අදින් ඇරඹෙන සෙංකඩගල ඇසළ මංගල්‍යය... පෙරහැර බලන්න හොඳම තැන් ටික මෙන්න. - Social Story - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Aug

අදින් ඇරඹෙන සෙංකඩගල ඇසළ මංගල්‍යය... පෙරහැර බලන්න හොඳම තැන් ටික මෙන්න.

166 Views

බොහෝ දෙනෙක් නොඉවසිල්ලෙන් බලාගෙන හිටපු මහනුවර ඇසළ පෙරහැර මංගල්‍යයේ පළමු කුඹල් පෙරහර අද (18) රාත්‍රියේ වීදි සංචාරය කිරීමට සියලු කටයුතු සූදානම් කර තිබෙනවා.

නුවර ගිහින් පෙරහැර බලන්න ප්ලෑන් කරන අයට අද රෑ 6.52 ට යෙදෙන සුබ මොහොතින් තමයි පෙරහැර පිටත් වෙන්නේ.

පෙරහර ගමන් කරන මාර්ගය ගැන කලින්ම දැනගෙන ඉන්න එක ලේසියි. අද පෙරහර ගමන් කරන්නේ:

දළඳා වීදිය
කොළඹ වීදිය
යටිනුවර වීදිය
රජ වීදිය

යන වීදි ඔස්සේයි. මේ වීදි දිගේ ගමන් කරන පෙරහර අවසානයේ යළිත් දළදා මාලිගාවට පිවිසීමට නියමිතයි. ඉතින් පෙරහැර බලන්න තැනක් අල්ලගන්නවා නම් මේ වීදි ගැන විශේෂයෙන් අවධානයෙන් ඉන්න.

මේ අතරේ පෙරහැර බලන්න යන අයට වගේම නුවර හරහා ගමන් කරන අයටත් විශේෂ පණිවිඩයක් තියෙනවා. අද ඉඳලා නුවර නගරය කේන්ද්‍ර කරගෙන විශේෂ රථවාහන සැලැස්මක් සහ දැඩි ආරක්ෂක වැඩපිළිවෙළක් ක්‍රියාත්මකයි.

පොලිස් මාධ්‍ය ප්‍රකාශක, සහකාර පොලිස් අධිකාරි එෆ්.යූ. වුට්ලර් මහතා ඊයේ (17) කොළඹ පැවති ප්‍රවෘත්ති සාකච්ඡාවකදී අනාවරණය කළේ, මෙවර පෙරහරේ ආරක්ෂාව සඳහා පොලිස් නිලධාරීන් ඇතුළු ආරක්ෂක අංශ සාමාජිකයින් 8,000කට ආසන්න දැවැන්ත පිරිසක් යොදවා ඇති බවයි.

ඒ නිසා අද නුවර යනවා නම් වාහන තදබදය ගැන සැලකිලිමත් වෙනවා වගේම, උපරිම ආරක්ෂාවක් මැද නිදහසේ පෙරහැර නරඹන්නත් ඔබට අවස්ථාව ලැබෙනවා!