කැළඹුණු කාළගුණයත් සමඟ ගාල්ලේ සිරවුණු 'ග්ලෝරි 2' නෞකාවේ, ඉන්ධන මුහුදට කාන්දු වීමේ අවදානමක්! - Photos - Glori 2 Galle - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Jul

කැළඹුණු කාළගුණයත් සමඟ ගාල්ලේ සිරවුණු 'ග්ලෝරි 2' නෞකාවේ, ඉන්ධන මුහුදට කාන්දු වීමේ අවදානමක්! - Photos

22 Views

ගාල්ල වරාය ආසන්නයේදී අයහපත් කාලගුණයත් සමඟ අනතුරට ලක්වූ ග්ලෝරි - 2 - ගෝ නැමති යාත්‍රාවේ ඇති ඉන්ධන ටොන් 15 ඉවතට ගැනීම ගැටලූවක් බවට පත්ව ඇති බව පරිසර රාජ්‍ය අමාත්‍ය අජිත් මාන්නප්පෙරුම පවසනවා.

කොළඹ ඊයේ කැඳවා තිබූ මාධ්‍ය හමුවකට එක්වෙමින් ඔහු කියා සිටියේ නෞකාව සැඬපහර සහ සුළං නිසා හානියට පත්වෙමින් පවතින බවයි.

මෙලෙස හානියට ලක්වෙමින් පවතින නෞකාවේ පවතින ඉන්ධන කාන්දුවීමක් සිදුවුවහොත් එය පරිසරයට දැඩිව හානිකර බවයි සමුද්‍රීය පරිසර ආරක්ෂණ අධිකාරියේ සාමාන්‍යාධිකාරී, ආචාර්ය ටර්නි ප්‍රදීප් කුමාර කියා සිටියේ.

මෙම යාත්‍රාවේ සිටි නැවියන් 09 දෙනෙකු නාවික හමුදාව පෙරේදා නිරුපද්‍රිතව බේරා ගනු ලැබුවා.

මේ අතර, ආපදා තත්ත්වයන් හේතුවෙන් පුද්ගල මරණ 7 ක් මේ වනවිට වාර්තා වී ඇති අතර පවතින ආපදා පිළිබඳ දැනුම්දීම සඳහා පොලිස් මූලස්ථානය දුරකථන දෙකක් ද හඳුන්වා තිබෙනවා.

දිවයිනේ දකුණු අර්ධයේ මුහුදු ප්‍රදේශවල සුළං තත්ත්වය තවදුරටත් පැවතිය හැකි බව කාලගුණ විද්‍යා දෙපාර්තමේන්තුව පවසනවා.

එම නිසා බස්නාහිර, දකුණ, මධ්‍යම, සබරගමුව, වයඹ සහ උතුරුමැද පළාත්වල සහ ත්‍රිකුණාමලය දිස්ත්‍රික්කයට පැයට කිලෝමීටර් 60, 70 දක්වා තද සුළං ඇති විය හැකියි.

එමෙන්ම, මධ්‍යම සහ සබරගමුව පළාත්වල ඇතැම් ස්ථානවලට මිලිමීටර් 75ක පමණ වර්ෂාපතනයක් ඇති විය හැකි බවයි කාලගුණ විද්‍යා දෙපාර්තමේන්තුව සඳහන් කළේ.