7 Views
කුඩුකරපු කම්පියුටර් කෑලි ගේ හැමතැනම
මාලදිවයින් ජනපති ඝාතන ප්රයත්නයක් පසුගියදා වැරදී ගියේ ජනපති ආර්යාවට පමණක් සුළු තුවාල සිදුවීමෙනුයි. මේ සම්බන්ධයෙන් වන පුද්ගලයින් අල්ලා ගැනීමට මාලදිවයින් රජය ජාත්යන්තර පොලිසියේ සහය පැතූ අතර ඒ අනුව සිද්ධියට සම්බන්ධ අයෙකු දෙහිවල - නැදිමාල ප්රදේශයේදී අත්අඩංගුවට ගැනීමට පොලිසිය සමත්වුණා. ඔහු මේ වන විට එරටට ළඟා වී තිබෙනවා.
ඒ, මෙරට සංක්රමණික බලධාරීන් ඔහු රටින් පිටකිරීමට පියවර ගැනීමෙන් අනතුරුවයි. අහමඩ් අෆ්රොෆ් නමැති 18 හැවිරිදි මාලදියින් තරුණයා මේ වන විට මාලේ අධිකරණය මගින් රක්ෂිත බන්ධනාගාර ගත කර ඇති බව සඳහන්.
මාලදිවයින් ජනාධිපති අබ්දුල් යමින් අබ්දුල් ගයුම් ඝාතන ප්රයත්නයේ සැකකරුවන් 8 දෙනෙකු මේ වන විට හඳුනාගෙන ඇති අතර, ඉන් එක් සැකකරුවෙකු වන මොහු නැදිමාල ප්රදේශයේ නිවසක සිටියදී ආගමන, විගමන නිලධාරීන් අත්අඩංගුවට ගනු ලැබුවේ පෙරේදා රාත්රී 7.30ට පමණයි. ඒ, පොලීසිය සමඟ සිදුකළ වැටලීමකදියි. මාලදිවයින් තානාපති කාර්යාලය මෙරට ආගමන, විගමන බලධාරීන්ගෙන් කළ ඉල්ලීමකට අනුව මෙම වැටලීම සිදුකෙරුණා.
වැටලීම සිදුකරන අවස්ථාවේදී සැකකරු නිවසේ රැදී සිටියේ තරුණියක් ද සමඟයි. නිවස සෝදිසි කිරීමේදී හමුවූ ලැප්ටොප් පරිගණකයක් සහ එකලස් නොකළ පරිගණක දෘඩාංග රැසක් ද ආගමන විගමන බලධාරීන් සිය භාරයට ගත්තා. විනාශ කළ ප්රධාන පරිගණක ගබඩාවක් තිබුණේ නිවසේ නාන කාමරය තුළයි. අත්අඩංගුවට ගත් මෙම මාලදිවයින ජාතික තරුණයා ඊයේ උදෑසන එරට බලධාරීන් වෙත භාරදුන් බව ආගමන විගමන දෙපාර්තමේන්තුවේ මාධ්ය ප්රකාශක, ලක්ෂාන් ද සොයිසා හිරු ප්රවෘත්ති අංශයට සදහන් කළා.
පසුගිය සැප්තැම්බර් 28 වන දා ජනාධිපති අබ්දුල්ලා යමින් මක්කම වන්දනා කොට මාලදිවයිනේ දූපතකට ගොඩ බැස මාලේ අගනුවර වෙත ගමන් ගත් අධිවේගී බෝට්ටුවේ පිපිරීමක් සිදුවුණා. එහිදී ජනාධිපතිවරයාට හානියක් සිදුනොවූ අතර එය ඝාතන කුමන්ත්රණයක් ලෙසයි මාලදිවයින් රජය හැදින්වූයේ. ඒ සම්බන්ධයෙන් එරට උප ජනාධිපතිවරයා ද සැකපිට අත්අඩංගුවට ගැණුනා.
මාලදිවයින් පොලීසියේ මාධ්ය ප්රකාශක, සහකාර පොලිස් කොමසාරිස් අබ්දුල්ලා නවාස් කියා සිටියේ මෙම පරීක්ෂණ සාර්ථක කර ගැනීම සඳහා ශ්රී ලංකා පොලීසිය දැක්වූ සහයෝගයට ස්තූතිය පළ කරන බවයි.
ඔවුන් අත්අඩංගුවට ගත් අවස්ථාවේ වීඩියෝව පහතින්......
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
