ඔවුන් පදිංචිව සිටි නිවස අධිකරණ නියෝග මත ඉවත් කරලා....
ඉවත් කරන ලද ගෘහ භාණ්ඩ තාවකාලික කූඩාරමක තැන්පත් කරලා
ආරච්චිකට්ටුව - මානාවේරිය ප්රදේශයේ සොහොන් බිමක ඉදිකර තිබූ නිවසක් අධිකරණ නියෝග මත ඉවත් කිරීමට යාමේදී උණුසුම් තත්ත්වයක් ඇති වුණා.
29 වැනිදා දහවල් හලාවත මහේස්ත්රාත් අධිකරණයේ රෙජිස්ටාර් සහ නියෝජ්ය පිස්කල් රේණුකා ප්රේමවර්ධන මෙනවිය ඇතුළු අධිකරණ නිලධාරීන් නිවස ඉදිකර තිබූ ස්ථානයට පැමිණීමෙන් පසුව මෙම උණුසුම් තත්ත්වය ඇති වූ බවයි අප වාර්තාකරු පැවසුවේ.
මානාවේරිය පොදු සුසාන භූමියේ කොටසක ඩබ්ලිව්.නෙවිල් සුසන්ත යන අය නිවසක් තනාගෙන තම දරු පවුල සමග පදිංචිවී සිටියා. ඔහුට එරෙහිව ආරච්චිකට්ටුව ප්රදේශීය ලේකම්වරයා විසින් හලාවත මහේස්ත්රාත් අධිකරණය හමුවේ නඩුවක් ගොණු කර ඇති අතර එම නඩුව විභාග කිරීමෙන් අනතුරුව නෙරපීමේ ඇස්කිසී නියෝගය මහේස්ත්රාත්වරයා විසින් 2013 වර්ෂයේදී නිකුත් කර තිබුණා.