සතුටු වෙන්න ගිය ගමන මළගෙයකින් කෙළවර වෙයි! කිතුල්ගලින් ඇසෙන හද කම්පා කරවන පුවත මෙන්න! - Social Story - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Apr

සතුටු වෙන්න ගිය ගමන මළගෙයකින් කෙළවර වෙයි! කිතුල්ගලින් ඇසෙන හද කම්පා කරවන පුවත මෙන්න!

637 Views

අලුත් අවුරුදු නිවාඩුව සතුටින් ගත කිරීමට ගිය පිරිසකට කිතුල්ගලදී අදහාගත නොහැකි ශෝකී පුවතකට මුහුණ දීමට සිදු වුණා.

ඒ, තම ඥාතීන් පිරිසක් සමඟ කැලණි ගඟේ දිය නෑමට ගිය 46 හැවිරිදි පුද්ගලයෙකු දියේ ගිලී අවාසනාවන්ත ලෙස ජීවිතක්ෂයට පත්වීමත් සමඟයි.

හැටන්, මොරහේනගම ප්‍රදේශයේ පදිංචිව සිටි මෙම පුද්ගලයා ඊයේ (15) දහවල් කාලයේ කිතුල්ගල නැලිගම ප්‍රදේශයේදී දිය නෑමට ගඟට බැස තිබෙනවා. නමුත් අනපේක්ෂිත ලෙස ඔහු දිය යට අතුරුදන් වූ බවයි වාර්තා වන්නේ. වහාම ක්‍රියාත්මක වූ කිතුල්ගල පොලිසිය සහ පොලිස් විශේෂ කාර්ය බලකායේ (STF) ජීවිත ආරක්ෂක නිලධාරීන් එක්ව දැවැන්ත සෝදිසි මෙහෙයුමක් දියත් කරනු ලැබුවා.

පැය කිහිපයක මෙහෙයුමකින් පසු ගඟේ තිබූ ඉතා ගැඹුරු වළක රැඳී තිබියදී ඔහුගේ මෘත ශරීරය සොයා ගැනීමට හැකි වුණා. අවුරුදු සතුට බෙදාගන්නට ආ ගමන මෙලෙස මරණයෙන් කෙළවර වීම මුළු ප්‍රදේශයම කම්පාවට පත් කළ සිදුවීමක් වුණා.

මේ දිනවල පවතින උත්සව සමයත් සමඟ දිය නෑමට යන විට ඉතාමත් කල්පනාකාරී වන ලෙසත්, ආගන්තුක ජල පහරවල් සහ ගැඹුරු වළවල් සහිත ස්ථාන මඟහරින ලෙසත් පොලිසිය ජනතාවගෙන් ඉල්ලා සිටිනවා.

සිද්ධිය සම්බන්ධයෙන් කිතුල්ගල පොලිසිය වැඩිදුර පරීක්ෂණ පවත්වනවා.