ඇහැළියගොඩින් ආපු දෙන්නෙක් පොල්ගහවෙලදී මරුට! සත්තුන්ට අටවපු උගුලට මිනිස්සු හසු වූ හැටි මෙන්න! - The Police,accident,polgahawela - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Apr

ඇහැළියගොඩින් ආපු දෙන්නෙක් පොල්ගහවෙලදී මරුට! සත්තුන්ට අටවපු උගුලට මිනිස්සු හසු වූ හැටි මෙන්න!

10 Views

පොල්ගහවෙල බංගලාවත්ත ප්‍රදේශයේ ඉඩමක ඊයේ (06) සිදුවූ අමුතුම ආකාරයේ සිදුවීමක් නිසා ප්‍රදේශය පුරාම ලොකු කතාබහක් ඇතිවී තිබෙනවා.

ඒ, අද්භූත ලෙස විදුලි සැර වැදී පුද්ගලයින් දෙදෙනෙකු මියයෑමේ පුවතක් සමඟයි.

පොල්ගහවෙල පොලිසියට ලද තොරතුරක් මත සිදුකළ විමර්ශනවලදී අනාවරණය වී ඇත්තේ, මියගිය පුද්ගලයින් දෙදෙනා ඇහැළියගොඩ ප්‍රදේශයේ පදිංචි අවුරුදු 28 සහ 35 වයස්වල පසුවන්නන් බවයි.

ඔවුන් බංගලාවත්ත ප්‍රදේශයට පැමිණියේ ඇයිද යන්න තවමත් අභිරහසක් වුවත්, ඔවුන් මුහුණ දුන් අවාසනාවන්ත ඉරණම ගැන තොරතුරු දැන් හෙළිවෙමින් පවතිනවා.

වාර්තා වන ආකාරයට, මරණකරුවන් දෙදෙනා විදුලි සැර වැදී ඇත්තේ වගා භූමියක් වන සතුන්ගෙන් ආරක්ෂා කර ගැනීම සඳහා අනවසරයෙන් අටවා තිබූ විදුලි රැහැනක ගැටීමෙනුයි.

මේ "මර උගුල" ගැන පොලිසිය කළ වැඩිදුර විමර්ශනවලදී, එම ඉඩමේ මුරකරුවෙකු ලෙස කටයුතු කළ පුද්ගලයෙකු සැකපිට අත්අඩංගුවට ගෙන තිබෙනවා.

සත්තුන්ට අටවපු උගුලට මිනිස්සු හසුවුණේ කොහොමද? ඔවුන් ඇත්තටම වත්තට ආවේ මොකටද? මුරකරුගේ නොසැලකිලිමත්කමද නැතිනම් වෙනත් යටි අරමුණක් තිබුණාද?

මේ සියලු ප්‍රශ්නවලට පිළිතුරු සෙවීමට පොල්ගහවෙල පොලිසිය දැන් දැවැන්ත විමර්ශනයක් ආරම්භ කර තිබෙනවා. ඉදිරියේදී මේ ගැන තවත් බොහෝ තොරතුරු හෙළිවනු ඇති බව නිසැකයි.