263 Views
ලංකාවේ ලස්සනම විශ්වවිද්යාලය විදිහට හැඳින්වෙන පේරාදෙණිය විශ්වවිද්යාලයෙන් මේ දවස්වල ටිකක් බය හිතෙන ආරංචියක් පැතිරෙනවා.
ඒ තමයි සරසවි භූමිය ඇතුළේ නිදැල්ලේ සැරිසරන දිවියෙක් ගැන! මේ බිහිසුණු අමුත්තා නිසා දැන් මුළු සරසවියම ඉන්නේ ලොකු අවදානමක වගේම බියකින්.
මේ දිවියා එකපාරටම ආපු කෙනෙක් නෙවෙයි. පහුගිය ජනවාරි මාසයේ උඩ පේරාදෙණිය රක්ෂිතයේ ඉඳන් ආපු මේ සතා, විශ්වවිද්යාලයේ පශු වෛද්ය පීඨයට අයිති ගොවිපොළක හිටපු මී ගව පැටියෙකුත් මරලා දාලා තියෙනවා. මේ සිද්ධියත් එක්ක තමයි දිවියා ගැන කතාව එළියට ආවේ.
මේ තත්ත්වයත් එක්ක පේරාදෙණිය සරසවියේ උපකුලපති මහාචාර්ය ටෙරන්ස් මදුජිත් මහත්මයා, සිසුන්ට වගේම කාර්ය මණ්ඩලයටත් දැඩිව අනතුරු අඟවලා තියෙනවා. හැමෝටම ගොඩක් විමසිල්ලෙන් ඉන්න කියලයි ඔහු මේ හදිසි නිවේදනයෙන් ඉල්ලා සිටින්නේ. සිසුන්ගේ ආරක්ෂාව වෙනුවෙන් මේ පියවර ගත්තා කියලා ඔහු වැඩිදුරටත් අදහස් දක්වලා තිබුණා.
දැන් මේ ප්රශ්නය ගැන වනජීවී දෙපාර්තමේන්තුවත් දැනුවත් කරලයි තියෙන්නේ. ඒ වගේම දිවියාගෙන් සත්තුන්ට වෙන කරදර වළක්වන්න පශු වෛද්ය පීඨයේ සත්ව ගොවිපොළ වටේට අමතර වැටක් ගහන්නත් මේ වෙද්දී පියවර අරන්.
කොහොම වුණත් පේරාදෙණිය සරසවියේ ඉන්න දරුවන් නම් මේ දවස්වල ගොඩක් පරිස්සම් වෙන එක තමයි ඇඟට ගුණ!
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
