01. THE ZODIAC KILLER

මොහු 1968 – 1969 යන වසරක කාලය තුළ අවම පස් දෙනකුවත් ඝාතනය කර ඇති බවට විශ්වාස කෙරෙන තව බොහෝ ඝාතනයන්ට සම්බන්ධ වූ ඇමෙරිකාවේ හිටපු දාම ඝාතකයෙක්.

මොහුගේ තහවුරු වූ පළමු ඝාතනය සිද්ධවෙන්නේ 1968 දෙසැම්බර් 20 වැනි දින රාත්‍රියේදීයි. ඒ 17 හැවිරිදි ඩේවිඩ් ෆැරඩේ සහ ඔහුගේ 16 හැවිරිදි පෙම්වතිය වන Betty Lou Jensen හර්මන් විලට දුරස්ථ ස්ථානයකදී ඔවුන්ගේ මෝටර් රථය අසලදී වෙඩි තබා ඝාතනය කිරීමත් සමඟ. එහිදී අපරාධයේ චේතනාව හෝ කිසිදු සැකකරුවකු සොයා ගැනීමට නොහැකිවූ පොලිසිය තවදුරටත් හෑල්ලු වූයේ ඝාතකයා විසින් පොලිසියට හා මුද්‍රණාලයන්ට එවූ ලිපි නිසායි.

දෙවැනි ඝාතනය සිද්ධවෙන්නේ 1969 ජූලි 5 වැනිදා හිමිදිරියේදීයි. ඒ වයස අවුරුදු 22 ඩාර්ලීන් ෆෙරින් සහ ඇගේ පෙම්වතා වන 19 හැවිරිදි මයික් මැගෝ Vallejoහි ආසන්න ස්ථානයක නවතා තිබූ මෝටර් රථයක වාඩි වී සිටින විටයි.

විදුලි පන්දමක් රැගත් මිනිසකු ඔවුන් වෙත ළඟා වී ඇති අතර එහිදී එම මිනිසා ඔවුන්ට එල්ල කළ වෙඩි පහරවල් මඟින් ෆෙරින් මිය ගිය අතර මයික් බරපතළ තුවාල ලැබීය.

සිද්ධියෙන් පැයක් ඇතුළත නන්නාඳුනන මිනිසකු Vallejo පොලිස් දෙපාර්තමේන්තුවට කතා කර අපරාධය සිදුවූ ස්ථානය ඔවුන්ට දන්වා එම ඝාතනයේ හා 1968 ෆැරඩේ, ජෙන්සන් ඝාතනයේත් වගකීම භාර ගත්තේය.

දෙවැනි ඝාතනයෙන් දිවි ගලවාගත් මයික්ගේ විස්තරයත්, ඇඟිලි සලකුණු හා විකේතනය කරන ලද කේතාංක පවා තිබියදීත් ඝාතකයා සොයා ගැනීමට පොලිසියට නොහැකි විය.

එලෙසම මෙම දෙවැනි ඝාතනයෙන් පසු 1969 අගෝස්තු 1 වැනිදා, San Francisco Examiner San Francisco Chronicle සහ Vallejo Times – Herald යන අයට ලිපිනයක් නොමැතිව ලියුම් කවරයක එක සමාන අත්අකුරින් ලියන ලද ලිපියක් ලැබුණි. “ආදරණීය කර්තෘ මම පසුගිය නත්තල් දා ලේක් හර්මන්හිදී ඝාතනය වූ යෞවනයන් 2 දෙනාගේ ඝාතකයා” යනුවෙන් ආරම්භ කරමින් එම ලිපිවල zodiac killer ගේ ඝාතනයන් පිළිබඳ විස්තර අඩංගු විය. එලෙසම එම ලිපි ඔවුන්ගේ මුල් පිටුවේ මුද්‍රණය නොකළහොත් තවත් ඝාතනයන් සිදුවනු ඇති බවට ඔහු තර්ඡනය කර තිබිණි.

එම ඝාතනයන්ගෙන් පසු 1969 සැප්තැම්බර් 27 වැනි දින තවත් යුවළක් ඉලක්ක වී තිබිණි. නැපා ප්‍රාන්තයේ බෙරීසා විලෙහි හුදෙකලා කොටසක විවේකීව සිටි තරුණ යුවළක් වන සිසිලියා ෂෙපර්ඩ් සහ බ්‍රයන් හාර්ට්නෙල් වෙත ළඟා වූ මිනිසකු අමානුෂික ලෙස ඔවුන්ට පිහියෙන් ඇන ඔවුන්ගේ මෝටර් රථයේ ‍ෙදාරෙහි පණිවුඩයක් කුරුටු ගා ගොස් තිබිණි. එම සිද්ධියෙන් පසුවද ඝාතකයා නැපා පොලිස් දෙපාර්තමේන්තුවට කතා කර වගකීම භාරගෙන තිබිණි.

අසාධ්‍ය තත්ත්වයේ සිටි යුවළ හදිසි සේවා පැමිණෙන තුරු ජීවිතය සමඟ පොරබදිමින් සිටියත් තුවාල හේතුවෙන් ෂෙපර්ඩ් අවාසනාවන්ත ලෙස මියගියේය.

ඉන් සති දෙකකට පසුව, 1969 ඔක්තෝබර් 11 වැනි දින 29 හැවිරිදි කුලී රථ රියැදුරකු වන පෝල් ස්ටයින් හට සැන් ෆ්රැන්සිස්කෝ හි ප්‍රෙසිඩියෝ හයිට්ස් අසල්වැසි ප්‍රදේශයේදී වෙඩි තබා ඝාතනය කර තිබිණි. මෙම ඝාතනය පෙර ඝාතකයාගේ රටාවට නොගැළපෙන බව පෙනෙන්නට තිබූ නමුත් අපරාධය විස්තර කරමින් ලිපියක් San Francisco Chronicle වෙත ලැබෙන තුරු එය මුලින් මංකොල්ලයක් ලෙස සලකනු ලැබීය. 1963 කැලිෆෝනියාවේ සැන්ටා බාබරා අසල රොබට් ඩොමින්ගෝස් සහ ලින්ඩා එඩ්වර්ඩ්ට වෙඩි තැබීම සහ 1966 කැලිෆෝනියාවේ රිවර්සයිඩ්හිදී විද්‍යාල ශිෂ්‍ය චෙරි ජෝ බේට්ස් පිහියෙන් ඇන ඝාතනය කිරීම ඇතුළුව අවම වශයෙන් තවත් මිනීමැරුම් පහක් Zodiac killer හට තාවකාලිකව සම්බන්ධ වී ඇත.

මොහු විසින් එවා තිබූ ලිපිවල සෑම අකුරක්ම කුරුසයක් සහිත රවුමකින් සමන්විත සංකේතයකින් වසා තිබිණි. එනිසාම එය Zodiac killer ගේ සංකේතය ලෙස හඳුන්වා තිබිණි.

එලෙසම ඔහුගේ අනන්‍යතාව අඩංගු කරමින් එවා තිබූ කොටස් තුනකින් යුක්ත කේතාංකයක එක් කොටසක් සමඟ අක්ෂරද පැවැතිණි. පොලිසිය FBI සහාය ඇතිව ඝාතකයා සෙවීමට දැඩිව ක්‍රියා කරන අතරතුර තවත් ලිපියක් සැන් ෆ්‍රැන්සිස්කෝ පරීක්ෂක වෙත පැමිණ තිබිණි. “Dear Editor This is the Zodiac speaking” යනුවෙන් ආරම්භ කරමින් එහි ඔහුගේ ඝාතනයන් පිළිබඳ සවිස්තරාත්මකව විස්තර කරමින් ඔහුගේ කේතය බිඳ දැමීමට හෝ ඔහුව අල්ලා ගැනීමට නොහැකි වීම ගැන පොලිසියට නින්දා කර තිබිණි.

දින කිහිපයකට පසු උසස් පාසල් ගුරුවරයකු වන ඩොනල්ඩ් හාර්ඩන් සහ ඔහුගේ බිරිය බෙටී, කේතාංකය විසඳා ගැනීමට සමත් විය. එහි සඳහන් වූයේ “මම මිනිස්සු මරන්න කැමැතියි. මොකද ඒක හරිම විනෝදජනකයි. වනාන්තරයේ වල් සතුන් මැරීමට වඩා එය විනෝදජනකයි. මන්ද මිනිසා සියල්ලටම වඩා භයානක සත්ත්වයාය.” යනුවෙන්.

ඝාතකයා ඔහුගේ උපහාසාත්මක ලිපි හුවමාරුව දිගටම කරගෙන ගිය අතර එහි ඔහු තවත් කේතාංක ඇතුළත් කර, තවත් මිනීමැරුම් කිහිපයක් කළ බව ප්‍රකාශ කළේය. එලෙසින් සාක්ෂි තිබියදීත් ඝාතකයා සොයාගැනීමට නොහැකි වීම නිසා Zodiac killer අබිරහසක් බවට පත් විය.

ඒ අතර ඝාතනයන්ගෙන් වසර 50කට වැඩි කාලයකට පසුව පසුව එනම් 2020දී ආධුනික කේත බිඳින්නන් ඛධඤඪචජ ම්ඪතතඥප ගේ කේතාංකය විසඳීමට සමත් විය.

විකේතනය කළ පණිවුඩයේ ඇතුළත් වූයේ “මම ගැන විස්තර හෙළි කරන රූපවාහිනි වැඩසටහන තුළ මා නොවූ මා අල්ලා ගැනීමට උත්සාහ කිරීම තුළින් ඔබ බොහෝ විනෝදයෙන් සිටිනු ඇතැයි මම බලාපොරොත්තු වෙමි. මම ගෑස් කුටියට බිය නොවෙමි, මන්ද එය මා ඉක්මනින්ම පාරාදීසයට යවනු ඇත. එලෙසම දැන් මා වෙනුවෙන් වැඩ කිරීමට අවශ්‍ය තරම් වහලුන් එහි සිටිනු ඇත.

පාරාදීසයට ළඟා වන විට අන් සියල්ලන්ටම කිසිවක් නොමැති නිසා ඔවුන් මරණයට බිය වනවා ඇති. නමුත් මම බිය නොවෙමි. මන්ද මගේ නව ජීවිතය පාරාදීසය තුළ පහසු එකක් වන බව මා දන්නා නිසාය.”

02. THE TAMAM SHUD CASE

ඝාතනයන් තුළ කේත භාවිතය පොලිසිය තවත් ගැඹුරට යැවීමක් බව ඔබ දන්නවා ඇති. ඉතින් Zodiac killer විතරක්ම නෙමෙයි ඝාතනයන් තුළ සංකේත ඉතුරු කළේ.

දිනය 1948 දෙසැම්බර් 1 වැනිදා උදෑසනය. ඕස්ට්‍රේලියාවේ ඇඩිලේඩ්හි සමර්ටන් වෙරළ තීරයේ නාඳුනන මළ සිරුරක් සොයා ගැනුණි. එම පුද්ගලයාගේ සිරුරේ කිසිදු තුවාලයක් නොතිබූ අතර පරිපූර්ණ තත්ත්වයෙන් යුක්ත විය. ඔහුගේ ඇඳුම්වල සියලුම ලේබල් අතුරුදන් වී තිබිණි.

මාසයකට පසුව ඇඩිලේඩ් දුම්රිය ස්ථානයේදී ඔහු සමඟ සම්බන්ධ වූ ගමන් මල්ලක් ඔවුන් සොයා ගන්නා අතර එහි ලේබලය මෙන්ම එහි ඇතුළත ඇති ඇඳුම්වල තිබූ ලේබලද ඉවත් කර තිබිණි. අවාසනාවකට මෙන් එය ඔහුගේ මරණ පරීක්ෂණයට කිසිදු හෝඩුවාවක් ලබා නොදුන් අතර ඔහුගේ මරණය විෂ වීමක් නිසා සිදුවූවක් යැයි කෙළින්ම සම්බන්ධ කළ නොහැකි වූයේ එවැනි කිසිදු ද්‍රව්‍යයක් ඔහුගේ ශරීරයේ වාර්තා නොවීම නිසායි මාසයකට පසු ඔවුන් මිනිසාගේ කලිසම්වල රහස් සාක්කුවක තිබී වඩාත්ම වැදගත් ප්‍රහේලිකා සාක්ෂි සොයා ගත් අතර එහි ලියා තිබුණේ “ටමාන් ෂූඩ්” යනුවෙනි.

පසුව එම වාක්‍ය ඛණ්ඩය පරිවර්තනය කිරීමට මහජන පුස්තකාල නිලධාරීන් කැඳවා තිබූ අතර ඔමාර් ඛයියාම්ගේ රුබයියාත් නම් කාව්‍ය සංග්‍රහය තුළ අඩංගු වූ “අවසන්” යන්න අදහස් කරන බව ඔවුහු නිගමනය කළ වහාම පොලිසිය මේ පරණ කඩදාසි ඉරා දැමූ පොත සොයා රට පුරා සෝදිසි කළේය. මළ සිරුර සොයා ගැනීමට සතියකට හෝ දෙකකට පෙර තම අගුළු දැමූ මෝටර් රථයේ පිටුපස අසුනේ තිබී පොත සොයාගත් බව පවසමින් මිනිසෙක් පැවැසූ අතර එහි පිටුපස පැන්සලකින් අංකයක් ලියා තිබිණි.

අංකය හිමි හෙදිය සොයා ගන්නා ලද අතර හෙදිය රුබයියාත් පිටපතක් ඇල්ෆ්‍රඩ් බොක්සාල් නම් හමුදා නිලධාරියකුට ලබා දී තිබිණි. එමෙන්ම පොත සොයාගත් පුද්ගලයා හා හෙදිය මියගිය පුද්ගලයාට කිසිදු සම්බන්ධයක් නොමැති බව කියා තිබිණි. අවසානයේ පොත තුළින් ජීවිතය අවසන් වූ විට පසුතැවිලි නොවන්න යන තේමාව ලබා දී තිබීම නිසා එය සිය දිවි නසා ගැනීමක් යැයි සැක කෙරිණි.

03. THE TARA CALICO CASE

එදා 1988 සැප්තැම්බර් 20 වැනි දින උදෑසනයි. නිව් මෙක්සිකෝවේ බෙලෙන් නගරය බයිසිකලයක් පැදවීමට නියම දිනයක් සේ පෙනුණි. ටාරා කැලිකෝ ඇගේ මවගේ රෝස පැහැති බයිසිකලය ඉල්ලා ගත්තේ නගරය පුරා රවුමක් යෑමටය. ඇය බැංකු ටේලර්වරියක් ලෙස සේවය කළ අතර මනෝ විද්‍යාඥවරියක් වීමට ඉගෙන ගනිමින් සිටියාය. ඇය එදින සවස ටෙනිස් ක්‍රීඩා කිරීමට සැලසුම් කර තිබූ අතර ඇය තම මවට පැවැසුවේ හවස් වන තුරුත් තමා නොපැමිණියහොත් තමා සෙවීමට එන ලෙසයි. එලෙසින්ම ඇය නැවත කිසි දිනක පැමිණියේ නැත.

ඉන්පසුව 1989 ජුනි 15 වැනි දින ටාරා කැලිකෝ අතුරුදන් වී මාස නවයකට ආසන්න කාලයකට පසු ටාරා අතුරුදන් වූ ස්ථානයේ සිට සැතැපුම් 1500කට ආසන්න දුරකින් ෆ්ලොරිඩාවේ පෝට් සෙන්ට් ජෝහි පහසුව සඳහා වූ ගබඩා නැවැතුම්පොළක අබිරහස් Polaroid පින්තූරයක් සොයා ගන්නා ලදී.

ඡායාරූපයට අනුව නව යොවුන් වියේ ගැහැනු ළමයකු සහ තරුණ පිරිමි ළමයකු ඇඳ ඇතිරිලි සහ කොට්ටයක් මත වැතිර සිටින ආකාරය පෙනී ගියේය.

පින්තූරය සොයාගත් කාන්තාව වහාම පොලිසියට කතා කළ අතර තමන් එහි යෑමට පෙර සුදු පැහැති ටොයෝටා වෑන් රථයක් එම ස්ථානයේ නවතා තිබූ බවත් ඇය පැවැසුවා. අවුරුදු තිහක උඩු රැවුල වවාගත් මිනිසෙක් රියැදුරු ලෙස කටයුතු කර තිබූ අතර පොලිසිය විසින් වාහනය අත්අඩංගුවට ගැනීමට මාර්ග බාධකයක් යෙදවූ නමුත් එය හෝ එහි රියැදුරු සොයා ගැනීමට ගත් උත්සාහය අසාර්ථක විය. ඇමෙරිකාවේ ‘වඩාත්ම අවශ්‍ය නම්’ රූපවාහිනි වැඩසටහනේද මෙය ප්‍රදර්ශනය වූ විට පොලරොයිඩ් ජාතික අවධානයට ලක් විය.

ඡායාරූපය දුටු ඇයගේ මව ඒ ඇය බව පිළිනොගත්තද කැලිකෝ කුඩා කල රිය අනතුරකට ලක්ව ඇති වූ කැළලේ ආකාරයෙන්ම පින්තූරයේ සිටින ගැහැනු ළමයාගේ කලවා ප්‍රදේශයේ දුර්වර්ණ වූ ඉරි සහිත කැළලක් තිබිණි. එලෙසම ඇගේ ප්‍රියතම කතුවරයෙක් වූ VC Andrews ගේ කෘතියක පිටපතක්ද ඇය අසල විය. නමුත් බලධාරීන් එතරම් විශ්වාස නොකළ අතර ලොස් ඇලමෝස් ජාතික රසායනාගාරයේ ප්‍රවීණයන් ද ඒ ඇය බව සැක කළ අතර එෆ්බීඅයිට කෙසේ හෝ ස්ථීර සාක්ෂි ඉදිරිපත් කිරීමට නොහැකි විය. කෙසේ වෙතත් එක්සත් රාජධානියේ ස්කොට්ලන්ඩ්යාඩ් ඡායාරූපයේ ඉරිතැළීමක් ගෙන, දැරිය ඇත්ත වශයෙන්ම ටාරා කැලිකෝ බව නිගමනය කළේය.

එලෙසම ඡයාරූපයේ සිටි පිරිමි ළමයා මයිකල් හෙන්ලි වූ අතර ඔහු තම පියා සමඟ දඩයම් කිරීමට ගොස් එහි අතුරුදන් වී තිබිණි. Zuni

පසුව 1990දී, මයිකල් හෙන්ලිගේ සිරුර ඔහු දඩයම් කරමින් සිටි Zuni කඳුකරයේ තිබී හමු වූ අතර, එමඟින් ඔවුන් දෙදෙනා පැහැරගෙන ගොස් ෆ්ලොරිඩාවට ගෙන ගියා යැයි ඉදිරිපත් වූ න්‍යාය දැඩි ලෙස බැහැර කෙරිණි.

අද වන විට කැලිකෝ අතුරුදන් වී වසර 30කට වැඩි කාලයක් ගත වී ඇත. නමුත් ඇගේ අතුරුදන් වීම පිළිබඳ කිසිදු තොරතුරක් නොමැතිය.

එලෙසම මැගේ මෙම අතුරුදන් වීම මතකයේ වඩාත්ම හොල්මන් කරන සීතල සිදුවීම්වලින් එකක් ලෙස පවතී.

04. THE SEVERED FEET MYSTERY

2007 දී බි්‍රටිෂ් කොලොම්බියාවේ වෙරළ තීරයක ගැවසෙමින් සිටි ගැහැනුු ළමයකුට සපත්තුවක් හමු විය. එයින් ඇය භීතියට පත් විය. මන්ද ඇය මේස් එක විවෘත කරන විට එය තුළ වූයේ මිනිස් පාදයකි.

පසුව කපා දමන ලද පාද ගණනාවක් වෙරළට ගසාගෙන පැමිණ තිබුණි. එම පාද පිරිමි පස් දෙනකුටත් එක් කාන්තාවකටත් හා පිරිමි හෝ ගැහැනු ලෙස හඳුනාගත නොහැකි තිදෙනකුට අයත් විය. එලෙස සිරුරු 9කට මෙම පාද අයත් වූ අතර වැන්කුවර් පොලිසිය 2008දී එක් පාදයක් හඳුනාගැනීමට සමත් වූ අතර එහි DNA සියදිවි නසාගැනීමක් ලෙස විස්තර කරන ලද මිනිසකුට ගැළපිණි. පසුව ඔවුන් සියදිවි නසාගත් බවට සැලකෙන කාන්තාවකට තවත් පාද දෙකක් ගැළපූ අතර එයත් සමාන විය. එම තිදෙනා හැර අනෙක් සිරුරු සම්බන්ධයෙන් කිසිවක් පැවැසීමට පොලිසිය අසමත් විය.

මෙම සොයාගැනීම් නිසා බොහෝ දෙනෙක් පාලමකින් පැන මියගිය අය හට මෙම පාද අයිති බව අනුමාන කළ අතර එසේනම් පාද පමණක් දුර්ලභ වන්නේ කෙසේද වෙනත් ශරීර කොටස් නැත්තේ ඇයි යන ප්‍රශ්නයන් නිසා එම මතය බැහැර කෙරුණි. ඇතැමුන් විශ්වාස කරන්නේ එම පාද අසල පිහිටි දූපතක සිදුවූ ගුවන් අනතුරකට සම්බන්ධ ඇති බවයි.

තවත් අය පැවැසුවේ ඔවුන් 2004 වසරේ ආසියානු සුනාමියෙන් විපතට පත් වූවන් බවයි. මන්ද මෙම සපත්තු සියල්ලම 2004ට පෙර නිපදවා ඇති බැවිනි. එලෙසින් ඇරඹුණු සිද්ධීන් දාමයේ මෙම පාද කාගේද කොහේ සිට පැමිණියාද යන්න පිළිබඳ එහෙට මෙහෙට විසිකළ ප්‍රෝඩාවන් සමඟ මෙය අදටත් අබිරහසකි.

05. THE BOY IN THE BOX

1957 වසරේ ෆිලඩෙල්ෆියාහි දී දඩයක්කරුවකු විසින් JC Penney පෙට්ටියක තිබී කුඩා පිරිමි ළමයකුගේ තැළුණු සිරුරක් සොයා ගත්තේය. වයස අවුරුදු හතරේ හෝ හයේ වූ පිරිමි ළමයා නිරුවත් වූ අතර ෆ්ලැනල් එකකින් ඔතා තිබුණේය. හිසට එල්ල වූ පහරවල් නිසා ඔහු මිය ගිය බවක් පෙනෙන්නට තිබිණි.

දඩයක්කරු ඔහුගේ කස්තුරි උගුල් පොලිසිය විසින් රාජසන්තක කරනු ඇතැයි බියෙන් සිරුර ගැන වාර්තා නොකළේය. ඊට දින දෙකකට පසුව විශ්වවිද්‍යාල ශිෂ්‍යයකු මළ සිරුර සොයා ගැනීමත් සමඟ “ඇමෙරිකාවේ නාඳුනන දරුවා” සම්බන්ධයෙන් පොලිසියේ විමර්ශනයන් ආරම්භ විය. පොලිසියට තොරතුරු දහස් ගණනක් ලැබුණද ළමයාගේ අනන්‍යතාව හෙළි කර ගැනීමට ඔවුන්ට කිසි විටෙකත් නොහැකි විය.

ඔවුන් JC Penney පෙට්ටිය සොයා ගැනීමට සහ පිරිමි ළමයාගේ ඇඟිලි සලකුණු පරීක්ෂා කිරීමට උත්සාහ කළ නමුත් සියල්ල අසාර්ථක විය. කෙසේ වෙතත් අවධානය යොමු කළ හැකි කරුණු දෙකක් තිබිණි. එක් කරුණකට සැතැපුම් 15ක් දුරින් පිහිටි නිවෙසක් සම්බන්ධ විය. ඔහුගේ මරණය දක්වාම මෙම නඩුව ලුහුබැඳ ගිය වෛද්‍ය පරීක්ෂකයකු එම නිවෙසට ගිය අතර එහිදී ඔහුට දරුවා දමා තිබූ පෙට්ටියේ තිබූ බසිනෙට් එකට සමාන එකක් හමු විය. එලෙසම පිරිමි ළමයා වටේ ඔතා ඇති ආකාරයටම රෙදි කැබැල්ලක් කරේ එල්ලා තිබිණි. පිරිමි ළමයා නිවෙස පවත්වාගෙන ගිය පුද්ගලයාගේ සුළු දියණියගේ බව ඔහු විශ්වාස කළේය.

පොලිසිය මෙම යුවළ සමඟ සම්මුඛ සාකච්ඡාවක් පැවැත්වූ නමුත් පසුව විමර්ශනය අවසන් කළේය.

1957 පෙබරවාරි මාසයේදී කතාව බිඳී ගිය විට “Boy in the Box” නඩුව දේශීය මෙන්ම ජාතික මාධ්‍ය අවධානයට ලක් වූ අතර නාඳුනන පිරිමි ළමයාගේ අනන්‍යතාව ඉතා ඉක්මනින් තීරණය කරනු ඇතැයි පොලිසිය මුලින් උපකල්පනය කළේය. ෆිලඩෙල්ෆියා ප්‍රදේශය පුරා ඝාතනයට ලක් වූ පිරිමි ළමයාගේ රුව සහ භෞතික විස්තරය සහිත පෝස්ටර් ලක්ෂ ගණනක් ප්‍රමුඛව ප්‍රදර්ශනය කර තිබුණි.

ඒවා දිවයින පුරා පොලිස් දෙපාර්තමේන්තු දහස් ගණනකට ද බෙදා දෙන ලදී. පොලිසිය මඟ පෙන්වීම් සිය ගණනක් හඹා ගිය අතර සැකකරුවන් කිහිප දෙනකු හඳුනාගෙන ප්‍රශ්න කිරීම්වලට ලක් කරන ලදී. නමුත් විමර්ශකයන් අවසානයේ පිළිතුර ඔවුන්ගේ ග්‍රහණයේ ඇතැයි සිතූ සෑම අවස්ථාවකම එය කෙසේ හෝ ඔවුන් මඟහැරියේය. වසර ගණනාවක් පුරා මෙම නඩුවේ ඉඟි නැවත නැවතත් ප්‍රවේශමෙන් පරීක්ෂා කර තිබිණි. කෙසේ වෙතත් 1998 නොවැම්බර් මාසයේදී DNA විශ්ලේෂණය සඳහා පටක සාම්පල ලබා ගැනීම සඳහා පිරිමි ළමයාගේ දේහය ගොඩ ගන්නා ලදී. පසුව ඔහුව වෙනත් ස්ථානයක නැවත තැන්පත් කිරීමට කටයුතු කළේය.

ඒ සියලු උත්සහයන්ද බිඳවැටී ගියේ දරුවා ගැන හොඳින් දැන සිටියා යැයි විශ්වාස කළ බොහෝ දෙනකු ජීවිතවලින් සමුගෙන තිබීම නිසාය. එය තව තවත් අගාධයකට පොලිසිය තල්ලු කෙරිණි.

එසේ වුවත් පොලිසිය මෙම නඩුව වසා දමා නොමැති අතර එවකට මෙම නඩුව සඳහා වසර 36ක් වැඩ කළ විමර්ශකයකු වන Remington Bristo නඩුව විසඳීමට තුඩු දෙන තොරතුරු සඳහා {1000 ත්‍යාග පවා පිරිනැමීය.

චානුක සහන්
මව්බිම