නමුත් අද වන විට එය ඇගේ වෘත්තියට වඩා ඇගේ ආත්මය බවට පත්වෙලා. රෝගීන්ගේ වේදනාව හඳුනන, ඔවුන්ට සහනයක් වෙන්න උත්සාහ කරන ඇය, තමන්ගේ කාර්යබහුල වෛද්ය ජීවිතය ඇතුළේ තවත් සුන්දර ලෝකයක් නිර්මාණය කරගෙන තිබෙනවා.
නිදහස් වෙලාවට ගායනයෙන් සහ නර්තනයෙන් තමන්ගේ හැඟීම් ප්රකාශ කරන ඇය, නෙට්බෝල් ක්රීඩාව හරහා ඉගෙන ගත් කණ්ඩායම් හැඟීම සහ විනය සිය වෘත්තිය සාර්ථක කර ගැනීමට යොදා ගන්නවා.
වෛද්යවරියක් ලෙස රෝහලට පමණක් සීමා නොවී, අඩු පහසුකම් සහිත දරුවන්ට උදව් කරන්නත්, ගංවතුර වැනි විපත්වලදී ජනතාව අතරට යන්නත් ඇය දෙපාරක් හිතන්නේ නැහැ.
ඇය සතු මේ මානුෂීය ගුණාංග සහ පෞරුෂය නිසාම, ඇය රූපලාවන්ය ක්ෂේත්රය තුළත් නොමැකෙන සටහනක් තබා තිබෙනවා.
ඒ අනුව, ඇය මෑතකදී ශ්රී ලංකාව නියෝජනය කරමින් සහභාගී වූ රූ රැජින තරගාවලියක් (Pageant) ජයග්රහණය කරමින් ලක් මවට කීර්තියක් අත්කර දීමට සමත් වුණා. වෛද්ය වෘත්තිය තුළින් රෝගී හදවත් සුවපත් කරන අතරම, තම රූ සපුවෙන් සහ බුද්ධියෙන් ලංකාවේ නාමය ජාත්යන්තරයට ගෙන යාමට ඇය සමත් වීම සැබැවින්ම අගය කළ යුතුයි.
තමන්ගේ සීමාවන් තමන්ම තීරණය නොකර, ඕනෑම ඉලක්කයකට යන්න පුළුවන් බව ඇයට කියා දුන්නේ ඇගේ ආදරණීය මවයි. ඒ නිහතමානීකම සහ කැපවීම නිසාම දේවීනා අද ක්ෂේත්ර කිහිපයකින්ම දක්ෂතා පෙන්වන අසමසම චරිතයක් වී හමාරයි.
බැලූ බැල්මට ඇය සාමාන්ය වෛද්යවරියක් ලෙස පෙනුණත්, ඇය කරන මේ මානුෂීය මෙහෙවර සහ ජාත්යන්තරය දිනූ රූප සපුව නිසා ඇය දැන් සැබෑවටම කිරුළක් පැළඳූ දේවියක හා සමානයි.
