7 Views
කාණුවට වැටුණු ගමන් අතුරුදන් වෙලා
සිරුර හම්බවුණේ මීටර් 800ක් දුරින්
බලධාරීන්ගේ නොසැලකිල්ල නිසා සිය උපන් දිනයදා අකාලයේ ජීවිතයෙන් සමුගන්නට කටුගස්තොට ප්රදේශයේ පාසල් සිසුවියකට සිදුවුණා.
ඇය මෙම අවාසනාවන්ත ඉරණමට මුහුණ දුන්නේ සවස්වරුවේ නිත්තවල මාර්ගය අසල ජලය පිරුණු අනාරක්ෂිත කාණුවකට ඇද වැටීමෙන්. කටුගස්තොට නිත්තවෙල මංසන්ධිය අසළ බස්නැවතුම්පොළ පිටුපසින් ඇති අඩි 6 ක් පමණ ගැඹුරු අනාරක්ෂිත කාණුවට ඇද වැටීමෙන් ජීවිතක්ෂයට පත්වූයේ කටුගස්තොට ප්රදේශයේ පදිංචි 17 හැවිරිදි ෆාතිමා අස්ලායි.
ඇය තවත් යෙහෙළියන් තිදෙනෙකු සමඟ උපකාර පංතියකට සහභාගී වී යලි නිවස වෙත පැමිණීමේ අරමුණින් මෙම බස් නැවතුම්පළට පැමිණ තිබෙනවා. එදින මහනුවර ප්රදේශයට ඇදහැලුණු අධික වර්ෂාවත් සමග බස්නැවතුම්පොළට පිටුපසින් ඇති අදාල අනාරක්ෂිත කාණුවේ ජලය, මාර්ගය මට්ටමට පැමිණ තිබුණා.
මාර්ගයේ ධාවනය වූ වාහනයකට ඉඩ ලබා දීම සදහා ෆාතිමා මාර්ගයෙන් මදක් පසෙකට වී තිබෙනවා. ෆාතිමාගේ යෙහෙළියන් පවසන්නේ, එවිට ඇය එක්වරම අතුරුදන්ව ගිය බවයි.
නිත්තවෙල බස් නැවතුම්පොල අසලදී ජල පහරට හසුවූ ෆාතිමාගේ සිරුර සොයාගැනුණේ මීටර් 800 ක් පමණ දුරින් පිහිටි එම ජලය ප හළ මහවැලි ගගට එක්වන ස්ථානයෙන්. එම කානුව මහවැලි ගගට සම්බන්ධව වන්නේ කටුගස්තොට එලිෆන්ට් බාත් නැමැති ස්ථානයෙන්.
බදියුදීන් මහමුද් බාලිකා විද්යාලයේ 12 වන ශ්රේණියේ ඉගෙනුම ලැබූ ෆාතිමාගේ දේහය පිළිබද අවසන් කටයුතු කටුගස්තොට ඉස්ලාම් දේවස්ථාන සුසාන භූමියේදී ඊයේ පස්වරුවේ සිදුකෙරුණා.
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
