13 Views
අතක් වෙන්වෙන්න කපලාලු
රට තුළ මේ වන විට සිදුවන අමානුෂික ඝාතන රැල්ලේ තවත් ඝාතනයක් කොටකෙතන ප්රදේශයෙන් වාර්තා වුණා. කොටකෙතන - ඕපාතවත්ත ප්රදේශයේදී මෙලෙස කාන්තාවක් තියුණු ආයුධයකින් පහර දී ඝාතනය කිරීමේ සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව විශේෂ පරීක්ෂණයක් ආරම්භ කර තිබෙනවා.
පොලිස් මාධ්ය ප්රකාශක කාර්යාලය සදහන් කළේ දැනටමත් ඊට අදාළ කණ්ඩායමක් විමර්ශන කටයුතු සඳහා එම ප්රදේශයට පිටත්ව ගොස් ඇති බවයි. දෙදරු මවක් වන 48 හැවිරිදි වියේ පසුවූ ඇය ඊයේ පස්වරුවේ කොටකෙතන - ඕපාතවත්ත ප්රදේශයේදී තියුණු ආයුධයකින් පහර දී ඝාතනය කර තිබුණා.
පොලීසිය සඳහන් කළේ ඇය වතු කම්කරු කාන්තාවක් ලෙස සේවය කර ඇති බවයි. ඝාතනය සිදුකළ පුද්ගලයා කවුරුන්ද යන්න පිළිබඳව මෙතෙක් අනාවරණ වී නැහැ.
මෙම කාන්තාව සමඟ තවත් කාන්තාවන් කිහිප දෙනකු වත්තේ තේ දලු නෙළීමට ඊයේ පෙරවරුවේ ගොස් ඇත. එම කාන්තාවන් තේ දලු නෙළා දලු භාරදෙන ස්ථානයට භාරදී ඇතත් ඝාතනයට ලක්වූ කාන්තාව පැමිණ නැත. මේ නිසා ඇය සෙවීමට, ගිය පිරිසට අමානුෂික ලෙස ඝාතනය කර තිබූ කාන්තාවගේ සිරුර හමුවී ඇත.
කාන්තාවගේ සිරුරෙන් අතක් වෙන්ව යන ලෙස කපා දමා තිබූ අතර ශරීරය පුරා තියුණු ආයුධයකින් සිදුකළ බරපතළ තුවාල රැසක් තිබූ බව උසස් පොලිස් නිලධාරියෙක් පැවැසීය.
මීට පෙර ද කහවත්ත - කොටකෙතන ප්රදේශයෙන් කාන්තා ඝාතන රැසක් වාර්තා වුණා.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
