299 Views
ඊයේ (11) රාත්‍රියේ බ්‍රසීලයේ බෙලෙම් නුවර පැවති Cop30 දේශගුණික සාකච්ඡාව කෙරෙහි දැඩි උණුසුමක් මතු වුණා.
දේශගුණික සාකච්ඡාවලට විරෝධය පළ කළ ආදිවාසී සහ ආදිවාසී නොවන පිරිසක් සම්මන්ත්‍රණ මධ්‍යස්ථානයට කඩා වැදී විරෝධය පළ කළා. ඔවුන් “අපේ වනාන්තර විකිණීමට නෑ!” කියන බැනර් රැගෙන ගායනා කරමින් ඇතුල් වූ අතර, දීප්තිමත් වර්ණ සහිත ආදිවාසී ඇඳුම් සහ පිහාටු හිස් වැසුම් පැළඳ සිටියා.
එම අවස්ථාවේ එක්සත් ජාතීන්ගේ ආරක්ෂක නිලධාරීන් ඔවුන් නවත්වීමට උත්සාහ කළ විට තල්ලු කිරීම් සහ කෑ ගැසීම් ඇතිවී නිලධාරීන් දෙදෙනෙකුට සුළු තුවාල වුණා. එක් ආරක්ෂකයෙකුගේ හිස ලේ ගලමින් සිටි බවත් විදෙස් මාධ්‍ය සඳහන් කරනවා.
ගෝලීය තරුණ සන්ධානයේ නියෝජිතයෙකු පැවසුවේ, විරෝධතාකරුවන් “අප නොමැතිව ඔවුන්ට අප වෙනුවෙන් තීරණ ගන්න බැහැ!” කියා ගායනා කළ බවයි. ඔහු තවත් කියාසිටියේ “ඔවුන් නරක මිනිසුන් නෙවෙයි. ඔවුන් තම භූමිය හා ඇමසන් වනය ආරක්ෂා කිරීමට උත්සාහ කරන අයයි” යනුවෙනි.
එක්සත් ජාතීන්ගේ ප්‍රකාශකවරයා පවසන විදිහට සිද්ධිය සම්බන්ධයෙන් විමර්ශනයක් දැනටමත් ආරම්භ කර ඇති අතර Cop30 ස්ථානය දැන් සම්පූර්ණයෙන්ම ආරක්ෂිත බව තහවුරු කරලා තියෙනවා.
මේ අතර, Cop30 සමුළුව පුරාම විවිධ කණ්ඩායම්වලින් තවත් විරෝධතා කිහිපයක් පැවැත්වෙනු ඇති අතර, “ජනතා සමුළුව” සහ “ගෝලීය තරුණ රැලිය” සම්බන්ධයෙන්ද දැඩි අවධානයක් යොමු වී තිබෙනවා.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
