සී.බී. රත්නායකගේ රියදුරා නිල නිවසේදී අභිරහස් ලෙස වස පානය කර මියගිහින් - වීඩියෝ - Cb Rathnayeka Driver Death In House - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Aug

සී.බී. රත්නායකගේ රියදුරා නිල නිවසේදී අභිරහස් ලෙස වස පානය කර මියගිහින් - වීඩියෝ

6 Views

ලියුමකුත් ලියලා තැපැල් කරලා

හිටපු අමාත්‍ය සී.බී. රත්නායකගේ රියදුරා වස පානය කර සිය දිවි හානි කර ගත් පුවතක් පිළිබඳව ඊයේ වාර්තා වුණා. ඔහුගේ දේහය පිළිබඳ පශ්චාත් මරණ පරීක්ෂණය අද (12) පැවැත්වීමට නියමිතයි. ඒ, කොළඹ ජාතික රෝහලේදියි.

හිටපු අමාත්‍යවරයාගේ නිළ නිවසේදී මොහු සිය දිවි හානි කරගෙන ඇත්තේ කිසිවෙකුත් නොමැති අවස්ථාවකදී බවට ද අනාවරණ වී තිබෙනවා.

අතුරුදන්ව සිටි හිටපු අමාත්‍ය සී.බී. රත්නායකගේ රියදුරාගේ මළ සිරුර ඊයේ පොලීසිය සොයා ගත්තේ කොළඹ 7 ප්‍රදේශයේ පිහිටි හිටපු අමාත්‍යවරයාගේ නිල නිවසේ තිබීයදී තිබියදියි.

පොලීසිය සඳහන් කළේ එම රියදුරා වස පානය කර සියදිවි නසාගෙන ඇති බවට මූලික පරීක්ෂණවලදී හෙළි වී ඇති බවයි.

පසුගිය 1 වනදා මාදිවෙල - සුභද්‍ර මාවතේ පිහිටි හිටපු අමාත්‍ය සී.බී. රත්නායකගේ පුද්ගලික නිවස ගින්නකින් විනාශ වුණා. මෙම සිද්ධියත් සමඟම එම නිවසේ සිටි හිටපු අමාත්‍යවරයාගේ රියදුරා අතුරුදන්වූ අතර ඒ හේතුවෙන් එම සිද්ධියට ඔහුගේ සම්බන්ධයක් ඇති බවට සැක පළ වුණා.

ගින්න සම්බන්ධයෙන් තමන්ව සැක කරන බවත් ඒ පිළිබඳව තමන් සිත්තැවුලෙන් පසුවන බව එම රියදුරා ලිපියක් මගින් සිය බිරිඳට දැනුම්දී ඇති බවට ද මේ වනවිට තොරතුරු අනාවරණ වී තිබෙනවා. එමෙන්ම ඔහු එම ලිපියෙන් සදහන් කර ඇත්තේ තමන් කොළඹ පිහිටි හිටපු අමාත්‍යවරයාගේ නිළ නිවසේ සිටින බවටයි.

ඊයේ අලූයම කුරුඳුවත්ත පොලීසියට පැමිණි මිය ගිය රියදුරාගේ වැඩිමහල් සොහොයුරා මේ පිළිබඳව කුරුඳුවත්ත පොලීසියට දැනුම් දී තිබෙනවා. ඒ අනුව කුරුඳුවත්ත පොලීසියේ නිලධාරීන් පිරිසක් හිටපු අමාත්‍ය සී.බී. රත්නායකගේ නිළ නිවස පරීක්ෂා කිරීමේදී මිය ගිය රියදුරාගේ මළ සිරුර එහි තිබී හමුවුණා.