985 Views
පසුගියදා පැවැත්වුණු ඇයගේ විවාහයට පෙර චාරිත්ර වාරිත්ර රැසක් අතරින් මෙහෙන්දි සහ කහ ගෑමේ චාරිත්ර උත්සවය කාගේත් කතාබහට ලක්වුණා.
මේ සුන්දර උත්සවයේ අපූරු ඡායාරූප පෙළක් ඇයගේ වැඩිමහල් සහෝදරිය වන දිනක්ෂි ප්රියසාද් විසින් ඇයගේ නිල මුහුණු පොතට මුදාහැර තිබුණා. එම ඡායාරූප දුටු කාගේත් නෙත් සිත් ඇදබැඳ තබාගන්නට සමත් වූයේ එහි තිබූ අසිරිමත් ලස්සන නිසයි.
"චාරිත්ර කරන්න ඔවුන් එම ස්ථානය සරසා තිබුණේ හරිම අපූරු සහ ආකර්ෂණීය විදිහටයි. සාම්ප්රදායික මෙන්ම නවීන පන්නයේ මල් සහ වර්ණ සංකලනයන්ගෙන් මුළු පරිසරයම එකම මල් යායක් වගේ දිස්වුණා."
දිනක්ෂි බෙදාහදාගත් ඡායාරූපවලින් පෙනී යන්නේ පවුලේ හිතවතුන් සහ සමීපතමයින් පිරිසක් මැද ඉතාමත් චාම්, එහෙත් අතිශය සුඛෝපභෝගී අයුරින් මේ කහ ගෑමේ සහ මෙහෙන්දි උත්සවය පවත්වා ඇති බවයි. කහ පැහැති සහ විවිධ වර්ණවත් ඇඳුම්වලින් සැරසුණු පිරිස මනාලිය වන ශනුද්රිට ආශිර්වාද කරමින් සතුටු වන අයුරු එහි මනාව සටහන් වී තිබුණා.
විශේෂයෙන්ම, සහෝදරියන් තිදෙනාගේ ඇති ලෙන්ගතුකම සහ ආදරය මේ පින්තූර දකින ඕනෑම කෙනෙකුගේ හදවතට දැනෙන බව රසිකයින් පවසනවා. සමාජ මාධ්ය පරිශීලකයින් රැසක් මේ ඡායාරූපවලට සුභ පැතුම් එක්කරමින් පවසා තිබුණේ, "ඇත්තටම පුදුම ලස්සනක් තියෙන්නේ, හරියට සුරංගනා කතාවක් වගේ" කියලයි.
