8 Views
තිදෙනෙකු මිය ගිය දඹදිව වන්දනා ගමන සංවිධාන කර තිබූ නියෝජිත ආයතනය සියලුම නියෝග සහ චක්රලේඛ කඩ කරමින් මෙම චාරිකාව ගොස් ඇති බවට අනාවරණ වී ඇතැයි බුද්ධ ශාසන අමාත්යාංශය පවසනවා.
එහි ප්රකාශකයෙකු හිරු ප්රවෘත්ති අංශයට සදහන් කළේ මාර්තු මාසයේ දඹදිව වන්දනා කිරීම සඳහා සුදුසු නොවන බවට මීට පෙර සිටම සියලුම වන්දනා නඩ සංවිධායක ආයතන වෙත දැනුම් දී තිබූ බවයි.
මාර්තු මාසයේදී ඉන්දියාවේ කාලගුණ තත්ත්වයේ වෙනස්වීම් සිදුවන නිසා දඹදිව වන්දනා නොකරන ලෙසටයි එම ආයතන වෙත දැනුම් දී ඇත්තේ.
මේ අතර, දඹදිව වන්දනා සංවිධාන කරන ආයතන නියාමනය කිරීමක් සිදුකළ යුතු බව විදේශ කටයුතු අමාත්යාංශය පවසනවා.
මේ අතර, දඹදිව වන්දනා සංවිධාන කරන ආයතන නියාමනය කිරීමක් සිදුකළ යුතු බව විදේශ කටයුතු අමාත්යාංශය පවසනවා.
එහි කන්සියුලර් අංශය සඳහන් කළේ මේ වන විටත් සිද්ධිය සම්බන්ධයෙන් සොයා බැලීම සඳහා නවදිල්ලි නුවර පිහිටි ශ්රී ලංකා මහකොමසාරිස් කාර්යාලය වෙත දැනුම් දී ඇති බවයි.
මිය ගිය වන්දනාකරුවන් 3 දෙනාගේ මරණවලට හේතුව හෘදයාබාධ බවට ද සිදුකළ පශ්චාත් මරණ පරීක්ෂණවලදී අනාවරණ වී තිබෙනවා.
දඹදිව වන්දනාවේ ගොස් සිටියදී හදිසියේ මියගිය ශ්රී ලාංකික වන්දනාකරුවන් තුන්දෙනෙකුගේ මළ සිරුරු මේ වන විට දිවයිනට රැගෙන විත් තිබෙනවා.
පොලීසිය සඳහන් කළේ ඊයේ දිනයේ මළ සිරුරු දෙකක් සහ පසුගිය 23 වනදා තවත් මළ සිරුරක් කටුනායක ගුවන් තොටුපල වෙත රැගෙන ආ බවයි.
මොවුන් සියලුදෙනා එකම වන්දනා නඩයක පිරිසක් බවයි අනාවරණ වී ඇත්තේ.
කෑගල්ල ප්රදේශයේ වන්දනා සංවිධායක ආයතනයක් මගින් මෙම පිරිස ඉන්දියාව බලා පිටත්ව ගොස් ඇත්තේ පසුගිය 13 වනදායි.
එලෙස වන්දනාවේ ගොස් සිටියදී කුරුණෑගල - දඹරගොල්ල ප්රදේශයේ 63 හැවිරිදි කාන්තාවක් මිය ගියේ පසුගිය 20 වනදායි.
මරණ පරීක්ෂණයේදී හෙළිවී ඇත්තේ ඇයගේ මරණයට හේතුව හෘදයාබාධයක් බවයි.
අදාළ කාන්තාවගේ මළ සිරුර දිවයිනට ගෙන ඒමට වන්දනා සංවිධායකයින් ඇයගේ ඥාතීන්ගෙන් රුපියල් ලක්ෂ තුනකට ආසන්න මුදලක් ලබාගෙන ඇති බව සඳහන්.
අදාළ මුදල බැරකිරීමෙන් අනතුරුව පසුගිය 23 වනදා ඇයගේ සිරුර දිවයිනට රැගෙන ආ බව මියගිය කාන්තාවගේ ඥාතියෙකු සඳහන් කළා.
එම වන්දනා නඩයේම තවත් කාන්තාවක් මියගොස් ඇත්තේ පසුගිය 22 වනදායි. ඇයද කුරුණෑගල ප්රදේශයේම පදිංචි කාන්තාවක්.
එදිනම මාතර - වලස්මුල්ල ප්රදේශයේ පදිංචිව සිටි 65 හැවිරිදි අවිවාහක පුද්ගලයෙකුද ජීවිතක්ෂයට පත්ව තිබෙනවා.
ඔවුන්ගේ මෘතශරීර ඊයේ පස්වරුවේ දිවයිනට රැගෙන ආ බව හිරු ගුවන් තොටුපල වාර්තාකරු සඳහන් කළා.
එම මෘත ශරීර දිවයිනට ගෙන ආ අවස්ථවේදී මියගිය පුද්ගලයින්ගේ ඥාතීන් ද ගුවන් තොටුපල වෙත පැමිණ සිටියා.
මේ අතර, දඹදිව වන්දනාකරුවන්ගේ සංගමය සඳහන් කළේ මෙවැනි අවස්ථාවක මිය ගිය පුද්ගලයන්ගේ දේහයන් ගෙන්වා ගැනීම සඳහා විශේෂ වැඩපිළිවෙලක් ඉදිරියේදී ක්රියාත්මක කරන බවයි.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
