හිරු නිසා සැබෑ වුණු ධනුෂ්කගේ සිහිනය.. මැලේසියාවේ තියෙන මැරතන් තරගයට ධනුෂ්ක ප්‍රදීප් අද පිටත්වුණා.. - Dhanushka Pradeep - Hiru - Hiru Gossip, Lanka Gossip News | Hirugossip | Hiru Gossip | Hiru Fm Gossip | Hiru Gossip Official Web Site | Lanka Gossip

Feb

හිරු නිසා සැබෑ වුණු ධනුෂ්කගේ සිහිනය.. මැලේසියාවේ තියෙන මැරතන් තරගයට ධනුෂ්ක ප්‍රදීප් අද පිටත්වුණා..

6 Views

සිහිනවලට පණ දෙන්නට වෙරදරන දක්ෂයින්ට කවදත් සිහින යථාර්ථයක් කර ගැනීමට ශක්තිය ලබා දුන් හිරු මාධ්‍ය ජාලයේ අනුග්‍රහක ශක්තියෙන් ධනුෂ්ක ප්‍රදීප් අද (27) උදෑසන මලයාසියාව බලා පිටත්ව ගියා.
ඒ, මලයාසියාවේ පැවැත්වීමට නියමිත ජාත්‍යන්තර මැරතන් තරගයට සහභාගි වීම සඳහායි.

ධනුෂ්ක ප්‍රදීප් පෙරේරා ගැන හිරු ප්‍රවෘත්ති තුළින් රටටම අනාවරණය කළේ පසුගිය 13 වැනිදායි.

වැලිවේරිය, කිතුලකන්දගම ග්‍රාමයේ ඉතා දිළිඳු පවුලක දිවි ගෙවන ධනුෂ්කට මලයාසියානු මැරතන් තරඟාවලියට සහභාගිවීම අවිනිශ්චිත තත්ත්වයක පසු වෙද්දී, “හිත ඇත්තම් පත කුඩා ද“ යන කියමන පසක් කරමින් ධනුෂ්ක ටිකට් පතක් මුද්‍රණය කර අලෙවි කරමින් එම මුදල් සොයා ගැනීම ආරම්භ කර තිබෙන අයුරු එහිදී අප පෙන්වා දුන්නා.

ඒ අනුව සිය පදක්කම් සහ සහතික පත් කරපින්නාගෙන මාර්ගයේ ගමන් කරමින් යාචකයකු සේ මුදල් සෙවීමට මෙම තරුණයාට සිදු වුණා.

නිකරුණේ කාසි කොළ කාබාසිනියා කරමින් මෙරට ක්‍රීඩාව කරවන ඇත්තන් සකසන ක්‍රීඩා සැලසුම්වල ධනුෂ්ක වැනි රට දිනවන්නට පෙරට එන ක්‍රීඩක ක්‍රීඩිකාවන් වෙනුවෙන් පුංචි ඉඩක් හෝ වෙන්ව නොතිබෙන පසුබිමක ඔහුට අවැසි ගුවන් ප්‍රවේශ පත්‍රය, මැරතන් පාවහන් ඇතුළු ඊට අදාළ වියදම් සඳහා වන අනුග්‍රහකත්වය හිරු මාධ්‍ය ජාලයේ සභාපති රේනෝ සිල්වා මහතා ලබා දීමට ඊයේ කටයුතු කළා.

සිහිනවලට පණ දෙන්නට වෙරදරන මෙරට සුවහසක් වූ ජනතාව වෙනුවෙන් කවදත් ඒ සිහින සැබෑ කරන හිරු මාධ්‍ය ජාලය ධනුෂ්කගේ සිහිනය සැබෑවක් කරද්දී, ශ්‍රී ලංකා මාතාව ජාත්‍යන්තරයේ බබලවන්නට අවැසි ශක්තිය ඔහුට ලැබේවා යන්න හිරුගේ ප්‍රාර්ථනයයි.