පියෙකුගේ සහ පුතුන් දෙදෙනෙකුගේ ජීවිත රේල් පීල්ලක් මතදී නැවතුණු ඛේදවාචකයේ නොදත් කතාව මෙන්න - Video - Suicide In Sri Lanka - Hiru Gossip, Lanka Gossip | Hirugossip | Hiru Gossip | Hiru Fm Gossip | Hiru Gossip Official Web Site |Lanka Gossip

Sep

පියෙකුගේ සහ පුතුන් දෙදෙනෙකුගේ ජීවිත රේල් පීල්ලක් මතදී නැවතුණු ඛේදවාචකයේ නොදත් කතාව මෙන්න - Video

7 Views

මව සහ පියා අතර ඇති වූ ආරවුලක් හේතුවෙන් පියාත් සමග සිය දිවි ගමනට සමුදෙන්නට සිදුවූ පුතුන් දෙදෙනෙකු පිළිබද සෝචනීය පුවතක් ඊයේ වැලිකන්ද ප්‍රදේශයෙන් වාර්තා වුණා.

මෙම සිදුවීම වාර්තා වුණේ ලෝක සියදිවි නසාගැනීම් වැළැක්වීමේ දිනය යෙදී තිබුණේ ඊයේ (11) දිනමයි.

වැලිකන්ද පොලිස් වසමේ බෝඅත්ත දුම්රිය හරස් මාර්ගයේදී පියෙක් සිය පුතුන් දෙදෙනා සමග මඩකළපුව සිට කොළඹ බලා ධාවනය වූ දුම්රියකට පැන දිවි නසා ගෙන තිබුණේ ඊයේ රාත්‍රී 7ට පමණ.

මෙලෙස මියගොස් ඇත්තේ බෝඅත්ත සුන්දරදේවී ගම්මානයේ පදිංචිවසිටි කදිරවේලෙයි විජේසූරිය නැමති වයස අවුරුදු 40ක පියා, 11 වැනි සහ 5 වැනි වියේ පසුවූ පුතුන් දෙදෙනායි.

පොලිසිය පැවසුවේ කොළඹ ප්‍රදේශයේ රැකියාවක නිරත තම බිරිඳ මාස 7ක පමණ කාලයක් නිවසට නොපැමිණීමෙන් ඇති වූ සිත් තැවුලක් හේතුවෙන් අදාළ පුද්ගලයා දරු දෙදෙනාද සමඟ දිවිනසා ගෙන ඇති බවයි.

අවස්ථා කිහිපයකදී බිරිඳට රැකියාවෙන් ඉවත්ව නිවසට පැමිණෙන ලෙසද කදිරවේලෙයි දන්වා තිබෙනවා.

ඇය ඊයේ දිනයේ පැමිණෙන බවට දන්වා තිබුණත් නොපැමිණීම හේතුවෙන් හටගත් සිත්තැවුලින් පුතුන් දෙදෙනා ද සමග දිවිනසා ගෙන ඇති බව පොලිසිය සඳහන් කළා.

ලෝක සියදිවි නසා ගැනීම් වැළැක්වීමේ දිනය ඊයේට යෙදී තිබුණු අතර ශ්‍රී ලංකාවේ වාර්ෂික සියදිවි නසා ගැනිම් 3000කට වඩා සිදුවන බව සෞඛ්‍ය අමාත්‍යාංශ දත්තවල සඳහන්.

ඒ අනුව දිනකට සියදිවි නසා ගැනීම් සිදුවන ප්‍රමාණය ආසන්න වශයෙන් 11 ක්.

ගෙවුණු වසර 3ට සාපේක්ෂව 2017 වසරේ මෙරට දිවි නසා ගැනීම් බහුලව වාර්තා වී ඇති අතර පිරිමින් 2586ක් සහ කාන්තාවන් 677 දෙනෙකු දිවි නසා ගෙන ඇති බව වාර්තාවල සඳහන්.