19 Views
දෙහිවල සත්වෝද්යානය භාරයේ සිටියදී විස සහිත කොමඩෝ ඩ්රැගන් ලෙස හඳුන්වන උරග වර්ගයට අයත් ඉතා දුර්ලභ සත්වයා සත්වෝද්යානයෙන් පිටතට යාම සම්බන්ධයෙන් විශේෂ පරීක්ෂණයක් ආරම්භ කර තිබෙනවා.
සත්වෝද්යානයේ අධ්යක්ෂ ජනරාල් අනුර ද සිල්වා සඳහන් කළේ කොමඩෝ ඩ්රැගන් නැතහොත් කොමඩෝ මකරා මේ වනවිට යහපත් සෞඛ්ය තත්ත්වයෙන් පසුවන බවයි.
සත්වෝද්යානයේ අධ්යක්ෂ ජනරාල් අනුර ද සිල්වා සඳහන් කළේ කොමඩෝ ඩ්රැගන් නැතහොත් කොමඩෝ මකරා මේ වනවිට යහපත් සෞඛ්ය තත්ත්වයෙන් පසුවන බවයි.
ඉන්දුනීසියාවේ - කොමඩෝ දූපතට ආවේනික, උරග ගණයට අයත් මෙම සත්වයා වඳවීමේ තර්ජනයටද ලක්ව සිටින බවයි පරිසරවේදීන් පෙන්වා දෙන්නේ. කොමඩෝ ඩ්රැගන් පසුගිය 24 වැනිදා සිය කූඩුවෙන් පැනගොස් ඇති බව අනාවරණ වුණා. පසුව සත්වෝද්යානයේ බලධාරීන් ඒ පිළිබඳව සොයා බැලීමේදී දෙහිවල - නැදිමාල ප්රදේශයේ අසාමාන්ය සත්ත්වයෙන් සැරිසරන බවට වාර්තාවී තිබෙනවා.
ඉන් අනතුරුවයි නැදිමාල ප්රදේශයට ගොස් සත්වෝද්යාන සේවකයින් අදාළ සත්වයා පිළිබඳව පරීක්ෂණ සිදුකර ඇත්තේ. පසුව එම ප්රදේශයේ ඇළ මාර්ගයක සිටියදී අතුරුදන්වූ කොමඩෝ ඩ්රැගන් ඊයේ දිනයේදී සොයාගත් බවයි සත්වෝද්යාන අධ්යක්ෂ ජනරාල් අනුර ද සිල්වා සඳහන් කළේ. සොයාගන්නා අවස්ථාවේදී කිසියම් පිරිසක් විසින් මෙම සත්වයාට පහරදීම හේතුවෙන් සිරුරේ ඇතැම් ස්ථානවල තුවාලද දක්නට ලැබුණු බවයි අධ්යක්ෂ ජනරාල්වරයා වැඩිදුරටත් කියා සිටියේ.
මෙම සත්වයාගේ ඛේටවල විස අඩංගු බැවින් කොමඩෝ මකරාගේ ප්රහාරයට කිසියම් පුද්ගලයෙකු ලක්වූයේ නම් භයානක තත්ත්වයක්ද ඇතිවීමේ අවදානමක් තිබූ බවයි දෙහිවල සත්වෝද්යානයේ අනුර ද සිල්වා වැඩිදුරටත් පෙන්වා දුන්නේ.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
