12 Views
අභය භූමිය ආශ්රීතව සිදුවන බව කියන වනාන්තර හෙලිපෙහෙළි කිරීම සම්බන්ධයෙන් වහාම සොයා බලන ලෙස ජනාධිපතිවරයා පරිසර අමාත්යාංශයේ ලේකම්වරයා වෙත ඊයේ (09) උපදෙස් ලබා දුන් බව ජනාධිපති මාධ්ය අංශය සඳහන් කළා.
විල්පත්තු අභය භූමියේ ස්වාරක්ෂණ කලාපය හෙළිපෙහෙළි කර ජනාවාස තැනීමේ වෑයමක් පිළිබඳව හිරු සී.අයි.ඒ තුළින් පසුගිය දින කිහිපය පුරාවටම අනාවරණය කළේ එහි ගොස් සිදුකරන ලද නිරීක්ෂණවලට අනුවයි.
සමාජජාලා වෙබ් අඩවි හරහා දැඩි විරෝධතාවයන් ද දියත් වූයේ හිරු සී.අයි.ඒ සිදුකරන ලද අනාවරණය වීම ද විශේෂත්වයක්. හිරු සී.අයි.ඒ මගින් ඇති කළ සංවාදය පදනම් කරගෙන ජනාධිපතිවරයා ද ඒ පිළිබඳව මේ වනවිට ක්රියාත්මක වී තිබෙනවා.
පසුගිය වසරේ මාර්තු මස 20 වන දින සිට තම සංවිධානය විසින් අවස්ථා රැසකදී මේ පිළිබඳව කරුණු හෙළිදරව් කළ බවයි බොදු බල සේනා සංවිධානයේ ප්රධාන විධායක නිලධාරි ඩිලන්ත විතානගේ සඳහන් කළේ. හිටපු ජනාධිපති මහින්ද රාජපක්ෂට ද මේ පිළිබඳව නිල වශයෙන් පැමිණිලි කළ නමුත් කිසිදු පියවරක් නොගත් බවයි ඔහු කියා සිටියේ.
අභය භූමියේ සිදුවන වන විනාශයට අමතරව නිවාස ඉදිකිරීම් හා පදිංචි කිරීම් පිළිබඳව සැබෑ සත්යය සොයා අදාළ පුද්ගලයා නීතියේ රැහැනට ගෙන එන බවට තමන්ගේ විශ්වාසය බවයි බොදුබල සේනා සංවිධානයේ විධායක නිලධාරි ඩිලන්ත විතානගේ සඳහන් කළේ.
ජනතා විමුක්ති පෙරමුණ ද ඊයේ (09) විල්පත්තු අභය භූමියේ සිදුවන බව කියන වනාන්තර හෙළි පෙහෙළි කිරීම් පිළිබඳව සොයා බැලීම සඳහා නිරීක්ෂණ චාරිකාවක නියැලූණා. එම සංචාරයට ජනතා විමුක්ති පෙරමුණේ බස්නාහිර පළාත් සභා මන්ත්රී ලාල්කාන්ත, එමෙන්ම පළාත් සභා මන්ත්රී නීතීඥ සුනිල් වටගල ද එක්ව තිබෙනවා. ඔවුන් අභය භූමිය අවට සිදුවන වනාන්තර එළි පෙහෙළි කිරීම් සහ නිවාස ඉදිකිරීම් සම්බන්ධයෙන් ද නිරීක්ෂණ සිදුකළ බවයි අප වාර්තාකරු සඳහන් කළේ.
මේ සම්බන්ධයෙන් හිරු ටී.වී.ඔස්සේ විකාශයවූ වීඩියෝව පහතින් නරඹන්න.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
