314 Views
මුළු මහත් ශ්රී ලංකාවම කම්පා කරවන අතිශය බිහිසුණු සහ අභිරහස් ඝාතන පුවතක් සීදූව පොලිස් වසමෙන් වාර්තා වනවා.
මීට පෙර චිත්රපටවල පමණක් දැක තිබූ ආකාරයේ දරුණු මිනීමැරුමක් සීදූව, මූකලන්ගමුව ප්රදේශයේ නිවසකින් අනාවරණය කර ගැනීමට පොලිසිය සමත්ව තිබෙනවා.
ඊයේ (20) සවස මූකලන්ගමුව ප්රදේශයේ පිහිටි නිවසකින් අධික දුර්ගන්ධයක් හමන බවට ප්රදේශවාසීන් විසින් සීදූව පොලිස් ස්ථානයට තොරතුරක් ලබා දී තිබුණා. ඒ අනුව වහාම ක්රියාත්මක වූ පොලිස් නිලධාරීන් කණ්ඩායමක් එම නිවස පරීක්ෂා කිරීමට කටයුතු කර තිබෙනවා.
නිවස ඇතුළට ගිය පොලිස් නිලධාරීන්ට දැකගත හැකි වී ඇත්තේ මුළු ඇඟම සීතල වී යන දසුනක්. නිවසේ තිබූ එක් නිදන කාමරයක දමා තිබූ ලොකු "ගමන් බෑගයක්" පරීක්ෂා කිරීමේදී, ඒ තුළ ඉතාමත් අමානුෂික ලෙස සඟවා තිබූ කාන්තා මළ සිරුරක් පොලිසිය විසින් සොයාගෙන තිබෙනවා.
මෙසේ ඝාතනයට ලක්ව ඇත්තේ එම නිවසේ තනිවම පදිංචිව සිටි අවුරුදු 79ක් වයසැති මූකලන්ගමුව, සීදූව ප්රදේශයේ පදිංචි මිත්තණියක් බවයි පොලිසිය පවසන්නේ.
මේ ඝාතනය නිකම්ම නිකන් කේන්තියට කරපු එකක් නෙවෙයි, සෑහෙන්න ප්ලෑන් කරලා කරපු වැඩක් කියලා දැනට කරන ලද විමර්ශනවලදී අනාවරණය වී තිබෙනවා. ඝාතකයා විසින් නිවසේ සවිකර තිබූ සීසීටීවී කැමරා පද්ධතිය ගලවා ඉවත් කර ඇති අතර, කාටවත් ඇමතුම් ලබාගත නොහැකි වන සේ නිවසේ දුරකථන රැහැන් පවා කපා දමා තිබෙනවා.
කෙසේ වෙතත්, වයෝවෘද්ධ මවක් ඝාතනය කර බෑගයක දැමූ මොහුව නීතියෙන් බේරී සිටීමට සීදූව පොලිසිය ඉඩ තබා නැහැ. ක්ෂණික විමර්ශන ක්රියාත්මක කරමින් මේ වන විට වයස අවුරුදු 42ක් වන ප්රධාන සැකකරුවෙකුව අත්අඩංගුවට ගැනීමට පොලිසිය සමත්ව තිබෙනවා.
මේ ම්ලේච්ඡ ඝාතනයට හේතුව කොල්ලකෑමක්ද නැතහොත් වෙනත් පෞද්ගලික ආරවුලක්ද යන්න තවමත් අනාවරණය වී නොමැත.
Make a Comment
Make a Comment..
Follow Us
මෙන්න බලන්න තවත් ගොසිප්
ඇත්තටම සැමියාට හොර සම්බන්ධයක් තිබුණාද? ත්රීවීල් එකෙන් පැනපු බිරිඳ මියයද්දී සැමියා කොටු වෙයි!
1,168 Views
සිත් බැඳි තරුවල සතියේ වතගොත...
1,309 Views
iPhone පාවිච්චි කරන හැමෝම දැනගත යුතුම රහසක්... මරණයෙන් පසුවත් වැඩ කරන Face ID සුපිරි ආරක්ෂාව!
1,129 Views
Hot Gossip
Recent Gossip Post
Follow Us
නැගලා යන ගොසිප්
