බස්නැවතුමේ දෙකට නමා තිබූ සිරුර ඇති බෑගය හොයාගත්තේ වෙන බෑග් එකක් හොයනගමන් - Update - Death Body In Bag Colombo Bus Stand Update 2 - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Jul

බස්නැවතුමේ දෙකට නමා තිබූ සිරුර ඇති බෑගය හොයාගත්තේ වෙන බෑග් එකක් හොයනගමන් - Update

25 Views

කාන්තාවගේ බෙල්ලේ රන් මාලයක් පෙන්ඩනයක ඕම් සළකුණක්
නාසයෙන් ලේත් ගලලා

පිටකොටුව - බැස්ටියන් මාවත - පෞද්ගලික බස් නැවතුම්පොලේ ගමන් බෑගයක තිබී සොයාගත් කාන්තා මළ සිරුර හඳුනාගැනීම සඳහා පොලීසිය මේ වන විට මහජන සහය පතනවා. අදාළ කාන්තාවගේ ඡායරූප කිහිපයක් ද පොලිස් මාධ්‍ය ප්‍රකාශක කාර්යාලය ඊයේ පස්වරුවේ මාධ්‍ය වෙත නිකුත් කළා.

පිටකොටුව - බැස්ටියන් මාවත - පෞද්ගලික බස් නැවතුම්පොලේ අනුරාධපුර නැවතුමේ ගමන් බෑගයක තිබී මෙම කාන්තා මළ සිරුර සොයා ගැනුනේ ඊයේ උදෑසනයි. බස් නැවතුමේ සිටි කාන්තාවකගේ ගමන් බෑගයක් කිසියම් පුද්ගලයෙකු විසින් සොරකම් කර තිබෙනවා.

එම අවස්ථාවේදී මගීන් සහ එහි සිටි වෙළඳුන් එක්ව එම ගමන් බෑගය සෙවීමේදී මෙම හිමිකරුවෙකු නොමැති ගමන් බෑගය හමුවූ බවයි බැස්ටියන් මාවත පෞද්ගලික බස් නැවතුම්පලේ ධාවන කළමනාකරු හෙන්රි ප්‍රනාන්දු සඳහන් කළේ. එමෙන්ම මියගිය කාන්තාවගේ ගෙළෙහි බැඳි රන් පෙන්ඩනයක ඕම් සළකුණද සඳහන් වනවා. එමෙන්ම ඇගේ පාදයෙහි සළඹක්ද තිබූ බවයි පොලිස් ආරංචි මාර්ග කියා සිටියේ.

ගමන් බෑගය හමුවූ අවස්ථාවේ බස්නැවතුම්පොලේ අනුරාධපුර නැවතුම ආසන්නයේ සිටි මගීන්ගෙන් සහ බස් රථ සේවකයන්ගෙන් පොලිසිය ප්‍රශ්න කර තිබෙනවා. එමෙන්ම බැස්ටියන් මාවත, බස් නැවතුම්පොල අවට සවි කර ඇති සී.සී.ටී.වී කැමරා පද්ධතියේ දත්ත පරීක්ෂාවට ලක්කර ඇති නමුත් අදාළ බෑගය තිබූ ස්ථානයේ කැමරා සවිකර නොමැති බවටයි වාර්තාවන්නේ.

මියගිය කාන්තාවගේ අනන්‍යතාව තහවුරු කරගැනීමට මෙතෙක් හැකිවී නොමැති බැවින් පශ්චාත් මරණ පරීක්ෂණය ඊයේ දිනයේදී සිදු නොකිරීමට තීරණය වී තිබෙනවා. මළ සිරුර පිළිබඳ මහේස්ත්‍රාත් පරීක්ෂණය ඊයේ දහවල් සිදු කෙරුණු අතර එහිදී ඇයගේ නාසයෙන් රුධිරය වහනය වී තිබූ අයුරු නිරීක්ෂණය වූ බවයි පොලීසිය ප්‍රකාශ කළේ.

එමෙන්ම ඇය යම්කිසි නිවසක සේවය කළ මෙහෙකාරියක්ද යනවග පිළිබඳව යම් සැකයක් ඇතිබවට පොලිස් ආරංචි මාර්ග වැඩිදුරටත් තොරතුරු වාර්තා කරනවා.

වීඩියෝව පහතින් නරඹන්න...