයි. මේ ගොල්ලන්ට ඒ විරුද්ධත්වය පළ කලා. නමුත් මම කිව්වා පක්ෂය කඩා ගන්න නැතිව බහුතරය තීන්දුව ගන්න කියලා. හැබැයි මම මේ තීන්දුවට එකග නැහැ.

ඒ නිසා මේ සෑම කාරණාවක්ම ගත්තහම මූලික වශයෙන් මේ තිඛෙන පසුබිමත් එක්ක මම කියන්නට ඕනැ මට මේ චෝදනා කරන අයට මම මුලින් කිව්වා 47 කෙන් මන්ත්‍රීවරුන්ගෙන් අගමැති කෙනෙක් කරලා මම ආණ්ඩු අරගෙන ආපු හැටි හය මාසයක්. යහපාලනයේ දොරටු විවෘත කරපු හැටි. එතකොට ඒ පිළිබඳව මගේ මනසේ සැලසුම් ඒ විදිහටම මම ගෙනාපු හැටි. ඒ නිසා මම බොහෝම පැහැදිලිව කියන්නට ඕනැ මේ ඉදිරි පාර්ලිමේන්තු මැතිවරණයේ ප්‍රතිඵල තුළ මට අවශ්‍ය වෙන්නේ කුමන පක්ෂයෙන්ද කියන කාරණාව නෙවෙයි පාර්ලිමේන්තුවට එන 225 න් වැඩි බහුතරයක් ජනවාරි 8 වෙනිදා ජයග්‍රහණය ලබපු සහතික කරලා ජනවාරි8 වැඩපිළිවෙල ඉදිරියට ගෙන පාර්ලිමේන්තුවක් තමයි මට උවමනා වෙන්නේ. ඒක නිසා මගේ අරමුණ එතනයි තියෙන්නේ.

ඒ අරමුණ ඉෂ්ට කර ගන්නයි මම කටයුතු කරන්නේ. ඉන් මෙහා මගේ ආපසු හැරීමක් නැහැ. මම සියලූ දේවල් පූජා කරලා ආපු කෙනෙක් විදිහටයි නොවැම්බර් 21 එළියට බැස්සේ. ඒ විදිහට මහ මුහුදේ මහා සාගරයේ දරු පවුලත් එක්ක මහ මුහුදට පැන්නා වගේ දෙයක් මම කළේ. මම මේ මාස 06 ආණ්ඩුව අරගෙන ආවේ හරියට ටයිටැනික් නැව වගේ. ටයිටැනික් ගිලූනා. හැබැයි මම ගිලෙන්න දුන්නේ නැහැ. මම ගිලෙන්න දුන්නේ නෑ. ආණ්ඩුව ගිලෙන්න එන කොට අගමැතිතුමාට ගෙනාපු විශ්වාස භංගෙ අල්ලලා මම පාර්ලිමේන්තුව විසිරෙව්වා. ඒ අගමැතිතුමාට විශ්වාසභංග යෝජනාවේ යටි අරමුණ වෙලා තිබුණේ ප්‍රධාන වශයෙන් විශ්වාසභංග යෝජනාව පාර්ලිමේන්තුවට ගන්න දින තීන්දු වුණා නම් සන්ධානයේ ජාතික ලැයිස්තුවෙන් කෙනෙක් ඉල්ලා අස් වෙලා ඒ වෙනුවට මහින්ද රාජපක්ෂ මහත්මයා පාර්ලිමේන්තුවට ඇවිල්ලා විශ්වාසභංග යෝජනාවෙන් රනිල් වික්‍රමසිංහ මහත්මයාව පරාජය කරළා ඒ ගොල්ලෝ ආණ්ඩුවක් හදන්නයි ඒ ගොල්ලන්ගේ සැලැස්ම තිබුණේ. මම ඒවත් පරාජය කෙරුවා. මම ඒකයි කිව්වේ මේ 225 න් 47 ක් එක්ක ආණ්ඩුවක් අරගෙන ආපු හැටි.

මැතිවරණ ප්‍රකාශනයේ කරුණු ඉෂ්ට කරපු හැටි. ව්‍යවස්ථාව වෙනස් කරපු හැටි. යෝජනා සම්මත කරපු හැටි. ඒ තුළින් ජනතාවට සහන දුන්නු හැටි. මේවත් එක්ක පක්ෂයේ අර්බුද වලට මම මුහුණ දුන්න හැටි, මේ සියල්ල කළේ ජනවාරි 8 ජයග්‍රහණය තහවුරු කරන්න. බොහෝම පිරිසිදුව. අවංකව. ඒකයි මගේ අධිෂ්ඨානය. පරමාර්ථය. ඒක නිසා මේ තත්ත්වය බොහෝම ප්‍රවේශමෙන් විග්‍රහ කරන අය විග්‍රහ කරනවා. විවේචන බොහෝම පහසුයි. විවේචනයට මම ජයවේවා කියලා කියනවා. ඒ ගැන මගේ කිසි ප්‍රශ්ණයක් නැහැ. නිදහස් රටක ප්‍රජාතන්ත්‍රවාදී රටක විවේචන ඉතා අවශ්‍යයයි. නිදහස් මාධ්‍ය ඉතා අවශ්‍යයයි. ඒක මම හැමවෙලාවෙම සහතික කරනවා.

19 වැනි ආණ්ඩුක්‍රම ව්‍යවස්ථාට ඇතුළත් කරන්න ගිය මාධ්‍ය පිළිබඳව ඡේදය අයින් කෙරුවේ මමයි. ඒ නිසා මම මගේ වගකීම් මෙතෙක් ඉෂ්ට කරලා තියෙනවා. ඉදිරියටත් මම ඒ විදිහට ඉෂ්ට කරනවා. ඉදිරි මැතිවරණ ව්‍යාපාරය තුළ බොහෝම පැහැදිලිව මම කියන්නට ඕනැ මහින්ද රාජපක්ෂ මහත්තයත් එක්ක මගේ ගණුදෙනුවක් නැහැ. මහින්ද රාජපක්ෂ මහත්තයට ජනවාරි 8 වෙනිදාට කලින් මගේ තිබ්බ විරෝධය අදත් එහෙමමයි. මහින්ද රාජපක්ෂ මහත්මයා නායකයා විදිහට ජනාධිපතිවරයා විදිහට ඉන්න කාලේ කිසිකෙනෙකුට ජනාධිපති වෙන්න ඉඩ නොදී ජනාධිපති ධූරයට තරග කරන වාර ගාණ අයින් කර ගත්තා. එතකොට එයාට සදාකාලිකව ජීවත්ව ඉන්නකම් තරග කරන්න පුළුවන්. සීමිත නැහැ. එතකොට දැන් මේ මොකද කරන්න හදන්නේ. මේ පක්ෂයේ අගමැති විදිහට සුදුසුකම් තියෙන අනික් ජ්‍යෙෂ්ටයින්ට තියෙන අවස්ථාව. දැන් ඒකත් නැති කරලා එතන්ට එන්න තමයි එයා ඉලක්ක කරන්නේ. මම බොහෝම පැහැදිලිව කියන්නට ඕනැ මම මේ මැතිවරණ ව්‍යාපාරය තුළ බොහෝම පැහැදිලි මැදිහත් පිළිවෙතකයි මම ඉන්නේ. ඒක නිසා ඉදිරි මැතිවරණ ව්‍යාපාරය නිදහස් ප්‍රජාතන්ත්‍රවාදී සාධාරණ මැතිවරණයක් මේ රටේ පවත්වන්න මම මැතිවරණ කොමසාරිස්තුමාට සහයෝගය දෙනවා.
ආරක්ෂක අංශවලට සහයෝගය දෙනවා නිදහස් සහ සාධාරණ මැතිවරණයක් පවත්වන්න.

ඉදිරි මහ මැතිවරණයෙන් පස්සේ ජනවාරි 08 වෙනිදා ලබපු ජයග්‍රහණය ඉදිරියට ගෙනිහිල්ලා අවුරුදු 05 කට ජනතාවට දුන්නු පොරොන්දු ඉටු කරන්න. අවුරුදු පහ යනකොට ඒ සහතිකය ජනතාවගෙන් හම්බ වෙයි. මමපිළිබඳව කතා කරන අය නොයෙකුත් චෝදනා, දෝෂාරෝපණ, චෝදනා පත්‍ර මේවා බොහෝ නුදුරු අනාගතයේ මම දන්නා ඒවා පහ වෙලා යාවි. අවුරුදු 49 ක මගේ දේශපාලන අත්දැකීම් එක්ක මම බොහෝම සතුටින් ඒවාට මුහුණ දෙනවා.

මේ රටේ කිසිම රාජ්‍ය නායකයෙකුට ගහපු නැති ආකාරයට පහුගිය දිනවල ගහපු ගැහිල්ල ගැන මම සතුටු වෙන්නේ ප්‍රජාතන්ත්‍රවාදයේ මල් පිපෙන හැටි, ප්‍රජාතන්ත්‍රවාදයේ දෝරේ ගලා යන හැටි, එහි ප්‍රතිඵල ලබා ගන්නා හැටි, මම බොහෝම ගෞරවයෙන් කියන්නේ මම ලබා දුන් නිදහස, ලබා දුන් ප්‍රජාතන්ත්‍රවාදය මේක වල් බූරු නිදහසක් කරගෙන විනාශ කර ගන්න එපා. භුක්ති විඳින්න කියන ඉල්ලීම මම කරනවා.

එහි වීඩියෝව පහතින්.....



Make a Comment
Make a Comment..

Share
Share to Facebook Share to Facebook Share to Facebook Share to Facebook

Follow Us
facebook
twitter
youtube
32ins
32ins

මෙන්න බලන්න තවත් ගොසිප්








Recent Gossip Post



akurata yana welawe
Follow Us

facebook
twitter
youtube
32ins
32ins



Dura Penena Thanithala - Senior Choir Gateway College Colombo
Dura Penena Thanithala
Senior Choir Gateway College Colombo
⤵  306 Downloads

Hiru Shraddhabhi Wandana Theme Song 2020 - Yaham Hettiarachchi
Hiru Shraddhabhi Wandana Theme Song 2020
Yaham Hettiarachchi
⤵  835 Downloads

Dawasak Thiyewi - Rana with AURA
Dawasak Thiyewi
Rana with AURA
⤵  586 Downloads

Lowama Ekalu Kala Deshayak - Fredy Alex Silva
Lowama Ekalu Kala Deshayak
Fredy Alex Silva
⤵  1,501 Downloads

Gedarata Wela Inna - Seeduwwa Sakura
Gedarata Wela Inna
Seeduwwa Sakura
⤵  1,309 Downloads

Hemin Sare Aa Sulangak  - Sanka Dineth
Hemin Sare Aa Sulangak
Sanka Dineth
⤵  2,116 Downloads

Mahapolovata Nivaduwak - Warsha Vihangi Samaranayaka
Mahapolovata Nivaduwak
Warsha Vihangi Samaranayaka
⤵  7,795 Downloads

Guru Geethaya - Bhanuka G Senarath
Guru Geethaya
Bhanuka G Senarath
⤵  4,106 Downloads

Thanikada Ahase - Bhanuka G Senarath
Thanikada Ahase
Bhanuka G Senarath
⤵  1,954 Downloads

Awasan Haduwa - Pawan Minon
Awasan Haduwa
Pawan Minon
⤵  38,065 Downloads



Copyright © Lotus Technologies (Private) Limited. All Rights Reserved.
Top