10 Views
පූඩළුඔය, ඩන්සිනන් වතුයායේදී පුද්ගලයෙකු විසින් තියුණු ආයුධයකින් පහර දී සිය මව සහ සහෝදරිය ඝාතනය කර තිබෙනවා. පොලීසිය පැවසුවේ ඝාතනයෙන් පසු ප්රදේශයෙන් පලාගිය සැකකාර තරුණයා අත්අඩංගුවට ගැනීම සදහා විශේෂ මෙහෙයුමක් ක්රියාත්මක කර ඇති බවයි.
කොත්මලේ, පූඩළුඔය, ඩන්සිනන් වත්ත ප්රදේශයේදී අද අලුයම 3 ට පමණ මෙම ඝාතන සිදුව තිබෙනවා. පොලිස් මාධ්ය ප්රකාශක කාර්යාලය සදහන් කළේ, ඝාතනයට ලක්වූ කාන්තාවන් දෙදෙනාගේ මළසිරුරු නිවස තුළ තිබී අද පෙරවරුවේ සොයා ගත් බවයි.
මෙලෙස ජීවිතක්ෂයට පත්ව ඇත්තේ 58 හැවිරිදි මවක් සහ 28 හැවිරිදි ඇගේ දියණියයි. සැකකාර පුත්රයා, මෙම ඝාතනය සදහා තේ කැපීමට යොදා ගන්නා පිහියක් භාවිත කර ඇති බවට මූලික පරීක්ෂණවලදී අනාවරණය වී තිබෙනවා.
ප්රදේශවාසීන් පවසන්නේ සැකකාර පුත්රයා සහ ඔහුගේ මව අතර නිරන්තරයෙන් ආරවුල් පැවති බවයි. දහවල් නාවලපිටිය දිසා විනිසුරු එල්.කේ. මහින්ද මහතා පැමිණ මහේස්ත්රාත් පරීක්ෂණය සිදු කළා.
මෘත දේහයන් පශ්චාත් මරණ පරීක්ෂණ සදහා නාවලපිටිය රෝහලට රැගෙන ගොස් තිබෙනවා. කෙසේ වෙතත් ඝාතනය සිදු කිරීමෙන් අනතුරුව සැකකාර පුද්ගලයා ප්රදේශයෙන් පලා ගොස් ඇති අතර ඔහු අත්අඩංගුවට ගැනීම සදහා පොලීසිය විශේෂ මෙහෙයුමක් ආරම්භ කර තිබෙනවා.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
