27 Views
‘‘අඹ කඩපු කොල්ලෙක් ඇලේ ගිහිල්ලා පළවෙනියට බේරගත්තේ
‘‘පීනන්න අපිට උගන්වන්න එපා අංකල් යන්න කීවා,
පැයභාගයක් ගියේ නෑ මිනිහා ගහගෙන ගියා‘‘
අනතුරකදී තමන්ගේ ජීවිතය අනුන්ගේ ජීවිතයක් වෙනුවෙන් ගලවා ගැනීම වෙනුවෙන් අවදානමේ දමන උත්තරීතර මිනිසුන් වර්තමානයේ ඉතාමත් දුලබයි. එවන් මිනිසෙක් තමයි පයාගල ලියනආරච්චිලාගේ රංජිත් ප්රනාන්දු.
වයසින් අවුරුදු 66ක් වූ මොහු ජීවත්වන්නේ, මහියංගනය - දම්බරාව ප්රදේශයේ. ගමේ මිනිස්සු මේ මාමාට කියන්නේ දඹානේ දිය කිදුරා කියලා. ඒකට හේතුවක් තියෙනවා. ජලපහරට හසුව ගසාගෙන යන පුද්ගලයින්ගේ ජීවිත බේරාගැනීම රංජිත් මාමාටම උරුම වූවක්.
මේ ප්රදේශයට එන ආගන්තුකයින් මෙන්ම ප්රදේශවාසීන් ද තම අවශ්යතා වෙනුවෙන් මේ ඇල ඇසුරු කරනවා. නමුත් ඇතැමුන්ට මේ වියානා ඇල ඔරොත්තු දෙන්නේ නැහැ.ඒ විදියට දියේ ගිලුණු ජීවිත 26ක් මේ වෙනකොට රංජිත් මාමා මේ වන විට බේරාගෙන තියෙනවා.
අනුන්ගේ ජීවිත වෙනුවෙන් කැපවූ මේ මිනිසා තමන්ගේ අත්දැකීම් විස්තර කලේ මෙන්න මේ විදියට. මිණුවන්ගොඩ අඹ කඩන්න ආපු කොල්ලෙක් ඇලේ ගිහිල්ලා තමයි පළවෙනියට ගත්තේ. ඊළගට තමයි ඔය ඉතුරු හරිය ගන්න ලැබුණේ.
-සීයයි ඒ පොඩි ළමයයි අම්මයි ඒ තුන්දෙනා නාපු කෝප්පේ අතඇරුණාට පස්සේ ළමයා කෝප්පේ ගන්න ගියා.ළමයා යනකොට සීයා අල්ල ගත්තා. සීයාත් ගහගෙන ගියා.මං පාලම උඩට ගිහිං බලනකොට දෙන්නම එනවා යට යනවා උඩ එනවා ,යට යනවා උඩ එනවා සැඩපහර සෑහෙන්න. පස්සේ කරන්න දෙයක් නැහැ වටෙන් ගිහිල්ලා යන්න බැහැ පැන්නා පාලම උඩ ඉදලාම. පැනලා ඊට පස්සේ දැන් දෙන්නම ගොඩට අරන් ඉස්පිරිතාලෙට දාලා ඇරියා.ඇළේ යනකොට එයාට අවුරුදු තුනක් විතර ඇති.දැන් එයා දීග දීලා
-අපිට උගන්වන්න එපා අංකල් යන්න කියලා එක දවසක් එක්කෙනෙක් කීවා. මං ඒත් තව ටිකක් හිටියා බලාගෙන. ඊට පස්සේ ආවා එක්කෙනෙක් අංකල් යනවද? අපි යවන්නද? කිව්වා. මං කිව්වා නෑ... නෑ... මං යන්නම් කියලා ගියා. ගිහිල්ලා පැය භාගයක් ගියේ නැහැ. මිනිහාම ගියා. ඊට පස්සේ බොඩි එක අරන් දුන්නා.
-බැරිවුණත් හිතේ ධෛර්යයට දැන් වුණත් මම පනිනවා. බේරුණොත් ඉතින් දෙන්නාගේම වාසනාව. නැත්නම් ඉතින් කරන්න දෙයක් නැහැ බලා ඉන්නේ කොහොමද මනුස්ස ජීවිතයක් නිකන් අමු අමුවේ නැතිවෙනකන්.
ඔහුගේ කතාව ඇතුලත් සම්පූර්ණ වීඩියෝව පහතින්....Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
