5 Views
"සමාජ මාධ්ය හොඳට නරකට දෙකටම ගන්න පුළුවන්. ඒකට බය නැහැ. නමුත් මම ඒක පාවිච්චි කරන්නෙ අතේ දුරින්..."
"මම තවම අධ්යාපන කටයුතු කරනව. මේ වන විට විශ්ව විද්යාලයේ ඉගෙනීම් කටයුතු ආරම්භ කරල තියෙනව. මනෝ විද්යාව සහ නීතිය යන විෂයයන් තමයි හදාරන්නෙ..."
වගීෂා සල්ගාදු කියන්නෙ කවුරුත් ආදරේ කරන ජනප්රිය දක්ෂ නව පරපුරේ රංගන ශිල්පිනියක්.
හිරු ටීවි එක්ක රැඳෙන ඔබට ඇයව අලුත් මුහුණක් නෙවෙයි.
මේ ඇය සති අන්ත පුවත්පතකට ලබාදුන් සොඳුරු සංවාදයක්....
ළංවී ටෙලි චරිතයට ලැබෙන්නෙ මොන වගේ ප්රතිචාරද?
ඇත්තටම කියන්න සතුටුයි හිතාගන්න බැරි තරම් හොඳ ප්රතිචාර ලැබෙනව. නිහතමානීව ඒ හැම ප්රතිචාරයක්කම බාර ගන්නවා.
ඔබ වෘත්තියමය නිළියක්?
ඔව්. මේ වෙද්දි මම වෘත්තීයමය රංගන ශිල්පිණියක්. ඒ වගේම රංගනය වෘත්තිය හැටියට තෝරාගත්ත එක ගැන මම ආඩම්බර වෙනව.
අධ්යාපය කටයුතු අවසන් කළාද?
නැහැ. මම තවම අධ්යාපන කටයුතු කරනව. මේ වන විට විශ්ව විද්යාලයේ ඉගෙනීම් කටයුතු ආරම්භ කරල තියෙනව. මනෝ විද්යාව සහ නීතිය යන විෂයයන් තමයි හදාරන්නෙ.
රංගනයට ගෙදරින් තහංචි නැද්ද?
අනේ නැහැ. අම්මයි තාත්තයි මගේ වැඩවලට උපරිම සහයෝගය ලබා දෙනව. ඒ නිසා මං හරිම වාසනාවන්තයි.
සිනමාව ගැන කිව්වොත්?
තාල සහ පහ සමත් යන චිත්රපට දෙකට මම රංගනයෙන් දායක වුණා. සංජය නිර්මාල් මහත්මයාගේ ප්රාණ චිත්රපටය තිරගතවීමට නියමිතයි. ඒ වගේම තව අලුත් වැඩකටත් සම්බන්ධ වෙලා ඉන්නව.
‘ප්රාණ’ අත්දැකීම මොන වගේද?
මේ අතිදැකීම හරිම සුවිශේෂියි. මොකද මෙතනදි පළමුවැනි වතාවට ප්රවීණ රංගනවේදී නීටා ප්රනාන්දු මහත්මියගෙ යෞවන කාලය නිරූපණය කරන්න මට අවස්ථාව ලැබෙනව.
ඔබට අභියෝගයක්?
ඔව්. ලොකු අභියෝගයක්. මොකද මේක ඓතිහාසික කතාවක්. ඒ නිසා චරිත ගැන ගොඩක් සැළකිලිමත් වෙන්න ඕන වගේම යම් කෙනකුගේ තරුණ කාලයක් නිරූපණය කරද්දි ඒ කෙනාව හොඳින් අධ්යයනය කරන්න ඕන. මම හිතනව මෙතනදි මම සාර්ථකයි කියල.
නීටා ප්රනාන්දුගේ ප්රතිචාරය?
ඇත්තටම එතුමියට හිතාගන්න බැරි වුණා මම ඒ තරම් සාර්ථකව චරිතය කරයි කියල. මට හරිම ආදරෙයි. කොතනදි දැක්කත් මාව අගයනව. ඒ සහයෝගය සහ ආදරය මට ගොඩක් වටිනව.
කැපිලි කෙටිලි බොහොමයි?
කැපිලි කෙටිලි කියන්නෙ කාටත් පොදු දෙයක්. නමුත් මට ඒක ගොඩක් වැඩි වුණා. මොකද මගෙ වයසත් එක්ක මට ලැබුණු චරිතවලට ගොඩක් දෙනෙක් පොරකෑව. ඒ දේවල් එක්ක මට චරිතයක් හිමිවෙනකොට කැපිලි කෙටිලි තවත් වැඩි වුණා. අදටත් එහෙමයි. නමුත් මම හැමවෙලාවෙම විශ්වාස කරන්නෙ මොන බාධකය ආවත් දක්ෂතාවත් එක්ක ලැබිය යුතු කෙනාට ලැබෙනව.
කලාකරුවන්ගේ වටිනාකම හෑල්ලු වෙලාද?
වටිනාකම කියන්නෙ කලාකරුවකුට තමන්ගේ දක්ෂතාවත් එක්ක ලැබෙන දෙයක්. මම කාටවත් චෝදනා කරන්නෙ නැහැ. නමුත් මේ ක්ෂේත්රය තුළ අපිට පේනව විවිධ මාධ්යන් ඔස්සේ වගේම විවිධ වැඩ හරහා යම් පිරිසක් කලාකරුවන්ගේ වටිනාකම විනාශ කරනව. ඒ අය අතර ලැබිය යුතු වටිනාකම අරගෙන” ඉදිරි අනාගතයේදී තව කෙනෙකුටත් අරගන්න පුළුවන් විදිහට වැඩකරන්න හදන අපි වගේ අයත් ඉන්නව. අදටත් මම මගේ ගෞරවය රැකගෙන වැඩකරනව.
වේදිකාව අතහැරියද?
වේදිකාව අතහැරල නම් නැහැ. නමුත් ආරාධනා ලැබුණත් මම ඒවා භාරගත්තෙ නැහැ. මොකද වේදිකාව කියන්නෙ ලොකු කැපකිරීමක් කරන්න ඕන ක්ෂේත්රයක්. දැනට තියෙන වැඩත් එක්ක සම්පූර්ණ අවධානය වේදිකාව වෙනුවෙන් යොදවන්න බැරි නිසයි ඒ ආරාධනා භාර නොගත්තෙ. නමුත් මම ගොඩක්ම ආදරේ කරන්නෙ වේදිකාවට. මොන කැමරාව ඉදිරියේ රඟපෑවත් අද මම ගෙනියන්නෙ වේදිකාවෙන් හදාගත්ත ශිල්ප ක්රම. ඒ නිසා ඉදිරියේදී මම අනිවාර්යයෙන්ම වේදිකාවට සම්බන්ධ වෙනව වගේම මට පුළුවන් දේවල් වේදිකාවට ගේන්න සැළසුම් කරගෙන යනව.
ජනප්රියත්වය?
ජනප්රියත්වය කියන්නෙ කෙනකුට වාසනාව අනුව ලැබෙන දෙයක්. ඒකට ගොඩක් මහන්සි වෙන්න ඕන. හරියට දෙයක් කරන්න ඕන. නමුත් මම හැම වෙලාවෙම වැඩකරන්නෙ දක්ෂ කලාකරුවෙක් වෙන්න හිතාගෙන මිසක ජනප්රිය වෙන්න හිතාගෙන නෙමෙයි.
සමාජ මාධ්යයට බයද?
සමාජ මාධ්ය හොඳට නරකට දෙකටම ගන්න පුළුවන්. ඒකට බය නැහැ. නමුත් මම ඒක පාවිච්චි කරන්නෙ අතේ දුරින්.
මහේෂ් එදිරිසිංහ
දිවයින
Make a Comment
Make a Comment..
Follow Us
මෙන්න බලන්න තවත් ගොසිප්
දෙමළ සුන්දරියක් වගේ ආපු වගීශා සල්ගාදු! මූණේ ඉරියව්වලින්ම රසික හදවත් මත් කළ සරාගී සේයාරූ පෙළ මෙන්න!
421 Views
හරියට පුංචි සුරංගනා පවුලක් වගේ! පුබුදු-මාශි යුවළ දෝණි එක්ක ගත්තු සුන්දරම දසුන් පෙළක් මෙන්න!
626 Views
අවුරුදු 4කට පසු මියගිය තාත්තාගේ පරණ ෆෝන් නම්බර් එකෙන් රිප්ලයි එකක් ඇවිත්. එකේ සටහන් කරලා තිබ්බේ මේ වගේ දෙයක්
2,352 Views
Hot Gossip
Recent Gossip Post
Follow Us
නැගලා යන ගොසිප්
