මිනිස් ජීවිත රැසක් බිලිගත් LTTE කොටි සංවිධානයේ කෲරත්වය දැක්වෙන ඇඟ කිළිපොලා යන වීඩියෝවක් අන්තර්ජාලයට - Video & Photos - LTTE Video - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Feb

මිනිස් ජීවිත රැසක් බිලිගත් LTTE කොටි සංවිධානයේ කෲරත්වය දැක්වෙන ඇඟ කිළිපොලා යන වීඩියෝවක් අන්තර්ජාලයට - Video & Photos

8 Views

නූතන පරපුරේ තරුණ තරුණියන් දැක බලා ගත යුතු වීඩියෝවක්

1975 වසරේ ජුලි 27 වැනිදා එවකට යාපනයේ නගරාධිපතිවරයා වූ ඇල්ෆ්‍රඩ් දොරෙයප්පා ඝාතනය කිරීමත් සමග LTTE සංවිධානය මෙරට බෙදුම්වාදී අරගල ඇති කරමින් යුද්ධයකට අවතීරණ වුණා.

එතැන් පටන් වසර 30 කට වැඩි කාලයක් මෙරට සිංහල, දෙමළ, මුස්ලිම්, බර්ගර් ඇතුළු සියලු ජාතීන්ට බියෙන් සැකෙන් තොරව ජීවත් වීමට වරම් ලැබුණේ නැහැ.

එම යුද ගිනිදැල් රට පුරා ඇවිලී ගියේ රාජ්‍ය නායකයින්, රණවිරුවන් සහ සිවිල් වැසියන් ඇතුළු විශාල පිරිසකගේ දිවි අහිමි කරමින්.

මහනුවර ශ්‍රී දළදා මාළිගාව, ජයශ්‍රී මහා බෝමළුව, කාන්තන්කුඩි පල්ලිය මෙන්ම මහ බැංකු ගොඩනැගිල්ල කොළඹ තෙල් ගබඩා සංකීර්ණය ඇතුළු මෙරට ආර්ථික මර්මස්ථාන රැසකටද යුද්ධයේ අමිහිරි අත්දැකීම් වලට මුහුණ දීමට සිදුවුණා.

නමුත්, LTTE නායක වේලුපිල්ලේ ප්‍රභාකරන්ගේ ඊලාම් සිහිනය වෙනස් මාවතකට යොමුවන්නේ 2006 වසරේ ජුනි මස 21 වැනි දින මාවිල්ආරු සොරොව්ව වසා දමා දැමීමත් සමගයි.

ඊට එරෙහිව මෙරට යුද, ගුවන්, නාවික, පොලිස් සහ සිවිල් ආරක්ෂක ඇතුළු ආරක්ෂක අංශ සිවිල් ජනතාව වෙනුවෙන් මානුෂීය මෙහෙයුමක් අරඹන්නේ නොපසුබස්නා උත්සාහයක් ඇතිවයි.

එහි ප්‍රතිඵලයක් ලෙස 2007 වසරේදී නැගෙනහිර පළාත මුළුමණින්ම ත්‍රස්තවාදීන්ගෙන් මුදා ගැනීමට හැකිවුණා.

ඉන් නොනැවතුණු ආරක්ෂක අංශ ත්‍රස්වාදීන්ගේ පාලනයට නතුව තිබූ සියලු ප්‍ර දේශ යළි අත්පත් කර ගැනීමේ අරමුණ ඇතිව එම මෙහෙයුම් දියත් කළේ පෙරමුණු කිහිපයක් ඔස්සේයි.

එහි කූඨප්‍රාප්තිය එළඹියේ 2009 වසරේ මැයි මස 18 වැනිදාඑනම් අද වැනි දිනක ත්‍රස්තවාදීන් සතුව පැවති අවසන් බිම්කඩ වූ වෙල්ලමුල්ලි වයික්කාල් මුදා ගනිමින්.

එහිදී රාජ්‍ය නායකයින්, දේශපාලනඥයින්, විද්වතුන් ඇතුළු සිංහල, දෙමළ, මුස්ලිම් ජනතාව මරා දමමින් වසර 30 ක් තිස්සේ කුරිරු ත්‍රස්තවාදයක නියැලි වේලුපිල්ලේ ප්‍රභාකරන් මරා දැමීමට රණවරුවන්ට හැකියාව ලැබුණා.

මේ අතර LTTE කොටි සංවිධානයේ කෲරත්වය දැක්වෙන මෙතෙක් නොදුටු සත්‍ය දර්ශන රැගත් වීඩියෝ වාර්තා වැඩසටහනක් අන්තර්ජාලයට මුදා හැර ති‌බෙනවා..

ලෝකයේ වර්තමාන පරපුර නොදත් නොදුටු මිලේච්ඡ ත්‍රස්තවාදයේ සැබෑ මුහුණුවර එමගින් ලෝකයට හෙළිදරව් වනවා.

මේ සියලු දර්ශන කොටි සංවිධානය සතුව තිබී හමුවී තිබෙනවා.

මානව හිමිකම් උල්ලංඝනය කල බවට චෝදනා කරන බටහිර ලෝකයට ඇඩෙලා බාලසිංහම් නමැති බටහිර කාන්තාව ශ්‍රී ලංකාවේ උතුරේදී කුඩා දරුවන්ගේ ගෙලෙහි සයනයිඩ් කරල් පළඳවන අන්දමද මෙහි දර්ශනය වනවා.

මින් පෙර නොදුටු දර්ශන ඇතුළත් වීඩියෝව පහතින් බලන්න