329 Views
ලෝකයේ ඉන්න විශාලම ගොඩබිම සත්වයා අලියා කියලා අපි කවුරුත් දන්නවා.
හැබැයි බල්ලෙක්, පූසෙක් වගේ හුරතල් කරන්න හිතෙන තරමේ පුංචි, හුරුබුහුටි අලි විශේෂයක් මේ ලෝකයේ ඉන්නවා කිව්වොත් ඔබ විශ්වාස කරනවාද?
ඔව්, ඇත්තටම එහෙම අලි විශේෂයක් ඉන්නවා. ඒ තමයි පෘථිවියේ ජීවත් වන කුඩාම අලි උප විශේෂය මෙන්ම ලෝකයේ දුර්ලභම සතුන්ගෙන් එකක් වන 'බෝර්නියෝ පිග්මි අලියා' (Borneo Pygmy Elephant). මේ අපූරු සතුන් ස්වභාවිකව ජීවත් වෙන්නේ ලෝකයේ තියෙන ලස්සනම දූපතක් වන බෝර්නියෝ (Borneo) දූපතේ විතරමයි.
මේ පිග්මි අලින්ව දකිද්දී ඕනෑම කෙනෙකුගේ හිතේ ආදරයක් ඇතිවෙන්නේ උන්ගේ තියෙන අහිංසක පෙනුම නිසයි. සාමාන්ය අලින්ට වඩා මුන්ගේ ලක්ෂණ ගොඩක් වෙනස්.
මොවුන්ට තියෙන්නේ තරමක් මහත, රවුම් හැඩති බෝල ශරීරයක්. ඒ වගේම උන්ගේ පුංචි ඇඟට සාපේක්ෂව ඉතාමත් විශාල කන් යුගලක් පිහිටලා තියෙනවා.
මුන්ගේ තවත් විශේෂත්වයක් තමයි අසාමාන්ය ලෙස දිගින් වැඩි වලිගය. සමහර වෙලාවට මේ වලිගය කොච්චර දිගද කියනවා නම් ඇවිදිනකොට බිම ගෑවෙන තරම්...
මේ විදිහට දකින කෙනෙක්ව වශී කරන හුරුබුහුටි පෙනුමක් තිබුණත්, අද වෙද්දී මේ අහිංසක සතුන් මුළු ලෝකයෙන්ම සදහටම වඳවී යාමේ බිහිසුණු තර්ජනයකට ලක්වෙලයි ඉන්නේ.
පරිසරවේදීන් කරපු අලුත්ම ගණනය කිරීම්වලට අනුව, මුළු මහත් පෘථිවියටම දැන් ඉතිරි වෙලා ඉන්නේ මේ අලි පැටවුන් 1,000කට ආසන්න ප්රමාණයක් විතරයි.
මේ විනාශයට ප්රධානම හේතුව වෙලා තියෙන්නේ මිනිසාගේ අසීමිත තණ්හාවයි. මහා පරිමාණයෙන් සිදුවන වන විනාශය සහ පාම් තෙල් වගාවන් ව්යාප්ත කිරීම නිසා මුන්ගේ ස්වභාවික වාසස්ථාන ශීඝ්රයෙන් අහිමි වෙමින් පවතිනවා. කෑම සහ නවාතැන් නැතිව මේ අහිංසකයන් වනාන්තර ඇතුළේම මියැදෙනවා.
මේ අහිංසක සතුන්ව ආරක්ෂා කරන්න ලෝකය දැන්වත් එකතු වෙලා ශක්තිමත් පියවරක් ගත්තේ නැත්නම්, තව අවුරුදු කිහිපයකින් ලෝකයේ ඉන්න මේ සුවිශේෂීම අලි විශේෂය නිහඬවම බෝර්නියෝ වනාන්තර වලින් සදහටම අතුරුදන් වෙලා යයි කියලා විද්යාඥයින් ලෝකෙටම දැඩි අනතුරු ඇඟවීමක් කරලා තියෙනවා.
Make a Comment
Make a Comment..
Follow Us
මෙන්න බලන්න තවත් ගොසිප්
"එක දවසක් පිඟන් සේදුවේ නැත්නම් මගේ ඇඟට අමාරුයි" සල්ලි ඕනෑවටත් වඩා තිබියදීත් සේවිකාවක වුණු කෝටිපතිනියගේ කතාව
1,046 Views
මැරුණට පස්සේ ලස්සන මොකටද? අවයව 52ක් දන් දී රෝගීන් සුවපත් කල ගංගානි.... මුළු රටේම ඇස්වලට කඳුළු උනන පුවතක්!
1,276 Views
Hot Gossip
Recent Gossip Post
Follow Us
නැගලා යන ගොසිප්
