කලා ලෝකයේ කාර්යබහුල වැඩ කටයුතු එක්ක කොච්චර හිරවෙලා හිටියත්, තමන්ගේ පවුල වෙනුවෙන් කාලය වෙන් කරන්න රොෂාන් කවදාවත් අමතක කරන්නේ නෑ.
පසුගිය දිගු සතිඅන්තයේ රොෂාන් ඔහුගේ බිරිඳ කුෂ්ලානි සහ ආදරණීය පුංචි පුතාත් එක්ක සුන්දර නිවාඩුවක් ගත කරන්න ගිහින් තිබුණා. මේ ගමනේදී ගත්තු හරිම ලස්සන, ආදරය පිරුණු ඡායාරූප කිහිපයක් රොෂාන් තමන්ගේ සමාජ මාධ්ය ගිණුම්වලට එකතු කරලා තිබුණේ රසිකයන්ගේ නෙත් සිත් පිනවමින්.
තරු ගුණයක් ආරූඪ කරගන්නේ නැතුව, හරිම සැහැල්ලුවෙන්, නිදහසේ පුංචි පුතා එක්ක සෙල්ලම් කරමින් ගත කරන මේ සුන්දර මොහොතවල් දැක්කම ඕනෑම කෙනෙකුගේ හිතට දැනෙන්නේ පුදුම සතුටක්.
මේ ලස්සන ඡායාරූප පෙළත් එක්කම රොෂාන් තමන්ගේ පවුල් ජීවිතේ සතුට ගැන හරිම අපූරු සටහනකුත් තියලා තිබුණා.
"කාර්යබහුල කාලසටහන් පැත්තකින් තියලා, මේ දිගු සතිඅන්තය සිනහව, වික්රමාන්විත අත්දැකීම් සහ පවුලේ අයත් එක්ක ගතකරන ගුණාත්මක කාලයක් වෙනුවෙන් වෙන් කළා..." කියන එකයි ඔහු ඉන් අදහස් කරලා තිබුණේ.
ජනප්රියත්වය, සල්ලි කොච්චර තිබුණත් මනුස්සයෙකුට වටිනාම දේ තමන්ගේ පවුලේ සතුට කියන එක රොෂාන්ගේ මේ සටහනෙන් අපූරුවට පැහැදිලි වෙනවා. ලෝකයක් ආදරය කරන තාරකාවක් වුණත්, බිරිඳටයි දරුවාටයි ආදරය කරමින්, නිදහසේ සාමකාමී ජීවිතයක් ගතකරන රොෂාන්ගේ මේ පවුල් ජීවිතය අද කාලයේ ගොඩක් දෙනෙක්ට කදිම ආදර්ශයක්.
මේ ඡායාරූප දැකපු රසික රසිකාවියොත් රොෂාන්ගේ පුංචි පවුලට ආදරය පිරුණු කමෙන්ට්ස් දහස් ගණනක් එකතු කරලා තිබුණේ ඔවුන්ගේ ඉදිරි ජීවිතේටත් සුබපැතුම් එක්කරමින්!