12 Views
‘‘පුතා දක්ෂයි හැබැයි මහේල ඊට වඩා දක්ෂයි
මම කැමති පුතා ගොල්ෆ් ගහනවට
සංගාව දොන් බ්රැඩ්මන්ට සමකරන්න බෑ‘‘
පසුගියදා ක්රිකට් දිවියේ නිමාව සනිටුහන් කළ කුමාර් සංගක්කාරගේ සමුගැනීම සම්බන්ධයෙන් තවමත් ක්රීඩා ලෝලීන් අතර කතාබහ වෙනවා. ඔහු පිළිබඳව තවමත් ඇගැයීම් සිදුකරන්නට ක්රීඩා විචාරකයින් පවා කටයුතු කරනවා. නමුත් සංගාගේ පියා වන ෂේමා සංගක්කාර මහතා පවසන්නේ තම පුතාගේ ක්රිකට් දිවිය පිළිබඳව තමන්ට පොඩි විවේචනයක් ඇති බවය.
ඔහු මෙම විවේචනය සිදුකරන්නේ ක්රීඩාවේ ඇති තාක්ෂණික දැනුමද උපයෝගී කරගනිමින් තර්කානුකූලවයි. ඔහු පවසන්නේ සංගා සහභාගි වන ක්රිකට් තරගයක් බලා සිටින තමාට පුතා දැවී යන්නට ආසන්න බවට ඔහු ක්රීඩාකරන විලාසයෙන් කිව හැකි බවයි. එලෙස කී අනාවැකි වැරැදී නොමැති බවද ඔහු පවසා තිබෙනවා. ඉන්දියන් එක්ස්ප්රස් සමඟිනුයි ඔහු මෙම කතාබහේ නිරත වී තිබුණේ.
එමෙන්ම සංගාගේ පියා පවසන්නේ සංගා ක්රීඩා කරනවා බලන්නට තමන්ට යම් චකිතයක් තිබූ බවයි ඒ හේතුව නිසා තමන් ක්රීඩාංගණයට ගොස් තරගයක් බලන්න වැඩි කැමැත්තක් නොදැක්වූ බවටද ඔහු පවසා තිබෙනවා. රූපවාහිනියේදී නැරඹුවත් එක දිගටම නොබලා විටින් විට සංගා ක්රීඩා කරන අයුරු තමන් බලන බවද ඔහු පවසා තිබෙනවා.
සංගක්කාරගේ පියා, ඩොන් බ්රැඩ්මන් හා තම පුතා සංසන්දනය කිරීම ගැනද තම මතය පළකරමින් මෙසේ අදහස් දක්වා තිබෙනවා. ඔහු පවසන්නේ ඩොන් බ්රැඩ්මන් යනු නියමම පිතිකරුවෙක් බවයි.
"ඩොන් බ්රැඩ්මන් කියන්නේ නියම පිතිකරුවෙක්. එයා හැම ඉනිම තුනකට සැරයක් ශතකයක් ගන්නවා. මම කියන දේ වැරදි විදියට ගන්න එපා. කුමාර් හොඳින් දස්කම් දැක්වූවා. එහෙත් ඔහු සතු නියම හැකියාවන් අනුව ඔහුගේ අරමුණු ඉලක්කයන් ජයගත්තාද යන ප්රශ්නය තියෙනවා. එසේ වුණා කියලා මම හිතන්නේ නැහැ."
ඔහු වැඩිදුරටත් පවසා ඇත්තේ මහේල ජයවර්ධන කියන්නේ කුමාර්ට වඩා හොඳ තාක්ෂණයක් හා දැඩි ආරක්ෂිත පහරවල් සහිත පිතිකරුවෙක් බවයි. එමෙන්ම කුමාර් සතුව තිබූ ඉවසීම හා ධෛර්යවන්තකම මෙන්ම අධිෂ්ඨානශීලී බව නිසා මහේලට වඩා වැඩි ලකුණු හා වැඩි සාමාන්යයක් රඳවා ගන්නට අවස්ථාව ලැබුණු බවද ඔහු පවසා තිබෙනවා.
සංගා යනු ටෙනිස් ක්රීඩාවටද දක්ෂ අයෙක් බවට පියා පවසන අතර දිනක් සාරාංගා එනම් සංගාගේ සහෝදරිය හා කුමාර් අතර පැවැති ටෙනිස් තරගයකින් කුමාර් පරාජයට පත්වූ බවටද ඔහු පවසා තිබෙනවා. පවුලේ අය අතර තරගයක් වූවත් ඒ පරාජය නිසා කුමාර් ටෙනිස් ක්රීඩාව නතර කළ බවටද පවසනවා.
කුමාර්ගේ පියා වැඩියෙන්ම කැමති ඔහුව ගොල්ෆ් ක්රීඩාව වෙත යොමු කරන්නට බවද මේ සාකච්ඡාවෙන් පසුව ඔහු පවසා තිබෙනවා
Make a Comment
Make a Comment..
Follow Us
මෙන්න බලන්න තවත් ගොසිප්
Hot Gossip
Recent Gossip Post
Follow Us
නැගලා යන ගොසිප්
