Jan
07
14 Views
ඉඩමක් සහ එහි තිබෙන ගොඩනැගිල්ලක් හිරුණිකා ප්රේමචන්ද්ර විසින් බලහත්කාරයෙන් අත්පත් කරගෙන ඇති බවට කොළොන්නාවේ පදිංචිකරුවන් දෙදෙනෙකු විසින් ගොනුකළ නඩුව මාර්තු මස 29 වනදා විභාග කෙරෙනවා. ඒ ඊයේ කොළඹ දිසාඅධිකරණය ලබාදුන් නියෝගයකට අනුවයි.
රොහාන් වික්රම සහ රුවන් විජේසේකර යන දෙදෙනා විසින් ගොනු කළ එම නඩුවේ වගඋත්තරකරුවන් වන්නේ හිරුණිකා ප්රේමචන්ද්ර සහ ඇගේ මව වන සුමනා ප්රේමචන්ද්රයි.
2011 වසරේදී තාවකාලික පදනම මත අදාළ ඉඩම සහ ගොඩනැගිල්ල එහි හිමිකරුවන් විසින් හිරුණිකා ප්රේමචන්ද්රට ලබාදී ඇති අතරල එය නැවත ලබාගැනීමට යාමේදී හිරුණිකා ප්රේමචන්ද්ර සහ ඇගේ මව එම දේපළ නැවත ලබාදීම ප්රතික්ෂේප කරන බවටයි පැමිණිලි පාර්ශවය අධිකරණයට ඊයේ (06) දැනුම් දුන්නේ.
මේ අතර දෙමටගොඩදී පුද්ගලයෙකු පැහැරගත් හිරුණිකා ප්රේමචන්ද්රගේ ආධාරකරුවන් අටදෙනා ඊයේ (06) කොළඹ - අලූත්කඬේ ප්රධාන මහේස්ත්රාත් අධිකරණයේදී ඊයේ හඳුනා ගැනුනා. ඒ සිද්ධියට අදාලව පැවති හඳුනාගැනීමේ පෙරට්ටුවේදියි.
සාක්ෂිකරුවන් පස්දෙනෙකු හඳුනාගැනීමේ පෙරට්ටුවට ඉදිරිපත්ව සිටි අතරල එහිදී දෙමටගොඩදී තරුණයා පැහැරගැනීමේ සිද්ධියට සම්බන්ධ සැකකරුවන් සමඟ සිටි 11 හැවිරිදි දැරිය විසින් සැකකරුවන් පස්දෙනෙකුම හඳුනාගැනීම විශේෂත්වයක්.
ඒ අනුව සැකකරුවන් අටදෙනාට දැඩිව අවවාද කළ කොළඹ අතිරේක මහේස්ත්රාත් මොහොමඞ් නිහායි නියෝග කළේ එක් අයෙකුට රුපියල් ලක්ෂය බැගින් වූ ශරීර ඇප දෙකක් මත ඔවුන් මුදාහැරීමටයි.
පැමිණිලිකරුවන්ට බලපෑම් කළහොත් ඇප අවලංගු කරන බවද අතිරේක මහේස්ත්රාත්වරයා මෙහිදී දැනුම්දුන්නා.
විත්තියේ පාර්ශවය විසින් හිරුණිකා ප්රේමචන්ද්රට අයත් ඩිෆෙන්ඩර් රථය නිදහස් කරන ලෙස මෙහිදී ඉල්ලීමක් කළත් රජයේ නීතීඥවරයා ඊට දැඩිව විරෝධය පළ කිරීමත් සමඟ අධිකරණය එම ඉල්ලීම ප්රතික්ෂේප කළාග නඩුව යළි ලබන 12 වනදා කැඳවීමට නියමිතයි.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
