දරුවන් 9ක් ලොවට බිහිකළත් කිසිදු දරුවෙකුගේ හව්හරනක් නැති දිරිය මවට පිහිටවුණු බෝසත් දරුවෝ - වීඩියෝ - Thirappane Mother Story - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Dec

දරුවන් 9ක් ලොවට බිහිකළත් කිසිදු දරුවෙකුගේ හව්හරනක් නැති දිරිය මවට පිහිටවුණු බෝසත් දරුවෝ - වීඩියෝ

1 Views

‘‘මාව ගිහින් දාන්න මඩමකට,
මේකේ මැරිලා හිටියත් කුණුවෙලා හිටියත්
කවුරුත් දන්නේ නෑ‘‘

පසුගිය කාලය පුරා අපිට අසන්නට දකින්නට ලැබුණේ දරුවන් විසින් දෙමාපියන්ට සලකන ආකාරය පිළිබඳව හද කම්පාකරවන පුවත් රැසකි. මව්පියන්, දරුවන් උස් මහත් කරන්නේ දහසකුත් බලාපොරොත්තු ඇතිවයි. නමුත් වයොවෘද්ධ වූ පසු තම මව්පියන් අතහැර දමන ඇතැම් දරුවන් හේතුවෙන් අසරණ වූ තවත් මවක පිළිබද තොරතුරු වාර්තා වන්නේ තිරප්පනේ - මහවන්නම්මඩුව ප්‍රදේශයෙන්.

තිරප්පනේ, මහවන්නම්මඩුව ප්‍රදේශයේ අබලන් වූ පැල්පතක මෙලෙස වසර ගණනාවක සිට කාත් කවුරුවත් නොමැතිව කල් ගෙවන්නේ දරුවන් 9 දෙනෙකු මෙලොව බිහි කළ දිරිය කාන්තාවක්.

මේ වනවිට 83 හැවිරිදි වියේ පසුව ආර්. ලීලාවතී නම් මේ මවට ජීවිතය ගැට ගසා ගැනීමට සිදුව තිබෙන්නේ අසල්වාසීන්ගෙන් ලැබෙන ආහාර වේලකින්. ඇය පිළිබදව ප්‍රදේශවාසීන් විසින් තිරප්පනේ ප්‍රාදේශිය ලේකම්වරියට දැනුම් දී තිබෙනවා.

ඒ අනුව ප්‍රාදේශිය ලේකම්වරිය පොලිස් නිලධාරින් සමඟ පැමිණ මෙම මව පිළිබඳව තොරතුරු සොයා බැලුවා. ඇයගේ දරුවන් 9 දෙනා අතරින් ජීවත්ව සිටින දරුවන් 7 දෙනා අවට ගම්මානවල සිටියත්, සිය මවගේ කිසිදු අවශ්‍යතාවයක් ඔවුන් විසින් සොයා බලා නැහැ.

ඇයගේ පදිංචිය නැගෙනහිර නුවරගම්පළත ප්‍රාදේශිය ලේකම් කොට්ඨාසයට අයත් බැවින් එහි නිලධාරීන් දැනුවත් කිරීමට තිරප්පනේ ප්‍රාදේශීය ලේකම්වරිය පියවර ගත්තා. අනතුරුව මෙම මව තිරප්පනේ පොලිසියට රැගෙන යාමට කටයුතු කෙරුණු අතර, පොලිසිය සඳහන් කළේ සාලියපුර වැඩිහිටි නිවාසයට ඇය යොමු කිරීමට කටයුතු කරන බවයි.

‘‘මාව ගිහින් දාන්න අනාථ නිවාසෙකට, මේකේ මම මැරිලා ගියත් කවුරුත් දන්නේ නෑ, දරුවෝ සැලකුවේ නැති වුණාට කමක් නෑ, මං කළානම් මට තියෙයි මොනවා හරි‘‘

ඒ මවගේ මුවින් පිටවූ වදන් කිහිපයකුයි. තමන් තනිකර දමා දරුවන් ගියත් ඇය ඔවුන්ට වෛරකරන්නේ නැත. තමන් කළ දේවල් අනුව තමන්ගේම ඉරණම අත්වන බව ඇය විශ්වාස කරයි.

මේ ඇයගේ කතාවයි....